Tağıyev Hüseyn Anar oğlu

 

Tağıyev Hüseyn Anar oğlu 23.09.2006-cı ildə Bakı şəhərində dünyaya göz açıb. Hüseyn körpəlikdən ağıllı, təmkinli və sakit bir uşaq olub. O, yüksək zəkası, intelekti və qavrama qabiliyyəti ilə yaşıdlarından seçilib. Hər zaman gözəl əxlaqi nümayişi ilə ailəsinin başını uca edib. Onun ən sevimli məşğuliyyəti kitab oxumaqdır. Ailəsi ona otağının bir küncündə kiçik kitabxana yaradıb. Onun burada Azərbaycan dili ilə yanaşı rus, ingilis və fransız dillərində də olan kitabları mövcuddur. Hüseynin öz fantaziyaları ilə hazırladığı biri-birindən əsrarəngiz, maraqlı əl işləri var. Atası ilə şahmat oynamağı da sevir. Məktəbə gedənə qədər yazmağı, oxumağı, hesablamağı bacarıb. O, çox gözəl və səliqəli xəttə sahibdir. Yaşının az olmasına baxmayaraq bu qədər bilgiyə sahib olmasında anasının əvəzsiz  rolu var. Hüseynin istedadı ailəsi tərəfindən hələ 1-ci sinifdə oxuyandan müşahidə olunub. O, əl işlərini müəllimlərinə, dostlarına və yaxınlarına hədiyyə etməyi xoşlayır. Tağıyev Hüseyn ilk təhsilini 252 saylı tam orta məktəbdə alıb. Hal-hazırda isə Suraxanı rayonu Səttar Bəhlulzadə adına Xarici Dillər Təmayüllü Gimnaziyada təhsilini davam etdirir. Sinif əlaçısıdır. O, gimnaziyada aparılan manitorinqlərdə yaşıdları arasında dəfələrlə 1-cilik əldə edib. Bütün fənləri sevməsinə baxmayaraq riyaziyyat dərsinə daha çox üstünlük verir.  Hüseyn məktəblərində keçirilən bayram şənliklərində, tədbirlərdə və vikterina oyunlarında faəl iştirakı ilə seçilib. Onun bu günə qədər əldə etdiyi uğurları çoxdur. Beləki o, Evrika kursunda çəkdiyi rəsm əsərinə görə 2 dəfə diplom ilə təltif olunub. Eyni zamanda həmin kursun təşkil etdiyi bilik yarışmasında 1-ci yerə layiq görülüb. Alfa kursunda da öz bilik və bacarığı ilə seçilməyi bacarıb. Hüseyn 2016-cı ildə Dövlət müstəqilliyinin 25 illik yubileyi və 31 Dekabr Dünya Azərbaycanlılarının Həmrəyliyi Günü münasibəti ilə 4-cu siniflər arasında 2-ci yeri qazanmışdır.Onun nailiyyətləri bununla da bitmir. O, Park Plyusda İngilis dili üzrə sınaq imtahanında birincilik əldə edib. Zəfər kurslarında təşkil etdiyi  maksimum 500 bal olan bilik yarışmasında  490 bal toplayaraq  pul mükafatına layiq görülüb.  Hüseny əldə etdiyi uğurlara, nailiyyətlərə görə ailəsinə və müəllimlərinə  borclu olduğunu bildirib. Amma o, xüsusi olaraq da onun ən böyük dəstəkçisi olan mehriban, gözəl və fədakar anasına minnətdardır. Hüseyn arxa, dayağı olan atasınada sonsuz təşəkkürlərini bildirir. O, gələcəkdə dövlət qulluğunda çalışmaq niyyətindədir. 8-10 yaşları olandan bu qərara gəlib. Təbii ki, bu seçimin onda formalaşmasında ailəsinin fikir məsləhəti var. Asudə vaxtlarının az olması, onun sevimli məşğuliyyəti olan əl işləri ilə məşğul olmasına mane törədə bilmir. Boş zaman fürsəti tapan kimi atası ilə şahmat oynamağa üstünlük verir.  Hüseyn tanınmış şəxs olub, Vətəninə, millətinə xeyirli, savadlı kadr olaraq yetişib, bir şəxsiyyət olaraq formalaşmaq niyyətindədir.

Babayeva Aysel Anar qızı

Babayeva Aysel Anar qızı 22 mart 2011-ci ildən Bakı şəhərində dünyaya göz açıb. Aysel uşaqlıqdan yaşıdlarından seçilməyi bacarıb. Fərqli cəhəti ondan ibarət idi ki, o, dostlarını ətrafına yığaraq maraqlı oyunlar fikirləşib tapırdı. Bundan əlavə, aplikasiyalar da düzəltməyi sevirdi. Hər bir yarpaqdan, çiçəkdən nəyəsə oxşarlıq axtarıb nə isə düzəltməyə çalışırdı. Onun çox güclü fantaziyaları var. Qısacası Aysel  kreativ bir uşaqdır. O, 4 yaşından English Education International Centre “ECİC” school hazırlıq kurslarına gedib. Beş yaşından artıq oxuyub, yazmağı bilirdi. Buna görə də Ayselin valideynləri ECİC kollektivinə xüsusəndə Gülnarə müəllimə minnatdardır. Onun rəsmə marağı dörd yaşından başlayıb. Hələ kiçik yaşlarından o,  şəkilləri rəngləməyi xoşlayardı. Lakin, onun rənglədiyi şəkillər qeyri adi çalarları ilə (rəngləri özü qatırdı), səligəsi ilə seçilirdi. Bu heç də dörd yaşlı uşağın çəkdiyi və ya  rənglərdiyi rəsmlərə bənzəmirdi. Bütün bunları müşahidə etdikdən sonra  Ayselin ailəsi Xəzər rayon Gənclər və İdman İdarəsində çalışan Elnarə müəllimə müraciət edib. Elnarə müəllim Ayselin rəsmə, incəsənətə marağını daha da artırıb. Qısa müddətdən sonra Aysel rəngli karandaşlardan əlavə, boyalarla da işləməyə başlayıb.

Aysel 2017-ci ildə Nərimanov rayonu 82 saylı orta məktəbin birinci sinfinə qəbul olub. Hazırda həmin məktəbin ikinci sinfində təhsil alır. Sinfin əlaçılarından biridir. O, bütün fənlərə eyni maraq göstərir, xüsusən İngilis dili və rəsm dərslərini sevir. Aysel beş yaşından gimnastika ilə məşğul olub və idman yarışlarında iştirak edib. 2016-ci ildə Xəzər rayon Gənçlər və İdman İdarəsində keçirilən “Uşaqların rəngarəng dünyası” adlı sərgidə iştirak edib. 2016-ci il 09 noyabr Bayraq gününə həsr olunmuş “Tolerant Multikultural Azərbaycanım” adlı sərgidə çıxış edib. Bütün bu nailiyyətlərə və uğurlara görə əziz müəllimləri Gülnarə xanıma, Təranə xanıma və Elnarə xanıma borcludur. Eyni zamanda Ayselin inkişafında valideyinlərin rolu az deyildir. Əlbəttə ki, onların qayğısı olmadan bu nailiyyətlər mümkünsüz olardı. Aysel gələcəkdə rəsm ilə professional səviyyədə məşğul olmaq arzusundadır. Ümumiyyətlə incəsənət sahəsinə meyli daha çoxdur. Aysel təbiyyəti, heyvanları çox sevir. Heyvanlara qarşı çox rəhimdildir, onları müalicə etmək, qayğısına qalmaq onun sevimli məşğuliyyətidir.

Asudə vaxtlarında şəkil çəkməyi, müxtəlif aplikasiyalar düzəltməyi çox xoşlayır.

Qocayeva Nəzrin İlkin qızı

Qocayeva Nəzrin İlkin qızı 27 noyabr 2003-cü ildə Bakı şəhərində anadan olub. Nəzrin körpəlikdə aktiv,  şən və ətraf mühitdə baş verən hadisələr ilə daim maraqlanan  uşaq olub. Onun kitaba, oxumağa olan marağı hələ erkən yaşarından başlayıb. Nəzrin məktəbə gedənə qədər yazıb-oxumağı bacarırdı. O, buna özünün həvəsi və valideynlərinin köməyi ilə nail olub. Onda 3-4 yaşlarından artıq hiss olunurdu ki, Nəzrin istedadlı uşaqdır. Qocayeva Nəzrin “Fizika, Riyaziyyat və İnformatika Təmayüllü Respublika Liseyi” nin 8-ci sinfində  təhsil alır. Dərs əlaçısıdır. Onun ən sevdiyi fənn biologiyadır.  Məktəblərində keçirilən bir çox tədbirlərdə fəal iştirak edib. Həyatında uğurlu günləri çox olub, ancaq hələlik ən uğurlu günü olimpiada mükafatçısı olduğu günü hesab edir. Bu günə qədər əldə etdiyi nailiyyətlərə görə ilk növbədə valideynlərinə, daha sonra müəllimlərinə borclu olduğunu bildirir.  Fəaliyyətindən dolayı  ən yüksək zirvəyə çatmağı hədəfləyib. Gələcəkdə həkim olmaq istəyir. Bu peşəyə maraq onda hələ kiçik yaşlarından yaranmışdır. Nəzrin asudə vaxtlarını  ailəsi ilə keçirməyə üstünlük verir.  O, rəsm çəkməyi çox sevir. Daha çox təbiət müvzusuna üstünlük verir. Onun gələcək planları ilk növbədə orta təhsilini müvəffəqiyyətlə başa vurmaqdır. Daha sonra ali məktəbə daxil olmaq, sevdiyi peşəyə yiyələnmək və özünə uğurlu kariyera qurmağı hədəf seçib.

Məmmədova Fatimə Ağaverdi qızı

Məmmədova Fatimə Ağaverdi qızı – 18 noyabr 2007-ci ildə Bakı şəhərində doğulub. Fatimə körpəlikdə çox sakit, ağıllı, gülərüz, sözdinləyən hazırcavab və bacarıqlı uşaq idi. Belə xüsusiyyətlərinə görə də yaşıdlarından fərqlənməyi bacarırdı. Məktəbə gedənə qədər “Şəkər bala” kursunda Röya müəllimənin sayəsində oxumağı və yazmağı öyrənməyə başladı.

Məmmmədova Fatimə 158 saylı tam orta məktəbdə təhsil alır və həmən məktəbin fəal şagirdlərindən biridir. O, bütün fənləri çox sevir və əla qiymətlərlə oxuyur, sinifdə keçirilən açıq dərslərdə aktıv iştirak edir. Ümumiyyətlə məktəbdə təşkil olunmuş tədbir və bayram şənliklərində fəal iştirakına görə o, bir çox fəxri fərmanlar, tərifnamələr və diplomlarla təltif olunmuşdur. Fatimə əldə etdiyi uğur və nailiyyətlərə görə valideyinlərinə və müəllimlərinə borclu olduğunu bildirir.

O, hesab edir ki, yadda qala və ən maraqlı günü doğum günü və ilk dəfə məktəbə getdiyi gündür. Fatimənin uşaqlıqdan arzusu öz peşəsini könüldən sevən və bunu ləyaqətlə yerinə yetirən müəllimə olmaqdır. Əgər bədii yaradacılıq və ya incəsənətin hər hansı bir sahəsi ilə məşğul olsaydı bu ssenaristlik sənəti olardı. O, musiqini və rəqs etməyi çox sevir. Bunlarla yanaşı asudə vaxtlarında kitab oxumaq onun ən maraqlı məşğuliyyətlərindən biridir . Ən böyük hədəfi isə məktəbi uğurla bitirib yüksək balla ali məktəbə qəbul olmaq və təhsilini xarici ölkələrin birində davam etdirməkdir. Bunun üçün də çox çalışıb istədiyi sənətə yiyələnmək ailəsinə və vətəninə layiqli şəxsiyyət olaraq yetişmək istəyir.

Hüseynova Miraytac Mirilkin qızı

 

https://www.youtube.com/watch?v=GpdEooKn5sQ

Hüseynova Miraytac Mirilkin qızı 4 dekabr 2003-cü il tarixində Sankt-Peterburq şəhərində ziyalı bir ailədə anadan olub. Miraytac  ağıllı, sözəbaxan, təmkinli və yüksək  intelektə malik bir uşaq olub. Miraytacı yaşıdlarından fərqləndirən başlıca cəhət gözəl zövqünün olmasıdır. Bu zövq və qabiliyyətini o,  kağız üzərində çəkdiyi biri-birindən ecazkar  rəsm əsərlərində təzahür edir. Rəssamlıq ruhu onda irsi xarakter  daşıyır. Onun babası rəssam olub və eyni zamanda anasının da gözəl rəsm çəkmək qabiliyyəti var. Miraytac heç kimin təsiri olmadan rəssamlığa başlayıb və bu onda çox uğurlu alınır.

Onun vokal imkanlarının olmasını nənəsi kəşf edib və bu istiqamətdə bütün əziyyət onun öhdəsinə düşüb. Ümumilikdə Miraytac incəsənətə meyilli uşaqdır. Hüseynova Miraytac Bakı şəhəri, Xətai rayonu 287 nömrəli “Zəkalar” liseyində təhsil alır. O, incəsənət sahəsində  uğurlar əldə etdiyi kimi elm sahəsində də  böyük nailiyyət qazanıb. Bu günə qədər əldə etdiyi uğurlara görə valideynlərinə və nənəsinə borclu olduğunu bildirir. Miraytac belə hesab edir ki, daxilində incəsənətin fərqli bir rəngi var və bu rənglə o, öz dünyasını bəzəmək istəyir. Gələcəkdə memarlıq və dizayn sahəsi üzrə təhsil  almaq  arzusundadır. O, günü-gündən inkişaf   edən, gözəlləşən Azərbaycanımızda bir tanınmış memar  olaraq öz dəsti xəttini görmək istəyir. Asudə vaxtlarında musiqi dinləməyi və portret çəkməyi xoşlayır. Beləki o, şəhid Təbriz Musazadənin portretini mükəmməl bir şəkildə çəkdiyi üçün AZTV-nin “Səhər” verilişinə digər istedalı  məktəblilərlə birlikdə dəvət almışdır.

Xəyalə Anar qızı Ramazanova

Oktyabr ayının son günü, hər tərəfin xəzələ büründüyü bir vaxtda Ramazanovlar ailəsində sevincli bir gün yaşandı. Xəyalə Anar qızı Ramazanova 31 oktyabr 2010-cu ildə Bakı şəhərində dünyaya gözlərini açdı. Xəyalə körpəlikdən ağıllı, aktiv və mehriban uşaq olub. Konstruktor ilə oynamağı, rəqs etməyi və şeir söyləməyi çox sevirdi. Məktəbə gedənə qədər yazıb-oxumağı öyrən­miş­di. Bunun üçün ona anası Günel xanım kömək olmuş­du. Xəyalədə kiçik yaşla­rın­dan gimnastikaya maraq göstərib. Bu marağını görən valideynləri onu bədii gimnastikaya yönləndirib. 2016-ci ildə Mübariz Nəcəfov adına 86 saylı tam orta məktəbə qəbul olmuşdur. Hazırda hə­min məktəbin III sinfində təhsil alır. Sinfin əlaçı şagird­lə­rindən biridir. Həmçinin müəllimlərinin də sevimlisidir. Ən sevdiyi fənlər riyaziyyat və ingilis dili fənləridir. Aktiv bir şagird olan Xəyalə məktəbdə keçirilən bayram  tədbirlərində iştirak etməyə çalışır. 

Əldə etdiyi uğurlara görə isə özünü valideynlərinə və müəllim­lə­rinə borclu bilir. Ona hər zaman dəstək olduqları üçün onlara öz minnətdarlığını bildirir. Gələcəkdə gimnastika üzrə ucala biləcəyi ən yüksək zirvəyə çatmaq istəyir. Respublika və dünya yarış­la­rından əlavə, olimpiadalarda çıxış etmək istəyir. Eyni zamanda gələcəkdə müəllim olmaq istəyir. Bu sənəti ona müəllimi sevdirib. 

Asudə vaxtlarını kitab oxuyaraq və rəsm çəkərək dəyərləndirir.  Dərslərini daha səylə oxumaq və ali məktəbə daxil olmaq istəyi gələcək planları arasındadır. Savadlı bir vətəndaş olaraq xalqına xidmət etmək istəyir. Balaca Xəyaləyə hər zaman ailəsinin və müəllimlərinin başını uca et deyirik. Uğur daim səni izləsin!