Ovçiyeva Fərqanə Əfqan qızı

Ovçiyeva Fərqanə Əfqan qızı 2 dekabr 2002-ci ildə Bakı şəhəri Səbail rayonunda dünyaya göz açmışdır. Fərqanənin anası Raisa xanımın sözlərinə görə Fərqanə uşaq vaxtı çox sakit həmçinin ağıllı uşaq olub.O,həmişə uşaqlıqda çoxlu şəkillər çəkib, rəngləyirmiş.Fərqanə bir çox şəkillərə baxır və onda rəsm çəkməyə qarşı maraq oyanmışdır.Rəsmə olan marağı hələ 4  yaşından başlamışdır.Bununla da Fərqanənin uşaqlıqdan şəkil çəkməyə olan marağı bilinmişdir. Məktəbə qədəm qoyan  zaman ancaq şəkillərlə maraqlanmışdır.

Fərqanə ilk təhsilini 239 saylı orta məktəbdə almışdır.Hal-hazırda isə təhsilini H.Mahmudbəyov adına 2 saylı Texniki Humanitar litseydə davam etdirir. Dərslərini çox yaxşı oxuyur.O, bütün fənnləri sevir. Lakin ən sevdiyi fənn təsviri incəsənət,riyaziyyat və ədəbiyyatdır.Fərqanə bir çox uğurlu tədbirlərdə,sərgilərdə,şənliklərdə iştirak edib.O, 2014-2015-ci illərdə “Vergiləri ödəyin” şüarı adı altında sərgidə iştirak etmişdir.Fərqanə bununla kifayətlənməyərək Azərbaycan Respulikası Səfərbərlik və Hərbi Xidmətə çağırış üzrə Dövlət Xidmətinin keçirdiyi “Vətənin müdafiəsinə hazıram” adlı sərgidə iştirak edib.Onun növbəti uğurlarından biri isə Özbəkistan və Hollandiya Səfirliklərinin keçirdiyi sərgilərdə iştirakına görə fərqlənməsi və mükafatlandırılması olub.Fərqanə vətəninə,xalqına bağlı  bir uşaq olduqu üçün Xocalı və 20 Yanvar faciəsi ilə bağlı sərgilərdə də iştirak etmişdir. Sərgilərə çox böyük maraqı olduqu üçün iki  dəfə keçirilən “Hesabat” sərgisində də iştirak etmişdir.Onun üstün cəhətlərindən biri isə keçirilən bütün sərgilərdən diplom,sertfikat əldə etməsidir.Fərqanə ilk diplomunu 26 aprel 2013-cü ildə Daşkənd şəhərində keçirilmiş “Özbəkistan Azərbaycan uşaqlarının gözü ilə”adlı sərgidə iştirakına görə əldə etmişdir. İkinci diplomunu isə T.İsmayılov adına uşaq-gənclər yaradıcılıq sarayından verilmişdir.Fərqanənin uğurları günü-gündən artaraq üçüncü diploma qədər yüksəlir.Onun üçüncü nailiyyəti  28 may 2014-cü ildə Hollandiya səfirliyi tərəfindən verilmiş sertfikat olmuşdur. Ona 30 may 2014-cü il 1 iyun “Uşaqların Beynəlxalq müdafiə günü”nə həsr olunmuş vergi  uşaqların gözü ilə tədbirdə sertfikat verilmişdir.Fərqanəyə Azərbaycan Respublikası Mədəniyyət və Turizm nazirliyi tərəfindən sertfikat təqdim olunmuşdur. 

Fərqanə bütün bu əldə etdiyi uğurlara görə özünü anasına və rəsm müəlliməsi olan Humay müəlliməyə borclu bilir. Asudə vaxtlarını çox maraqlı keçirir.Asudə vaxtlarında rəsmlə məşğul olur.O,təbiəti çox sevir.Onun üçün də çəkdiyi rəsmlərdə təbiət mövzusuna üstünlük verir.

Ovçiyeva Fərqanə gələcəkdə məktəbi bitirib, Rəssamlıq Akademiyasına daxil olmaq istəyir.Onun hədəfi isə Rəssamlıq Akademiyasını fərqlənmə diplomu ilə bitirməkdir.Fərqanə Rəssamlıq Akademiyasın bitirdikdən sonra rəsm müəlliməsi olmaq istəyir.O,rəsm məşğələsinə daxil olduqdan sonra bu fikrə düşüb.Görünür, bu sevgini onda müəlliməsi yaradıb.Fərqanə bir çox sərgilərə əl işlərini təqdim edib,qalib olduquna görə “Azərbaycan Respublikası Səfərbərlik və Hərbi Xidmətə çağırış üzrə Dövlət Xidməti”adlı kitabda şəkli çap olunub.Fərqanənin ən böyük arzularından biri məşhur rəssamlardan birinə oxşamaqdır.

Fərqanənin sözlərinə görə “mən tarixin yaddaşında öz şəkillərimlə iz qoymaq istəyirəm”

Şaiq Şahin oğlu Əzizov

Şaiq Şahin oğlu Əzizov 2002- ci il may ayının 15 - də Zəngilan rayonunun Mincivan qəsəbəsində anadan olmuşdur. O uşaqlıqda çox sakit , təmkinli bir uşaq olub. Balaca ikən idmanla və rəqslə məşğul olmuşdur. Lakin buna baxmayaraq oxumağa daha çox maraq göstərib. Şaiq artıq məktəbə gedənə qədər yazıb-oxumağı öyrənmişdir. Bunlar ona 5-6 yaşlarında valideynləri və bağça müəllimləri tərəfindən öyrədilmişdir. Artiq 11 yaşında onda istedad yaranıb. Bu istedad onda valideynləri tərəfindən oyadılmışdır. Şaiq balamız ilk təhsilinə Seymur Məmmədov adına 301 saylı tam orta məktəbdə başlayıb.  Hal-hazırda da həmin məktəbdə təhsilini davam etdirir. O dərslərinə olduqca məsuliyyətli yanaşır. Hər zaman müvəffəqiyyət eldə etməyə çalışır. Demək olar ki , bütün fənləri yaxşı oxuyur. Lakin Azərbaycan dili , riyaziyyat , fizika fənlərini daha çox sevir. İstedadlı Şaiq balamız məktəbin ən fəal şagirdlərindən biridir.  O , həyatında ən uğurlu günü Dünga Azərbaycanlılarının Həmrəylik Günü aparıcı kimi çıxış etməsini hesab edir. Ən xoşbəxt günü isə 10 May Mərhum ulu öndərimizin 90 illik yubileyi ilə əlaqədar tədbirdə iştirak etdiyi gün olmuşdur.

O müxtəlif vaxtlarda "Fəxri -Fərman " və diplomlarla  təltif olunmuşdur. Azərbaycanın  xalq şairi Bəxtiyar Vahabzadənin 90 illik yubileyinə həsr olunmuş "Axi dünya fırlanır əbədi " bədii koppazisiyasında Bəxtiyar Vahabzadənin rolunda çıxış etdiyinə görə 26 saylı Uşaq və Gənclər  Yaradıcılıq Mərkəzi tərəfindən "Fəxri-Fərman" la təltif olunmuşdur.  Ümumilli lider Heyder Əliyevin anadan olmasinin 91-ci il dönümü münasibəti ilə Binəqədi rayonu orta ümumtəhsil məktəbləri arasında keçirilən "Azerbaycan səninlədi ,  sənsiz deyil " 4-cü yaradıcılıq festivalında iştirak edərək , müsabiqədə  1-ci yerə çıxmış  və buna görə də "Fəxri-Fərman" la təltif olunmuşdur.  Şaiqin uğuru bununla bitməmişdir . O , 9 Noyabr " Dövlət bayrağı günü " münasibəti ilə təşkil olunmuş tədbirdə baba rolunu ifa etdiyinə görə , "20 Yanvar"  beynəlxalq hüzn günü  münasibətilə təşkil olunmuş tədbirdə və Xocalı soyqırımına həsr olunmuş tədbirdə şəhid rolunda çıxış etdiyinə görə  26 saylı Uşaq və Gənclər Yaradıcılıq Mərkəzi tərəfindən  " Fəxri-Fərman" la təltif olunmuşdur.

01 dekabr Ümumdünya QİÇS- lə  mübarizə günü  münasibəti ilə ''Sağlam həyat tərzini seç "  mövzusunda 26 saylı  Uşaq  Gənclər Yaradıcılıq  Mərkəzinin  məktəb -teatr və bədii qiraət dərnəyinin üzvlərinin iştiraki ilə keçirilən   bədii kompozisiyada narkoman rolunu məharətlə ifa etdiyinə görə , daha sonra isə tədris ili ərzində tədbirlərdə fəal iştirakına görə diplomla təltif olunmuşdur.

Şaiq öz işindən dolayı atasına , anasına , müəllimlərinə və General Məhəmməd Əsədova oxşamaq istəyir. O əldə etdiyi nailiyyətlərinə görə ibtidai sinif müəlliməsi Mənşurə müəlliməyə , daha sonra isə Güliyeva Aidə , Quliyeva Aygün və Quliyeva Mahirə müəlliməyə borclu oldugunu düşünür. O , torpaqlarımızı işğaldan azad etmək üçün vətənpərvər insan kimi böyümək istəyir. Qarşıdakı ən mühüm məqsədi yüksək hərbi rütbəyə yüksəlməkdir. Şaiq asudə vaxtlarında daha çox aparıcılıq sahəsi ilə məşğul olmağa üstünlük verir.  Bu istedadlı vətən övladı torpaqlarımızın geri qaytarılması uğrunda döyüşüb Milli Qəhrəman kimi tarixin yaddaşına düşmək istəyir.

Polad Baxış oğlu İsmayılov

Azərbaycanın istedadlı övladlarından biri də Polad Baxış oğlu İsmayılovdur. O, 25 iyun 2007-ci ildə Bakı şəhərində dünyaya göz açmışdır. Uşaqlıqdan sakit uşaq olub. hazırda da belədir. Poladın maraq dairəsi genişdir, o, maşın­ların maketlərini toplayır, müxtəlif ölkələrin bayraq­ları ilə maraqlanır. Onun ən çox nağıl oxumağı, rəsm çəkməyi çox sevir. Komp­yü­ter oyunlarına da marağı böyükdür. Hazırda şahmat­la maraqlanır. Onda bu marağı atası yaradıb. Mək­təbə gedənə qədər yazıb-oxumağı bacarırdı. Bunu bağça müəllimi Sevinc xanım və anasının köməyilə bacarıb.

Polad ilk qədəmlərini Hövsan qəsəbəsi Vaqif Mirzəyev adına 281 saylı tam orta məktəbdə atmışdır. Hazırda 2e sinfində oxuyur. Polad məktəbin əlaçı şagirdlərindən biridir. Dərslərini əla oxuyan Polad bütün fənləri çox sevir lakin Azərbaycan dili və riyaziyyata meyli daha çoxdur.

Asudə vaxtlarında şəkil çəkmək, kompyüterdə oyunlar oynamaq, cizgi filmlərinə baxmağı xoşlayır. Dərslərini əla oxumaqla bərabər məktəbin tədbirlərində aktiv iştirak edir. Poladın arzusu məktəbi əla qiymətlərlə bitirib ali məktəbə daxil olaraq həkim olmaq istəyir. Xüsusi ilə də cərrah olmaq istəyir. Polad əldə etdiyi uğurlarına görə valideynlərinə və müəllimlərinə, ən əsası Elazər müəllimə özünü borclu hiss edir.

Ona müvəffəqiyyətlər arzu edirik.