Həbibli Fatimə Faiq qızı

Fatimə uşaq vaxtdan aktiv, dəcəl və yaşından böyük uşaq olub. Şəkil çəkməyi və sınan oyuncaqlardan əşyalar düzəltməyi sevirdi. Balaca yaşlarından baxça və hazırlıqlara getməsi ona bu gün əldə elədiyi uğurlarında çox kömək olub. Üç yaşından şəkil çəkir bu sahəyə marağı atasından yaranmışdır.

Həbibli Fatimə Faiq qızı 14.09.2007-ci ildə Bakıda Xəzər rayonu Buzovna qəsəbəsində anadan olub. Hazırda 125 saylı məktəbin 3B sinif şagirdidir. Eyni zamanda incəsənət məktəbinin rəssamlıq üzrə 2-ci sinif şagirdidir. Dərslərini yaxşı oxuyur,  rəsm, texnalogiya və informatika ilə daha çox maraqlanır. Rəsmə olan marağı balaca Fatimədə gələcəyin tanınmış rəssamı olma istəyini də yaradır “Narkamaniyaya son”, “Xocalı faciəsi”, “Nizami Gəncəvi haqqında” , “Uşaq Hüquqları” və s kimi rəsm sərgilərində iştirak edib.  Fatimənin ən sevincli günü isə yaşının az olmasına baxmayaraq rəssamlığa ödənişsiz qəbul olması idi. O günü Fatimə həyatının arzularının reallaşmasına doğru dəyişdiyi gün kimi hesab edir. Atasına və məhşur rəssam Mircavad Cavadova oxşamaq istəyir. Ən böyük arzusu tanınmış rəssam olmaqdır. Uşaq vaxtlarından yaranan həvəs illər sonra arzusuna çevrilib indisə,  artiq məqsədidir tanınmış rəssam olub öz vətənini dünyada təmsil etmək. Bədii ədəbiyyatla məşğul olmasada, dahi ədəbiyyatçılarımızı öz sehirli fırcasının köməyi ilə canlandırmaq istədiyini bildirir. Balaca rəssamın digər arzusu isə dünyanı gəzərək gördüyü gözəllikləri əbədi yaddaşlara həkk etməkdir.Tanınmaq üçün rənglərin dili ilə insanların gözləri arasındakı sintezi düzgün tənzimləmək lazım olduğunu düşünür. Heç bir tədbirdə hələki yaşının az olması səbəbi ilə iştirak etməyib . Ancaq gələcəkdə onu böyük naliyyətlər gözlədiyinə inanır biz də balaca rəssama uğurlar arzulayırıq...

Ayxan Aydın oğlu Məmmədli

Ayxan Aydın oğlu Məmmədli 6 sentyabr 2002-ci ildə Bakı şəhərində anadan olmuşdur. 3 yaşına qədər Elmira nənəsinin himayəsində olub. Ayxanın bacarıqlı uşaq kimi böyüməsində Elmira nənənin rolu böyük olub. O, çox səbr və təmkinlə Ayxanın tərbiyəsi ilə məşğul olmuşdur. Ayxanın əsas ma­raq­ları təbiət mənzərələrinə baxmaq, rəngli oyuncaqlarla oynamaq olmuşdur. 3 yaşın­dan bağçaya gedən Ayxan orada yazıb-oxumağı, maraqlı şəkillər çəkməyi öyrənib. Bağça müəllimi Zenfira xanım və Gülxar xanımın da Ayxanın üzərində xüsusi zəhməti vardır. O, bağçada maraqlı şəkillər çəkir, plastilindən maraqlı fiqurlar düzəldirdi. Atası heykəltəraş olduğu üçün onunla emalatxanaya gedir, orada heykəllərə öz əlavələrini edirdi.

Ayxan ilk təhsilini "Eko­lo­giya" liseyində almışdır. Hazır­da isə təhsilini Bakı Slavyan Universiteti nəzdində Məktəb-Lisey Kompleksində davam etdirir. Dərs­lərini çox yaxşı oxuyur. Humanitar fənləri çox sevir. Məktəbdə keçirilən bütün tədbirlərdə fəal iştirak edir, pianino çalır. Rəsm festivallarında fəal iştirak edir. O, idmanın cüdo növü ilə məşğul olur. Futbola həvəsi daha böyük olan Ayxan məktəbin futbol komandasının üzvüdür. 

Ayxan diplom və sertifikatlarla təltif olunmuşdur. Belə ki; 

9 noyabr 2014-cü ildə "Bayrağımız qürur mənbəyidir" rəsm müsabiqəsində fəal iştirakına görə sertifikatla, 30 noyabr 2014-cü ildə cüdo üzrə III yeri tutduğuna görə diplomla təltif olunmuşdur.

Ayxan əldə etdiyi uğurlarına və nailiyyətlərinə görə valideynlərinə və müəllimlərinə borclu olduğunu hesab edir. Əsas arzusu öndə gedən güclü şirkət rəhbəri olmaqdır. Son zamanlar ölkəmizdə turizmin sürətlə irəli gedən inkişafı Ayxanda turizmə olan marağı oyatdı və o, bu potensiyalı özündə hiss etdi. 

Ayxan asudə vaxtlarında təbiətdə gəzməyi, xarici ölkələrə və respublikamızın rayonlarına gəzməyə getməyi, tarixi abidələrə baxmağı çox xoşlayır. Əsas hədəfi ilk öncə orta məktəbi bitirib yüksək nəticə ilə ali məktəbə qəbul olmaqdır.

Məmmədov Cavad Elşad oğlu

Cavad körpəlikdən əsas vaxtını kitablarla keçirib, oyuncaqlardan daha çox kitablara baxmağa üstünlük verib. Bu baxımdan bu cəhəti Cavadı bir çox həmyaşıdlarından fərqləndirib. Cavad dörd yaşından sərbəst yazmağı  və oxumağı bilirdi. Cavada yazıb- oxumağı anası öyrətmişdır. Cavadla valideyinləri  mütəmadi məşğul  olmuş və Cavadın istedadının inkişaf etdirilməsinə onun valideyinləri böyük önəm vermişlər.

Məmmədov Cavad Elşad oğlu 24.04.2002 ci ildə Bakı şəhərində anadan olmuşdur. Və 60 saylı məktəbə getmişdir. Dərslərini yaxşı oxumağa nümunəvi şagird olmağa çalışır, sevimli fənni riyaziyyatdır. Məktəbdə keçirilən tədbirlərdə mütəmadi iştirak etməyə çalışır.Təsviri incəsənət üzrə Rus İcması tərəfindən keçirilən müsabiqədə fəxri diplomla, məktəb və rayon fənn olimpiadalarında riyaziyyat, kimya, tarix fənnlərindən fəxri diplomlarla təltif edilmişdir. Əldə etdiyi uğurlara görə valideyinlərinə qarşı özünü həmişə borclu hesab eden Cavad çalışır ki, valideyinlərinə oxşasın . Və istəyir ki,  gələcəkdə Vətəninə lazım olan bir şəxsiyyət və mütəxəssis olmaq zirvəsinə çatsın . Atası iqtisadçı olduğu üçün Cavad da iqtisadçı olmaq istəyir. Asudə vaxtlarını futbol oynamaqla dəyərləndirir.Təsviri incəsənətlə məşğul olmağı xoşlayan Cavad daha çox tarixin səifələrini canlandırmağa üstünlük verir. Gələcək planları yaxşı təhsil almaqdır bu yolda ona ailesi çox köməklik etdiyini deyir.Tarixin yaddaşında qalmaq üçün isə ilk öncə tarixi bilmək lazım olduğunu deyir və düşünür ki, yaxşı iqtisadçı olmaq tarixin səifələrindən başlayir sonsuz rəqəmlərlə davam edir...

Mehdi Nəzrin Turan qızı

 

Nəzrin ailənin ilk övladıdır. Onun maraqlı körpəliyi olub. 2 yaşından uşaq bağçasına gedib. Orada təşkil olunan bütün tədbirlərdə iştirak edib. Nəzrinin xoşladığı məşğuliyyətlər rəsm çəkmək, kompyüterdə maraqlı ev dizayn etməkdir. Ən çox həkimlik etməyi sevərdi. Nəzrin hazırlığa qədər saymağı, hesablamağı artıq öyrənmişdi. Çünki onunla evdə anası məşğul olurdu. 5 yaşında məktəbəqədər hazırlığa getmiş və bildiklərini daha da möhkəmləndirmişdi. O özü hər şeyə maraqlı olduğu üçün yazıb-oxumaq, şəkil çəkmək onda 3 yaşından başladı. İstəyirdi ki, ilk cavabı o versin. Həmişə birinci olmağa çalışırdı. Zehninin  itiliyi  diqqətdən yayınmırdı.

Nəzrin: - Mehdi Nəzrin Turan qızı 2006-cı ildə aprelin 7-də Bakı şəhərində anadan olmuşam. Ailəmiz ziyalı ailədir.  Babam və nənəm əczaçıdır. Atam F.H.N tikinti üzrə mütəxxəsisdir. Anam isə riyaziyyat və fizika müəllimidir. Mən 6 yaşımda 2012-ci ildə Buzovna qəsəbəsi 125 saylı orta məktəbin I sinfinə daxil olmuşam. Hazırda həmən məktəbin IV sinif şagirdiyəm. Mən birinci sinfə daxil olandan dərslərimə böyük məsuliyyətlə yanaşmışam. Bütün fənlər mənə çox maraqlı gəlib, ancaq ən çox sevdiyim fənlər Azərbaycan dili və riyaziyyatdır. Aldığım qiymətlər hər zaman “5” qiyməti olub. I və II sinifləri əla qiymətlərlə bitirmişəm. Üçüncü sinfin I yarımilini 5-lə bitirmişəm. I sinfi bitirdikdə sinfimizdə keçirilən Əlifba bayramında fəal iştirak etmişəm. Orada şeir söyləmişəm. İlin axırında əla qiymətlərlə bitirdiyim üçün ən uğurlu günümdür. Bu il I yarımili 5 qiymətləriylə bitirdiyim üçün məktəbimizin direktoru Zeynəb xanım məni tərifnamə ilə təltik edib. Bundan əlavə 2014-cü ildə şahmat məktəbində IV dərəcəyə layiq görülmüşəm. Əldə etdiyim uğur və nailiyyətlərə görə valideynlərimə borcluyam. Mən həyatda ancaq özümə oxşamaq, özüm olmaq istəyirəm.

Qardaşlarım Mətin və Əkrəm  mənim yaxın dostlarımdı. Boş vaxtlarımda onlarla oynayıram. Nağıl kitabları oxuyuram, rəsm çəkməklə məşğul oluram. Şəkil çəkməyi çox sevirəm. Çəkdiyim şəkillərdə təbiət mənzərələrinə üstünlük verirəm.

Gələcəkdə həkim olmaq və xəstələrə sağlam həyat bəxş etmək istəyirəm. Tarixin yaddaşında da qalmaq istərəm. Bunu zaman göstərər. Mənim bütün arzularım və istedadım ailəmizin ziyalı olmağından irəli gəlir. Buna görə valideynlərimə öz təşəkkürümü bildirirəm.

Hacıyeva Nəzrin Fuad qızı

Hacıyeva Nəzrin Fuad qızı 11 dekabr 1999-cu ildə Bakı şəhərində dünyaya göz açmışdır. Körpəliyində sakit olan Nəzrin rəsm çəkməyə böyük həvəs göstərirdi. Kiçik yaşlarından anası tərəfindən ilkin yazıb-oxuma bacarığına yiyələnmiş, şeirlər öyrənmişdir. Nəzrin Hacıyeva hazırda 193 nömrəli məktəbdə oxuyur. Dərslərində fəal və bacarıqlıdır. Məktəb tədbirlərində yaxından iştirak edir. Yeni il və Novruz bayramlarında, eləcə də digər tədbirlərdə “Bahar qızı”, “Qar qız”, “Xurşidbanu Natəvan”, “Göyçək Fatimə” və digər obrazları məharətlə canlandırmışdır. Bütün bunlarla yanaşı, Nəzrin şeir müsabiqəsində fəxri fərman, məktəb tədbirlərində diplomlarla təltif edilmişdir. Rəssam ruhunun arzusu isə gələcəyin məşhur dizaynerlərindən biri olmaqdır. Bunun üçün isə təhsilini İtaliyada davam etdirməyi planlaşdırır. Valideynlərinə minnətdarlıq hissindən irəli gələrək o, valideynlərinin fəxrinə çevrilmək, onlara layiq övlad olmaq istəyir. Bu yolda isə bizə yalnız uğurlar arzulamaq düşür.

Həsənova Aydan Yaşar qızı

Həsənova Aydan Yaşar qızı 23 oktyabr 2003-cü ildə Bakı şəhərində dünyaya gəlmişdir. Uşaq vaxtlarında sakit olmasına baxmayaraq, həm də hər şeyə maraq göstərən biri olmuşdur. Rəsmlə məşğul olmağa xüsusi həvəs göstərmişdir. Məktəbə getməmişdən öncə fərdi müəllim tərəfindən yazıb-oxumağı öyrənmişdir. Kitablara baxaraq şəkillər çəkmək isə balaca Aydanın hobbisi idi. İlk təhsilini 312 saylı tam orta məktəbdə almışdır. Hazırda isə 82  nömrəli məktəbin 7-ci sinif şagirdidir. Dərslərindən yayınmır, Azərbaycan dili, rus və ingilis dillərinə xüsusi maraq göstərir. Pianoda ifa etməyi bacarır və bu sahədə daha da irərliləməyə çalışır. Məktəb tədbirlərində fəal iştirak etməsi ilə digər şagirdlərdən seçilir. Əldə etdiyi uğurlarında valideynlərinə borclu olduğunu düşünən Aydan Həsənovanın arzusu da elə valideynlərinə layiq övlad və Vətəninə layiq vətəndaş olmaqdır. Musiqiyə dərin marağı olmasına baxmayaraq hüquqşünas olmaq istəyir. Yüksəklərə qalxmaq, öz ayaqları üzərində qalmağı bacaran bir xanım olmaq arzusundadır.

İbrahimov Hüseyn Rəhman oğlu

 

 

 

 

İbrahimov Hüseyn  Rəhman oğlu 1999-çu il 03 dekabrda  Bakı şəhərində anadan olub. Təhsilə 196 saylı tam orta məktəbdə başlayıb və hazirda orda oxuyur.Valideyinlərinin sözlərinə görə uşaqlıqdan sakit uşaq olub. Maraqları uşaq oyuncaqları ilə oynamaq olub.Məşquliyyətləri isə televiziyadan çizgi filmlərini izləmək,gördüyu çizgi filmlərinin personajlarının şəklini çəkmək olub. Musiqi alətlərində ifa etməyi də xoşlayır. Məktəbə qədər yazıb-oxumağı müəyyən qədər bilirdi və bunları valideyinləri tərəfindən öyrənmişdi. İstedadı ilə bağlı maraq  Hüseyndə dörd-beş yaşından bəri yaranıb.Rəsm çəkmək marağı atası tərəfindən irəli gəlib. Dərslərini yaxşı oxuyur və ən sevimli fənnləri biologiya,kimya,fizika,astronomiya və riyaziyyatdır.Əsasən məktəb tədbirlərində fəal iştirak edib.Bu tədbirlərdə  əsas rolu rəsm çəkmək olub. Həyatında ən maraqlı gün 9 may 2014-çü ildə Gül bayramına həsr olunmuş tədbirdə  iştirak etmək olub. 30.05.2014-çü ildə Mədəniyyət Sarayının diplomu ilə təltif olunub. 18.01.2016-cı ildə Tarix muzeyində keçirilən “Qanlı Yanvar”  tədbirində iştirak edib. Rəsm çəkərkən “CBC” kanalı tərəfindən “Xəbərlər” verilişinə lentə alinib. Əldə etdiyi üğur və nailiyyətlərə görə özünü valideyinlərinə və müəllimələrinə borclu sayır.Xüsusən də Hövsan qəsəbəsi Mədəniyyət evində çalışan Fərzulla müəllimə borclu.Rəssamlıq fəaliyyətində  Leonardo da Vinçiyə oxşamaq istəyir. Gələcəkdə xalq tərəfindən sevilən gözəl bir rəssam olmaq istəyir. Əlinə fırça alandan bu fikirlə yaşayır. Asudə vaxtlarında rəsm çəkməyi,bədii giraəti və fortepianoda ifa etməyi xoşlayır. Rəssamlıqda portret janrına daha çox üstünlük verir.Gələcəkdə İncəsənət Akademiyasına daxil olmaq istəyir.Tarixin yaddşılnda  əsərləri bir cox dünya ölkələrində tanınan və dəyər verilən bir rəssam kimi qalmaq istəyir.