İbrahimli İbrahim Daşqın oğlu

Sərin bir payız günündə İbrahimovlar ailəsində sevincli bir gün yaşandı. Ailənin ilk övladı İbrahimli İbrahim Daşqın oğlu 27 sentyabr 2011- ci ildə Bakı şəhərində dünyaya göz açdı. İbrahimin dünyaya gəlişi bütün ailə üzvlərini sevincə qərq etmişdi. Gülərüz və mehriban siması ilə hamının ürəyində yer tapmağı bacarırdı.  İbrahim hər zaman öz tərbiyəsi ilə ətarfındakıların diqqətini çəkirdi. Kitab və dəftərlər hər zaman onun sevimli əşyaları olub. Öz yaşıdlarından fərqli olaraq valideynlərindən oyuncaq əvəzinə kitab-dəftər istəyərdi. Kitabları görəndə oyuncaq görmüş kimi sevinər, öpüb qucaqlayardı. Əlbəttə genitikanında burada rolu böyükdür. Çünki İbrahimin valideynlərinin hər ikisi riyaziyyatçıdır. Atası şagirdlərlə məşğul olan zaman onlara həsrətlə baxar, onlarla birgə olamağa can atardı. Nəhayət məktəb yaşına çatdıqda çox sevinirdi. Çünki artıq böyümüşdü və atası ilə birgə məşğələlərdə iştirak edə bilirdi. Təhsilə isə R. Abidov adına 85 saylı tam orta məktəbdə başlamışdır. Hal-hazırda məktəbin  2 Ç sinif şagirdidir. Dərslərini əla qiymətlərlə oxuyur, əlbəttəki sinifin əlaçı şagirindən biridir. İbrahimin bütün fənlərə qarşı marağı böyükdür. Təbiət elmlərinə və riyaziyyata isə daha çox maraq göstərir.Texniki fənlərin teslərini humanitar fənlərdən iki qat daha çox etməyə həvəs göstərir. Məktəbdə keçirilən bayram və tədbirlərdə hər zaman iştirak etməyə çalışır. “Yeni İl” şənliyi, “Novruz” bayramı, “20 Yanvar”, “Xocalı” faciəsinə  və s. həsr olunmuş tədbirlərdə iştirak etmişdir.  I sinifin yekununda müəllimi yekun test imtahanı keçirmiş və orada I olmuşdur. Zəfər kurlarının keçirdiyi bilik yarışında dəfələrlə iştirak etmiş 400 bal toplamış və diplomla təltif olunmuşdur. Əldə etdiyi uğurlara görə valideynlərinə və müəlliminə özünü borclu bilir. Onlara öz minnətdarlığını bildirir. Gələcəkdə də valideynləri kimi riyaziyyatçı olub, ata və anasının yolunu davam etdirmək istəyir. O artıq uşaqlıqdan bu fikrə düşüb. Ən sevdiyi məşğuliyyət şahmat oynamaqdır. Riyazi zəkası olan birinin şahmata olan marağı əlbəttə təbii hadisədir. Gələcək hədəfi isə məktəbi əla qiymətlərlə bitirib, ali məktəbə olaraq ata-anasını sevindirmək istəyir. Biz də istedadlı müsahibimiz İbrahimə yolun daim işıqlı və aydın olsun deyirik. Hər zaman ata-anın fəxri ol. Səsin hər zaman zirvələrdən gəlsin!

Razzaqova Fidan İlham qızı

Razzaqova Fidan İlham qızı 16 sentyabr 2011-ci ildə  Neftçala rayonu Aşağı Surra kəndində anadan olub.  Fidan körpəlikdən ağıllı, təmkinli, mülayim və qayğıkeş bir uşaq  olub. Şəkil çəkmək, rəqs etmək onun ən sevimli məşğuliyyətlərindəndir.  O, iki yaşında etibarən İngilis və Rus dillərində saymağı öyrənmişdir. Məktəbə gedənə qədər yazmağı, oxumağı, hesablamağı evdə anasının köməkliyi ilə öyrənib. Yaddaşı, qavrama qabiliyyəti olduqca güclü olduğu üçün bu işdə anasını heç vaxt incitməyib.   İlk təhsilini Bakı şəhəri Nəsimi rayonu İlqar Əbilhəsənov adına 42 saylı tam orta məktəbdə alıb. Hal-hazırdada həmin məktəbin 2-ci sinif şagirdidir.  Dərslərini yaxşı qiymətlərlə oxuyur. Fidan demək olar ki,  tədris olunan bütün fənləri eyni dərəcədə sevir.  Məktəblərində keçirilən bütün tədbirlərdə fəal iştirak edir. Novruz bayramıda,Yeni il şənliklərində, Son zəng tədbirində Azərbaycan və Özbək rəqslərini böyük məharətlə nümayiş etdirib. Əlifba bayramında sinifləri ilə birgə  “Müasir turpun nağılı”nı səhnələşdiriblər. Burada Fidan Özbək qizi rolunda çıxış  edib. O, birinci sinifi əla qiymətlərla başa vurduğuna görə diplomla təltif olunmuşdur. Fidan bu günə qədər əldə etdiyi nailiyyətlərə görə valideynlərinə və müəllimlərinə borclu olduğunu bildirir.  O, gələcəkdə müstəntiq peşəsinə sahib olmaq istəyir. Sevimli məşğuliyyəti olaraqsa dizaynerliklə məşğul olmağı düşünür.  Onun orjinal, özünə məxsus, biri-birindən maraqlı fantaziyaları olduqca çoxdur. Boş vaxtlarında kitab oxumağı, şəkil çəkməyi, rəqs etməyi çox sevir.  O, artıq 3 ildir ki, rəqs ilə məşğul olur. Milli və dünya rəqslərinə daha çox üstünlük verir. Fidan yaxın zamanlarda rəsm dərnəyinə və piano dərslərinə  yazılmağı düşünür. O,  Dünya televiziyasında yayımlanan “Qalib Mənəm” verilişində çıxış edib. Fidan bilik və bacarıqlarını daha da təkminləşdirib Vətəninə, millətinə layiqli şəxsiyyət olaraq yetişmək istəyir.

Axundzadə Şəms Rüfət qızı

Axundzadə Şəms Rüfət qızı 26 fevral 2011-ci ildə Bakı şəhərində anadan olub.  Şəms körpəlikdə ağıllı, aktiv, maraq dairəsi olduqca yüksək olan  və əks cinslə ünsiyyəti daha rahat qurmağı bacaran ( indi də elədir) bir uşaq olub. Onun ən sevimli məşğuliyyətləri futbol oynamaq və kağızlardan maraqlı fiqurlar düzəltməkdir.  Məkətəbə gedənə qədər yazmağı, oxumağı, hesablamağı nənəsinin köməkliyi ilə öyrənmişdir.  O, yaşının çox az olmasına baxmayaraq hətta  100-dən yuxarı ədədləri belə  saymağı bacarırdı.  Şəms rəsm çəkməyi çox sevir. Şəms Bakı şəhəri Nəsimi rayonu İlqar Əbilhəsənov adına 42 saylı tam orta məktəbdə təhsil alır. Dərslərini əla qiymətlərlə  oxuyur. Onun ən  sevimli fənləri musiqi və texnologiyadır. Siniflərində keçirilən Yeni il şənliyində “Turp” nağılını səhnələşdiriblər. Şəms burada “ nənə” obrazını yüksək  məharətlə şənlik iştirakçılarına nümayiş etdirib.  Onun həyatında yaşadığı ən maraqlı anlar Yeni il bayramına təsadüf edir, çünki həmin gün valideynləri ona istədiyi hədiyyələri alır. Şəms birinci sinifi əla qiymətlərlə bitirdiyinə görə diplomla təltif olunmuşdur. Uğurlarına görə müəlliminə borclu olduğunu bildirir. Fəaliyyətində dolayı anasına oxşamaq istər. O, yüksək balla ali məktəbə qəbul olmağı hədəf seçib. Öz üzərində daim işləyib, bilik və bacarıqlarını daha da təkminləşdirib, irəliləmək istəyir. Gələcəkdə müəllim peşəsinə sahib olmaq və şagirdlərinə yüksək səviyyəli elm, bilik vermək arzusundadır. Şəms  bu istəyə sinif rəhbəri olan Arzu müəlliminin fədakarlığını, əməksevərliyini, sevgi və qayğısını gördükdən sonra qərar verib. 

Asudə vaxtlarında rəsm çəkməyi və cizgi filmlərinə baxmağı xoşlayır. Şəms hal-hazırda rəssamlıqla məşğul olur.  O, daha çox fəsillərin təsvirini firçası ilə kağız üzərində özünə məxsus fantaziyalar ilə canlandırmağa daha çox üstünlük verir. Onun gələcəklə bağlı planların ən başlıcası rəssamlıqdır. İnsanlara yardımını daim əsirgəməyən xeyriyyəçi olaraq  tarixin yaddaşında qalmaq arzusundadır.

Məmmədova Yasəmən Tamerlan qızı

Məmmədova Yasəmən Tamerlan qızı  7 avqust 2006-cı ildə Bakı şəhərində anadan olub. Yasəmən körpəlikdən öz şirinlik və sevimliliyi ilə ailənin böyük məhəbbətini qazanmışdır. O, 2 yaşı tamam olmamış bağçaya gedib. Ağlı, tərbiyyəsi və şirinliyi ilə ailəsinin sevimlisi olmağı bacardığı kimi də müəllimlərinin də qəlbinə yol tapmağı bacarmışdır. 5 yaşında məktəbəqədərhazırlıq kursuna gedib.1-ci sinifə gedəndə Yasəmən həm yazmağı həm də 5-ə qədər vurma cədvəlini bilirdi.

Yasəmən II sinifdə oxuyanda ilk dəfə özündən hekayə yazmışdı.Hekayənin adı “Kökdən düşmüş tar” idi. Qardaşı 23 saylı musiqi məktəbinin tar şöbəsinin 5-ci sinfində oxuyur. Bu hekayəni qardaşına həsr etmişdi.Yasəmən 2-ci sinifdə oxuyanda şahmat dərsini fənn kimi əlavə etmişdilər.Yasəmən şahmat dərsinə çox böyük maraq göstərirdi.Yay tətili boyu babası ilə şahmat oynayırdı.Yasəmən təcrübəsiz olduğundan babası ona güzəşt edib uduzurdu.Sonralar Yasəmən şahmatın sirlərini öyrənərək babasını həqiqətən udmağa başladı.Şahmata həvəsi olduğunu görən ailəsi Yasəməni məktəblərində açılan şahmat kursuna yazdırıb.İlk yarşlardan nailiyyət qazandığına və şahmata böyük həvəsinə görə şahmat müəlliməsi Şirmaiyyə müəllimə Yasəməni öz dərs dediyi şahmat məktəbinə yazdırıb. Yasəmən şahmatla yanaşı dərslərində də fəaldır və müəllimlərinin sevimli şagirdidir.   

Məmmədova Yasəmən 2012ci ildə Arif Vəliyev adına 258 saylı orta məktəbin 1-ci sinfinə daxil olub. Hazırda həmin məktəbin 7b sinfində təhsil alır.  O, ev tapşırıqlarını heç kimin köməkliyi olmadan tək başına həll edir. Yasəmənin ən çox sevdiyi fənlər kimya,riyaziyyat və İngilis dilidir.

Nərimanov rayon mərkəzi kitabxanada keçirilən görkəmli şair İlyas Tapdıqla görüşdə Yasəmən və sinif yoldaşları şeir söyləyiblər. Onun ən çox sevindiyi gün yarışda 1-ci dərəcəni aldığı gün olub, çünki həmin yarışda heç kimin uda bilmədiyi rəqibi məğlub edib.Yasəmənin bu qədər sevincli olmasının səbəbi həmin rəqibin onu əvvəlki yarışların birində udaraq çempionata getməkdən məhrum etməsi olmuşdur. Yasəmənin ilk nailiyyəti 11-17 mart 2015-ci il tarixində 4-cü dərəcəni qazanmaqla başlamışdır. 3cü dərəcəni 2016ci il 26-31 yanvar turnirində ,2ci dərəcəni 1ci yerlə 2016-cı il 15-24 dekabr tarixində, 1ci dərəcəni isə 21-29 iyun 2018 tarixində, 3-cü yerlə qazanmışdır. Başqa keçirilən Blits vəTemp turnirlərdə bir çox yerlər qazanıb.

O, ən böyük arzusu dünya çempionu adını almaq, valideynləri və müəllimlərinin başını uca tutmaqdır. Gələcəkdə tərcüməçi olmaq istəyir. İngilis dilini çox sevir.

Şəkil çəkmək,kitab oxumaq və bilik yarışlarını izləmək Yasəmənin ən sevimli məşğuliyyətlərindən biridir. O, daha çox şeir və hekayə yazmağa üstünlük verir. Yasəmən bilik və bacarıqlarını günü-gündən daha da təkminləşdirib, Vətənə layiqli şəxsiyyət olmağı özünə məqsəd seçib