Əlihümbətova Nəzrin Fərhad qızı

Əlihümbətova Nəzrin Fərhad qızı 7 dekabr 2004-cü ildə anadan olub. Nəzrin körpəlikdə çox sakit uşaq olub. Onun maraq dairəsi olduqca geniş olub. O, uşaqkən rəqs etməyi, kitab oxumağı, şeir əzbərləməyi, şəkil rəngləməyi çox sevib. Az vaxt ərzində şeirləri asanlıqla əzbərləyib və onu əzizlərinə söyləməkdən xüsusi həzz alıb. 4-5 yaşlarında Nəzrin həm oxumağı, həm də yazmağı bacarıb. Oxumağı ona anası öyrədib.

2011-ci ildə ulu öndər Heydər Əliyevin 88 illik yubileyi ilə əlaqədar uşaq bağçaları arasında müxtəlif nominasiyalar üzrə müsabiqə keçirilib. Nəzrin tərbiyə aldığı 51 saylı bağçanı “Ağ çiçəyim” rəqsi ilə təmsil edib və rayon üzrə II yerə layiq görülüb. Bundan sonra rəqsə olan marağı daha da artıb və rəqslə daha ciddi məşğul olmağa başlayıb.

Bakı şəhəri Şüvəlan qəsəbəsində  yerləşən 156 saylı  tam orta məktəbdə təhsil alır. 

Dərslərini əla qiymətlərlə oxuyur. Dərs əlaçısıdır. Sevdiyi fənnlər Riyaziyyat, İngilis dili və Azərbaycan dilidir.

Əvvəllər “Gül bayramları”nda bağçanı təmsil edib. 2012-ci ildən etibarən rayon üzrə keçirilən Dövlət tədbirlərində “Lalələr” rəqs qrupu ilə, şəhər üzrə keçirilən “Gül bayramı” və “Beynəlxalq uşaqlar günü” tədbirlərində “Dilbər” rəqs qrupu ilə çıxış edib. Həyatında ən uğurlu gün rayon üzrə 18 məktəb arasında keçirilən “Bilik yarışması”nda l yerə layiq görüldüyü gün olub.  Son uğuru isə 22 aprel 2015 tarixində məktəb turundan uğurla keçib şəhər turuna vəsiqə qazanmağı olub. Buna görə o, həm Səadət müəllimə,həm də valideynlərinə minnətdardır. Onların ümidlələrini doğrultmağa çalışır. Gələcəkdə öz müəlliminə bənzəmək istəyən Nəzrin, bununçün əlindən gələni edir.

Bu günədək qazandığı uğurların bir qismi aşağıdakılardı 

“Gül bayramı”-2011 fərqlənmə diplomu

“Mən rəsm çəkməyi sevirəm”-2013 fəxri fərman

“Bilik yarışı”-2014   ll yer  Diplom

“Bilik yarışı”-2014   l yer  Diplom

“Bilik yarışı”-2014   l yer  Diplom

“Gül bayramı”-2014   Təşəkkürnamə    “Lalələr” qrupu

“Gül bayramı”-2014    Təşəkkürnamə “Dilbər” qrupu

Rəsm müsabiqəsi-2014   Fəxri Fərman

“Lalələr”-2014    Fəxri Fərman

“Dilbər”-2015    Diplom

Asudə vaxtlarında rəqs edir, mütaliə ilə məşğul olur.

 İlk növbədə məktəbi əla qiymətlərlə başa vurub, ən yüksək balla universitetə qəbul olunmaqdır.

Gözəl pedaqoq olub, şagirdlərinin sevimlisi olmaq və əməkdar müəllim kimi yüksəlmək arzusundadı.

Nəzrinin fəaliyyəti 2014-cü il iyul və sentyabr aylarında Mədəniyyət kanalında yayımlanan “Rəqsin dili” verilişində, 2015-ci il mart ayında İctimai TV-nin hazırladığı Xəzər rayonunda “Novruz şənliyi” tədbirlərində işıqlandırılıb.

Elman Eldəniz oğlu Ələkbərzadə

Azərbaycanın seçilən gənclərindən biri də Elman Eldəniz oğlu Ələkbərzadədir. Elman 29 mart 2005-ci ildə Bakı şəhərində anadan olmuşdur.

Valideynləri deyir ki, Elman körpəlikdə çox sakit,  rahat uşaq olub. Bağçada məktəbə gedənə qədər hazırlıq kursu keçib.  Yazıb-oxumağı bağça müəllimləri tərəfindən öyrənmişdir. İstedadı ilə bağlı maraq altı yaşından valideynləri tərəfindən yaranıb.

Elman 99 saylı  orta məktəbin birinci sinfinə daxil olub, hazırda da həmin məktəbdə təhsil alır. Dərslərini çox yaxşı oxuyur, bütün fənləri eyni dərəcədə sevir. Onun üçün ən maraqlı gün ad günüdür. Elman sınaq imtahanında yüksək bal topladığı günü ən uğurlu gün hesab edir. Eldə etdiyi uğurlarına və nailiyyətlərinə görə valideynlərinə və müəllimlərinə borclu olduğunu hesab edir.

Elmanın hədəfi orta məktəbi yüksək qiymətlərlə bitirib, ali məktəbə daxil olmaqdır. O, ölkəmizə,  xalqımıza xidmət etmək üçün yüksək vəzifələrdə işləmək arzusundadır.

Elman asudə vaxtlarında idmanla məşğul olmağı çox sevir. Gələcəklə bağlı əsas arzusu məktəbi bitirib , universitetə daxil olmaq və idmanda yüksək nailiyyətlər əldə etməkdir.

Arzusu, məqsədi böyük olan Elmana biz də uğur arzu edir, dərslərində müvəffəqiyyətlər diləyirik.

Əlihümbətova Leyla Fərhad qızı

Əlihümbətova Leyla Fərhad qızı  26 noyabr 2006- cı ildə Bakı şəhərində anadan olub. Leyla körpəlikdə çox dəcəl və ipə-sapa yatmayan bir uşaq olub. Kiçik yaşlarınla domino daşlarından, kubiklərdən gözəl evlər tikib, tək başına oynamağı xoşlayayıb. Sonralar bu vərdişlərini rəsm çəkməklə əvəz edib.5 yaşında həm karandaş, həm də boya ilə gözəl şəkillər çəkməyə başlayıb.

Məktəbə gedənə qədər yazıb-oxumağı bacarıb. Bu işdə ona anası və böyük bacısı kömək edib.

Bakı şəhəri Şüvəlan qəsəbəsi 156 nömrəli tam orta məktəbdə oxuyur.

Dərslərinə ciddi hazırlaşır. Dərs əlaçısıdır və ən çox riyaziyyatı, rəsmi və idmanı çox sevir.

2011-2013-cü illərdə “Gül bayramları”nda tərbiyə aldığım 51 saylı uşaq bağçasını təmsil edib. 2012-ci ildən etibarən rayon üzrə keçirilən dövlət tədbirlərində “Lalələr” rəqs qrupu ilə çıxış edib. Şəhər üzrə keçirilən “Gül bayramı” və “Beynəlxalq uşaqlar günü” tədbirlərində rəqslə çıxış edib. Həyatında ən uğurlu gün Rəsm müsabiqəsində l yerə layiq görüldüyü gün olub. 2013-cü ildə Mərdəkan Mədəniyyət Sarayında “Mən rəsm çəkməyi sevirəm” devizi altında rəsm müsabiqəsi keçirilib. Leyla bu müsabiqədə 6-8 yaş qrupu olan uşaqlar arasında l yerə layiq görülüb. Bu uğurundan sonra onun rəsmə olan marağını birə-on artıb.

“Gül bayramı”-2011     Fərqlənmə Diplomu

“Gül bayramı”-2012     Tərifnamə

“Gül bayramı”-2013    Təşəkürnamə

“Mən rəsm çəkməyi sevirəm”-2013  l yer  Diplom

“Lalələr”-2014     Təşəkkürnamə

“Dilbər”-2014      Təşəkkürnamə

“Rəsm müsabiqəsi”-2014      Fəxri Fərman

“Lalələr”-2014       Fəxri Fərman

“Şəhidlik zirvəsi”  Rəsm-2015      Fəxri Fərman

Gələcəkdə rəssam olmaq istəyi onun ən böyük arzusudur.

Şəkil çəkməyi, rəqs etməyi, bir də idmanla məşğul olmağı çox sevir.

Gələcəkdə məktəbi əla qiymətlərlə bitirib, arzuladığım universitetə qəbul olunmaq istəyirəm. Bu arzuma çatmaq üçün isə daim keçirilən müsabiqələrdə iştirak etmək fikrindəyəm.

Yaddaşlarda qalmaq üçün Səttar Bəhlulzadə kimi dahi rəssamların əsərlərini öyrənmək və ondan bəhrələnmək istərdim.

Leylanın uğurları haqda 2014-cü il iyul-sentyabr aylarında Mədəniyyət kanalında yayımlanan “Rəqsin dili” verilişində, 2015-ci il mart ayında İctimai TV-nin hazırladığı Xəzər rayonu “Novruz şənliyi” tədbirində işıqlandırılıb.