Əzizov Murad Elşən oğlu

İstedadlı , vətənpərvər gənclərimizdən biri də Əzizov Murad Elşən oğludur. O, 16.11.2006-da  Bakı şəhərində anadan olub. Murad uşaq vaxtı çox dəcəl və şıltaq uşaq olub. Rəsm çəkmək , maşınlarla oynamaq , velosiped sürmək və əyləncə mərkəzlərinə getmək onun xoşladığı məşğuliyyətlər idi. Hazırda 261 saylı məktəbin 3a sinif şagirdidir. Dərslərini əla oxuyan Muradın ən çox sevdiyi fənlər riyaziyyat, şahmat , həyat bilgisi və təsviri incəsənətdir. O , məktəbdə əlaçı olmaqla yanaşı həm də ictimai işlərdə də aktiv iştirak edir. Bunlardan nağıl müsabiqəsində sərkərdə , yeni il şənliyində poçtalyon , Novruz bayramında  meyxanaçı rollarını ifa etməsini misal göstərmək olar. O, əldə etdiyi uğurlara görə müəlliməsi Fidan Dadaşovaya minnətdar  olduğunu deyir. Gələcəkdə hüquq sistemində işləyərək baş prokuror olmağı arzulayır. Ona bu məqsədinə çatmaqda  uğurlar arzulayırıq.

Məmmədli Hüseyn Şahin oğlu

Məmmədli Hüseyn Şahin oğlu 1 may 2007-ci ildə Bakı şəhərində doğulub. Anası deyir ki, Hüseyn çox sakit, təmkinli, dəqiq düşünə bilən, sonda qərarını verən uşaq olub. Nəinki bu düşüncələrlə özünü idarə edir, bəzən valideynlərinə və müəllimlərinə qarşı qayğıkeş, təmkinli bir şəkildə yanaşır.

Hüseyn hələ məktəbə başlamazdan əvvəl artıq yazmağı, oxumağı öyrənmişdi. Məktəbə başlayan zaman təhsil həyatına tam hazırlıqlı bir vəziyyətdə orta məktəbə qədəm qoyub. Bu vaxtlarda onunla əsasən anası məşğul olub.

Qəhrəmanımız Hüseyn hətta öz yaşına uyğun, kiçik həcmli şeirlər yazmağı da xoşlayır. Bu istedad ona anasından keçib. Həmçinin şahmat oynamağa da həvəskardır. Bu həvəsi Hüseyndə atası Şahin oyadıb və şahmatı ona sevdirib.

İlk dəfə məktəb həyatına Yasamal royunu 167 saylı orta məktəbdə qədəm qoysa da, hal-hazırda Yasamal rayonu 53 saylı orta məktəbdə təhsil alır. II sinifi bitirib.

Hüseyn sinfin əlaçı şagirdlərindəndir. Riyaziyyat fənnini xüsusilə sevir.

Hüseynin dərslərindən əlavə məşğuliyyətlərinin sırasına idmanla məşğul olması da daxildir. Balaca qəhrəmanımız müəllimi Asif Sayadlının rəhbərliyi ilə idman yarışlarında VİNG-ÇUN-KUNG-FU döyüş növü üzrə iştirak edib.

İncəsənət sahələrindən olan rəqsə, tarda ifa etməyə həvəskardır. Rəqslə məşğul olan Hüseyn “Kalorit” rəqs qrupunda Fariz müəllimin rəhbərliyi altında Şəhriyar adına sarayda, Respublika sarayında solo rəqslərlə iştirak edib. Fəxri Fərmanlarla təltif olunub.

Əldə etdiyi nailiyyətlərə görə ilk növbədə müəllimlərinə – Rəna müəlliməyə, Flora müəlliməyə, Asif müəllimə, Fariz müəllimə və valideynlərinə borclu olduğunu deyir. Gələcək fəaliyyətində “həyatının simvolu” adlandırdığı, çox sevdiyi Akif babası kimi olmaq istəyir.

Cərrah olmaq arzusu ilə yaşayan Hüseyn özünü yüksək zirvələrdə görməyi arzulayır. Uşaqlıqdan cərrrah olmaq istəyir.

Asudə vaxtlarında məntiqi tapşırıqlara vaxt ayırır, şahmat oynayır.

Gələcək üçün planları və arzuları çox olan Hüseyn hər zaman öndə olmağı, getdikcə ucalmağı hədəfinə alıb. Yaşı az olsa da həyatda heç sevmədiyi xüsusiyyət – yalandır. Ona yalan danışanları bağışlamır. Yaşı az da olsa özünü kiçik, qüvvətsiz hesab etmir.

İstəyir ki, gələcəkdə atası və Akif babası kimi olsun. Onlar kimi savadlı, düzgün, öndə olmağı bacaran bir insan olmaq arzusundadır. Özünü əyilməz, mərd adlandırır.

Hüseyn həm savadlı cərrah, həm də tanınmış idmançı olmaq istəyir. Bütün uğurlu fəaliyyətləri ilə tarixə adını yazdırmaq, müsbət cəhətləri ilə insanların yadında qalmaq istəyir.

Həsənli Seymur Fariz oğlu

 

Həsənli Seymur Fariz oğlu 14 mart 2006-ci il Bakı şəhərində anadan olmuşdur.Ağıllı,sakit,sözəbaxan uşaq olub.

İlk təhsilini Bakı şəhəri 313 saylı tam orta məktəbdə almışdır.Hal-hazırda həmin məktəbdə təhsil alır.Dərslərini əla oxuyur ən sevimli fənləri riyaziyyat və İngilis dilidir.Məktəbə gedənə qədər yazıb-oxumağı bacarırdı.

Seymurgil məktəbdə tez-tez səhnəciklər qururdular.Həmin səhnəciklərdə fəal iştirak edib.Əsasən baş rollarda oynayıb.Ən yadda qalan günü məktəb direktorunun icazəsi ilə Akademik milli dram teatrının getdikləri gün olub.22 oktyabr uğurlu günlərindən biri idi.Zəfər kursundan yüksək biliyinə görə 2 yerə təltif olunaraq diplom qazanıb.

Gələcəkdə millət vəkili olub,vətənimizdəki problemləri həll edərək xalqına yararlı övlad olmaq istəyir.

Bu istedadı 5 yaşından babası tərəfindən oyadılıb.

Asudə vaxtlarında idmanla məşğul olur və mahnıya qulaq asmağı çox sevir.Tarixin yaddaşında qalmaq üçün xeyirxah vətənpərvər insan olmağı bütün insanlara hörmətlə yanaşmağı qarşısına məqsəd qoyub.

Əldə etdiyi uğur və naliyyətlərə görə özünü valideynlərinə borclu bilir.

Cümşüdov Fərid Asif oğlu

Cümşüdov Fərid Asif oğlu 24 iyul 2006-ci ildə Göygöl rayonunun Kərəmli kəndində dünyaya göz açmışdır. Sakit təbiətli uşaq olu. Hərbiyə aid uşaq oyuncaları ilə oynamağı çox sevir və saz havalarına qulaq asmağı xoşlayırdı.

İlk təhsilini Bakı şəhəri 313 saylı tam orta məktəbdə anadan almışdır. Hazırda həmin məktəbdə təhsilini davam etdirir. Dərslərini yaxşı oxuyur. Ən çox sevdiyi fənlər Riyaziyyat və həyat bilgisidir. Məktəbə gedənə qədər yazıb-oxumağı bilirdi. Anası və qonşuluqda yaşayan Könül müəllimə tərəfindən öyrədilmişdir. 5 yaşından bu istedad özündə yaranmışdir. Fərid müəllim ailəsində dünyaya göz açdığına görə kitab, dəftərə daha çox marağı olmuşdur.

Fərid tədbirlərdə də fəal iştirak edib. İlk öncə bağçada keçirilən “Novruz” şənliyində kosa və keçəl rolunda çıxış etmişdir. 23 may 2015-ci ildə sinif yoldaşları və müəllimləri ilə “Botanika bağı”-na səyahət etmələri ən maraqlı gün kimi hesab edir.

Asudə vaxtlarında filmlərə baxmağı və yoldaşları ilə futbol oynamağı xoşlayır. İdmanla məşğul olmaq və hərbi təhsil almağı qarşısına məqsəd qoyub.

Əldə etdiyi uğurlara görə özünü valideynlərinə və Səadət müəllimə borclu bulir. Məşhur azərbaycanlı general Əliağa Şıxlinskiyə oxşamaq istəyir. Gələcəkdə ali təhsil almaq, hərbiçi olmaq istəyir.

Torpaqlarımızı erməni işğalçılarından azad etməkvə şəhid­lərimizin qisasını düşmənlərdən almaqla tarixin yaddaşında qalmaq istəyir.

Atakişiyev Bəxtiyar Əjdər oğlu

Atakişiyev Bəxtiyar Əjdər oğlu 19 dekabr 2002-ci ildə Ağsu rayonunun Hacman kəndində anadan olub. Bəxtiyar körpəlikdə çox sakit və ağıllı oğlan olub. Ətrafda baş verən hadisələri dərk etdiyi gündən onu maraqlandıran şeylərlə bağlı valideynlərinə suallar verər, cavablar onu qane etməyənə qədər əl çəkməzdi. Atla gəzməyi xoşlayırdı, həmçinin müxtəlif ot bitkilərini toplayaraq, adlarını öyrənməyə çalışırdı. Uşaq yaşlarından bəri ciddi, ətrafındakılara diqqət yetirən bir oğlandır. Çox gülməyi sevmir.

Məktəbə getməmişdən əvvəl onun təhsili ilə bağlı maraqlanan olmayıb. Lakin öz yaşıdlarından fərqli olduğunu görən valideynləri onu hələ 6 yaşı tamam olmamış məktəbə yönləndiriblər. Bu, yaşına görə ona çətin olsa da, məktəbdə ona verilən sualları düzgün cavablandıra bilib. Yazmağı və oxumağı məktəbdə öyrənib. Sinifdə yaşca ən balaca şagird Bəxtiyar olsa da dərsləri sinifdə digərlərinə nisbətən daha yaxşı qavrayırdı.Ona verilən şeiri bir dəfə oxumaq kifayət edirdi ki, onu əzbərləsin. Ən sevimli fənni riyaziyyatdır.

Elm dünyasına ilk addımı 5 saylı peşə liseyində atıb, lakin hal-hazırda Qobu qəsəbəsi Qəzənfər Xalıqov adına 1 saylı orta məktəbdə təhsil alır. Dərslərini yaxşı oxuyur. Dəqiq elmlərə qarşı xüsusilə maraqlı olan Bəxtiyar riyaziyyat, fizika, kimya fənnlərini daha çox sevir. Məktəbdə keçirilən tədbirlərdə də iştirak edən Bəxtiyar Novruz şənliyində və digər şənliklərdə “Çobanlar”, “Qoçəli” rəqsləri ilə çıxış edib. “Söz inciləri” adlanan tədbirdə də əkinçi rolunda iştirak edib. Yeni il şənliyində dəniz qulduru rolunda çıxış edib. Həmçinin məktəbdə keçirilən idman yarışlarında da çox fəal iştirak edir.

Bəxtiyar, həm riyaziyyat, həm də fiziki tərbiyə dərsləri üzrə keçirilən tədbirlərdə fəal iştirak etdiyinə görə tərifnamələr alıb. İlk dəfə 4-cü sinifdə oxuyanda riyaziyyat fənni üzrə, daha sonra isə 5-ci sinifdə oxuyanda fiziki tərbiyə dərsi üzrə tərifnamə alıb. 7-ci sinifdə oxuyanda da riyaziyyat fənnindən fəxri fərmana layiq görülüb.

Bəxtiyar fəaliyyətindən dolayı əldə etdiyi uğurlara görə müəllimlərinə və valideynlərinə borclu olduğunu deyir. Xüsusilə də onun təhsili ilə anası maraqlandığı üçün anasına minnətdarlıq edir.

Bəxtiyar gələcəkdə polis olmaq istəyir. Əvvəllər rejissor olmaq istəsə də, sonradan insanları düzgün yola yönəltmək üçün, əmin-amanlıq yaratmaq üçün belə qərar verib ki, polis olsun.

Bəxtiyar boş vaxtlarında dünya ədəbiyyatının nümunələrinə üz tutur, həmçinin heyvanlar aləmindən bəhs edən sənədli filmlərə baxır. Sinif yoldaşları ilə vaxtaşırı görüşüb birlikdə futbol oynamağı da sevir. Həmçinin şahmat oynayır.

İncəsənət sahəsinə marağı az deyil. Rəsm çəkməyi xoşlayır. Mənzərə şəkillərinə daha çox üstünlük verir.

Gələcəkdə xalqının firavanlığı uğrunda çalışan bir insan olmaq, ən yaxın zamanda Qarabağ torpaqlarını erməni hərbi dəstələrindən azad etməyi arzulayır. Vətənpərvər bir oğlan kimi yadda qalmaq istəyir.