Əlizadə Səlma Nəsimi qızı

 

Əlizadə Səlma Nəsimi qızı 14 iyul 2008-ci ildə Bakı şəhərində anadan olub. Səlma körpəlikdə çox hərəkətli, heç nədən qorxmayan, düşdüyü hər bir mühitə tezliklə uyğunlaşan və yaşıdları ilə asanlıqla ünsiyyət qurmağı bacaran bir uşaq olub. O, hey­vanları çox sevir. Əsasən də pi­şik­lərə böyük marağı var. Hey­­­vanlarla oynamaq ona ra­hatlıq və hüzur verir.  Məktəbə gedənə qədər Səlma yazmağı və oxumağı öz-özünə öyrənmişdi. Hətta məktəbə gedəndə vurma cəd­vəlini belə əzbərdən deyə bilirdi. Onun istedadı 3 yaşı olan zaman ailəsi tərəfindən müşa­hidə olunub. Yaşının çox az olmasına baxmayaraq  rəsm dəftərində cızma qaralar edirdi.  Şəkil şəkməyə qarşı sevgisinin və həvəsinin günü-gündən çoxal­dı­ğını görən ailəsi onu rəsmə yaz­dıraraq, Xanım müəllimə hə­valə etdilər.  Daha sonra isə fərq­li kurslara qatıldı. Eyni zamanda Səlmanın çox gözəl piano çalma qabiliyyəti də var. 

Səlma Yasamal rayonu  53 №-li tam orta məktəbdə təhsil alır. Məktəbin ən istedadlı, qabaqcıl şagirdlərindən biridir. Tədris olunan bütün fənləri əla qiymətlərlə oxuyur. Onun ən sevimli fənləri riyaziyyat, Azərbaycan dili, ədəbiyyat, ingilis dili və həyat bilgisidir.  Səlmanın bu fənləri sevib, üstünlük verməkdə məqsədi lazimi bilgilərin əldə edilə bilinməsidir. Bağçada  tədris alarkən Azərbaycan telekanallarının birində yayımlanan  serialın bir bölü­mündə şeir deməsi nümayiş olunub. Məktəbə başladıqdan sonra isə bütün tədbirlərdə iştirak edib. Hər il əlaçı olduğuna görə fəxri fərmanla təltif olunur. 26 fevral Xocalı soyqırımına həsr olunmuş rəsm sərgisində Səl­manın iki rəsmi fəxri fərmana layiq görülüb.  

Əldə etdiyi uğur və nailiyyətlərə görə valideynlərinə borclu olduğunu bil­dirir.  Onun ən böyük dəstəkçisi və arxa-dayağı ailəsidir. Səlma gələcəkdə hə­kim olmaq arzusundadır. Eyni zamanda ingilis dilinə marağı bö­yükdür.  

Asudə vaxtlarında şahmat oynamağı, piano çalmağı və kitab oxumağı  çox sevir.  Səlmanın ən böyük arzusu məktəbi əla qiymətlərlə bitirərək təhsilini Türkiyə Respublikasında almaqdır.

Zülfüqarova Rəhiməxanım Tərlan qızı

 

Azərbaycan istedadlar diyarıdır. İstedadınsa böyüyü-kiçiyi yoxdur. Rəhiməxanım da o istedadlardan biridir.  Zülfüqarova Rəhiməxanım Tərlan qızı 11 may 2008 - ci  ildə Bakı şəhəri Abşeron rayon Novxanı qəsəbəsində doğulub. Rəhiməxanım daima öyrənməyə meyilli uşaq olub. Yaşıdlarından həmişə seçilib. Fortepianinoya daima marağı olub.  Nağıl kitablarını körpə yaşlarından oxumağa çalışıb.

Rəhiməxanım 3 yaşında bütün hərf və rəqəmləri tanıyıb, onları  yazmağa başlayıb. Bunlar ona anası tərəfindən öyrədilib.

Rəhiməxanımın 5 yaşında artıq pianinoya marağı yaranıb. Evdə də  pianinonun olması ondakı bu marağı daha da artırıb. Lap uşaqlıqdan  ifa etməyə çalışıb.

Rəhiməxanım, Mehdi Hüseynzadə adına 1 saylı tam orta məktəbdə təhsil almağa başlayıb,  hal- hazırda da bu məktəbdə oxuyur.

Dərslərini əla oxuyur və riyaziyyat , Azərbaycan dili , tarix dərsləri ən sevimli fənləridir. Rus dili gecəsində, olimpiyadalarda,

şahmat yarışlarında  iştirak edib. Rus dili gecəsində qırmızıpapaq rolunu oynayıb. Onunçün ən maraqlı , uğurlu gün pianino müəllimi Gülnar İsmayılova ilə tanış olduğu gündür. Mehdi Hüseynzadənin 100 illiyinə həsr olunmuş məktəbdaxili şahmat yarışında 1 - ci  yer tutduğuna  görə Fəxri fərmanla , Rus dili gecəsində fəal iştirak etdiyi üçün Fəxri fərmanla, riyaziyyatdan ,,kenquru,, olimpiadasında yüksək bal topladığına görə

Fəxri fərmanla, təhsildə fəal iştirakına görə və təhsildə fərqləndiyinə görə Fəxri fərmanla təltif olunub.

Əldə etdiyi uğurlara görə anası Lalə müəllimə və orta məktəb müəllimlərinə, musiqi müəllimi Gülnar İsmayılovaya borclu hesab edir özünü.

Həyatda hansı peşəyə yiyələnməyindən aslı olmayaraq həmin peşənin ən yüksək zirvəsinə nail olmağı istəyirəm.

Rəhiməxanım asudə vaxtlarını pianino çalmaqla dəyərləndirir.

Saray uşaq incəsənət məktəbində fortepiano ilə məşğul olur.

Orta məktəbi əla qiymətlərlə bitirib, sonra da universitetə daxil olmaq istəyir.

O, bəstəkar olmaq, yeni-yeni, gözəl mahnılar bəstələməklə  tarixin yaddaşında qalmaq istəyir.

Uğurların bol olsun Rəhiməxanım!

Zəhra Çingiz qızı Hüseynli

Qəhrəmanımız körpəlikdə sakit, ünsiyyətcil bir qız olub. Rəsm çəkmək, velosiped sürməyi və nağıl kitabları oxumağı çox sevirdi. Məktəbə gedənə qədər yazıb-oxumağı öyrənmişdi. Məktəbəqədər hazırlıq kursunda 1 il təhsil alıb. 11 yaşında onda poeziyaya, ədəbiyyata güclü maraq yaranıb. Bəxtiyar Vahabzadənin şeirləri ilə yaxından tanış olduqdan sonra onda bu həvəs yaranıb.

Zəhra Çingiz qızı Hüseynli 21 sentyabr 2005-ci ildə Bakı şəhərində anadan olub. I sinfə 72 nömrəli məktəb-liseydə qədəm qoyub. Hazırda da bu məktəbin 7b sinfində təhsil alır. Dərslərinə səylə yanaşır və ən çox sevdiyi fənlər biologiya, fizika və coğrafiyadır. Məktəb tədbirlərinin hamısında iştirak edir. Tədbirlərdə əsas rolu ssenari yazıb dostları ilə birlikdə hazırlaşmaq olur. Şeir müsabiqələrində iştirak edib və yazdığı şeirlər münsiflər heyəti tərəfinfən bəyənilib.

Ən yadda qalan günü 2018-ci ildə biologiya olimpiadasında I yerə çıxmağı və məktəbimizin pilot sinfinə yüksək balla girməyi olub. 2016-cı ildə IVsinfi əlaçı bitirdiyinə, 2018-ci ildə Kenquru məntiq olimpiadasında yaxşı nəticə əldə etdiyi üçün təltif olunub. Bununla yanaşı biologiya olimpiadasında I yerə layiq görülüb.

Əldə etdiyi uğurlara görə ona hər zaman dayaq olan valideynlərimə və sinif rəhbəri Nərgiz müəllimə təşəkkür edir.

Gələcəkdə həkim olmaq istəyir. Asudə vaxtlarında mütaliə etməyi və musiqi dinləməyi çox sevir. Uşaqlar üçün hekayə və şeir yazmağı xoşlayır.

Tarixin yaddaşında yaşamaq üçün şeir və hekayələrindən ibarət kitabı çap etmək istəyir.

Dadaşov Həsənrza Ələmdar oğlu

 

 

 

Dadaşov Həsənrza Ələmdar oğlu 26 iyun 2003-cü ildə Bakı şəhərində anadan olub. 

Uşaqlıqda çox sakit olub. Kompyuterə marağı daha  çox olub. Məktəbə gedənə qədər yazıb-oxumaq ona anası tərəfindən öyrədilib. Elə o zamandan hər şeylə maraqlanıb, suallar verib, cavab almağa çalışıb.  İstedadıyla bağlı maraq 7-ci sinifdən atasının tövhələriylə başlayıb. 

Həsənrzanın  ilk təhsil aldığı orta məktəb 205 nömrəli məktəbdir. Hal- hazırda da orda təhsil alır.

O, dərslərini çox yaxşı oxuyur,  müəllimləri də ondan razıdır,  xüsusən də sevimli direktoru Xoşqədəm müəllim.

Ən sevdiyi fənnlər riyaziyyat və informatika fənnləridir. Eyni zamanda bütün fənləri çox sevir. 

Həsənrza məktəbdə keçirilən  bir çox tədbirlərdə iştirak edib. Məsələn: son zəng, Xocalı soyqırımı, narkomaniyaya yox deyək, ekoloji problemlər, rəsm müsabiqələri, informatika olimpiadaları və s. Sonra isə "Ölkəmizi tanıyaq" devizi adı altında keçirilən məktəblər arası layihədə iştirak edib və digər məktəblilərlə bərabər Naxçıvana səyahət edib, oranın tarixi ilə tanış olub. Onun müsabiqələrdə, tədbirlərdə və bayramlarda əsas rolu komputerlə bağlıdır. İlk dəfə 2017-ci ildə "Ekoloji Tarazlıq" mövzusunda keçirilən rəsm müsabiqəsində qalib olub və "Tərifnamə" yə layiq görülüb. Daha sonra isə 2018-ci ildə "Azərbaycan gəncləri narkomaniyaya yox deyir" mövzusunda keçirilən rəsm müsabiqəsində qalib olub və "Sertifikat"-a layiq görülüb. Ən sonda isə 2019-cu ildə məktəbin ictimai işlərində aktiv və fəal iştirak etdiyinə görə məktəbin direktoru tərəfindən mükafatlandırılıb, "Təşəkkürnamə"yə layiq görülüb. Və bu da onun təhsilə daha çox marağının və sevgisinin olmasından irəli gəlir. Buna görə də çox sevinir. Həyatında ən uğurlu gün və ən sevincli günü məktəb direktoru Xoşqədəm müəllimin  205 nömrəli məktəbə rəhbər olaraq gəlməsi olub. Direktorun gəlməyi, onun yüksək zirvələrə addımlarının başlanğıcı oldu. Həsənrzanın bu qədər tədbirlərdə, müsabiqələrdə, olimpiadalarda və s. İştirak etməyinə və onun potensialının üzə çıxmasının səbəbkarı oldu.

O, əldə etdiyi uğur və nailiyyətlərə görə Allaha, valideynlərinə və məktəb direktoruna borclu hesab edir özünü. Allahına borcldur çünki, ona ağılı və zəkanı verən uca varlıqdır, valideynlərinə borcludur çünki, onların nəsihətləri və faydalı məsləhətləri onun formalaşmasında mühüm rol oynayır. Ona görə də zirvələrə yüksəldikcə ağılla hərəkət etməyi öyrənir, direktoruna borcludur çünki, onun gəlməyi ilə onun potensialını üzə çıxartdı və ona geniş imkanlar yaraydı, zirvələrə yüksəltdi. 

Həsənrza atasına oxşamaq istəyir. Onun kimi işində hörmət, etibar qazanan, onun kimi işinə məsuliyyətli və diqqətli, onun kimi ziyalı bir insan olmağı arzulayır. 

Gələcəkdə daha mükəmməl bir proqramçı kimi zirvəyə yüksəlmək və "Microsoft" şirkətində ən yüksək zirvədə işləməyi hədəf olaraq seçib. 

O, asudə vaxtlarında daha çox komputerdə proqramlarla məşğul olur, istirahət məqsədi ilə gözəl rəsmlər çəkir və bədahətən əruz vəznində şeirlər yazır,  bu da onu daha çox rahatlaşdırır.

Təsviri incəsənət, bir də ədəbiyyata daha çox üstünlük verir.

Gələcəkdə orta məktəbi bitirdikdən sonra universitetə qəbul olmağı, orada da məktəbdəki kimi hörmət qazanmağı və seçdiyi sahədə daha da uğur qazanmağı  planlaşdırır.

Həsənrza edəcəyi elmi ixtiralarla, xeyirxah işlərlə tarixin yaddaşında qalmaq arzusundadır.

Uğurların bol olsun Həsənrza!

Bəşirli Amin Yaşar oğlu

Bəşirli Amin Yaşar oğlu 22 fevral 2007-ci ildə Bakı şəhərində anadan olub. Amin körpəlikdə sakit təbiətli, ağıllı və ağlağan uşaq olub. Güclü hafizəyə və qavrama qabiliyyətinə malik olması yaşının daha çox az olduğu zamanlardan özünü büruzə vermişdi.  Belə ki, o, anası tərəfindən öyrədilən uşaq şeirlərini bir dəfə eşitməklə əzbərləməyi bacarırdı.  Elmə, təhsilə olan marağı məktəblə hələ tanış olmamışdan qabaq yaranmışdı. Onu  yaşıdlarından fərqləndirən başlıca cəhət oyuncaqlardan daha çox qəzetə, kitaba olan sevgisi idi. Hətta valideynləri onu bu sevimli məşğuliyyətindən uzaqlaşdırmaq istədikdə Amin ağlamağa başlayırmış. İlk dəfə olaraq yazmağı, oxumağı və hesabat işlərini anasının köməkliyi ilə öyrənmişdir. O, ibtidai sinifə qədəm qoyan zaman artıq 1-ci sinif proqramını tam olaraq bilirdi. Bəşirli Amin Xətai rayonu Əhmədli qəsəbəsində yerləşən 64 saylı tam orta məktəbdə təhsil alır.  Tədris olunan bütün fənləri əla qiymətlərlə oxuyur. Sinif əlaçısıdır. Çox təmkinli və sakit xasiyyətə malik olması onu dərslərindən geri qoymur. Tam əksi olaraq diqqətini cəmləməsinə və dərsi dəqiqliklə mənimsəməsinə səbəb olur. Onun ən sevimli fənləri riyaziyyat və Azərbaycan dilidir. Bu fənlərdən sonra isə Aminin ikinci olaraq sevdiyi fənlər tarix və biologiyadır. İntellektual səviyyəsi, düşünmə qabiliyyətinin mükəmməlliyi, qavramasının güclü olaması onu riyazi və məntiqi biliklərin ölçən yarışmalarda rəqiblərini üstələməsinə səbəb olur.  Belə ki, Amin bu bacarıqlarına görə diplomlarla dəfələrlə təltif olunub.  Hər səfərində yeni diplom əldə etməsi onda  özünə inam və  güvən hissini daha da gücləndirir. Ailəsinin onunla qürür duyması, daim yanında olub dəstək çıxması Amində böyük ruh yüksəkliyi yaradır. Onun həyatında ən yadda qalan və sevimli günü doğum günləridir.  Bu gün onun bütün istəkləri yerinə yetirilir. Amin bu günə qədər əldə etdiyi uğurlara görə valideynlərinə və sinif rəhbəri olan, şagirlərini hər zaman doğru istiqamətə yönləndirən, uğurlarını öz uğuru hesab edən Gülnarə müəlliminədir. Aminin amma xüsusi təşəkkürləri ona daim dayaq olan, bütün istəklərini yerinə yetirən, məsləhətçisi və ən böyük dəstəkçisi olan anasınadır.  O, idman sahəsində öz bacarığını yeni sinamağa başlamasına baxmayaraq burada da seçilməyi bacararaq, müəllimin rəğbətini qazanıb.  Amin Azərbaycanın fəxri olan, dünyaca məşhur Rafael Ağayevin uğurlu fəaliyyətindən dolayı ona oxşamaq istəyir.  Gələcək planları uğurlu kariyera seçməkdir. Belə ki, o polis işçisi olub, peşəsini şərəf və ləyaqətlə icra edib ədaləti bərqərar etmək niyyətindədir.  O, bu fikrə lap uşaq yaşlarından düşüb. Amin asudə vaxtlarında intellektual səviyyəti daha da yüksəldən oyunlar oynamağı, televizora baxmağı, bədii kitablar mütaliə etməyi xoşlayır. O, peşəsində qəhramanlıq edərək tarixin yaddaşında  ən cəsur, qorxmaz və vicdanlı polis olaraq adını yazmaq istəyir.

Əbilov Sübhan Arif oğlu

Əbilov Sübhan Arif oğlu  29 iyul 2006- cı ildə anadan olub. Körpəlikdə çox sakit və ağıllı uşaq olub. Kiçik yaşlarında rəsmlərə çox maraq göstərirdi. Kitab-dəftərə çox böyük maraq göstərirdi. Bağça yoldaşlarında bu maraq daha çox hiss olunmağa başladı. Məktəbə gedəndə artıq səlist yazıb-oxumağı bacarırdı. Yazıb-oxumağı ona ilk dəfə bağça müəllimi Gülnarə xanım öyrədib.      

Sübhan mütailəni çox sevirdi. O birinci sinifə gedəndə "Robinzo Kruzo"-nu tamamilə oxuyub, bitirmişdi. Bundan əlavə bir neçə kitabları da oxumuşdu.

O, Azərbaycan Respublikası Bakı şəhəri Bakıxanov qəsəbəsi  72 saylı məktəb-liseydə ilk təhsilə başlayıb, hazırda da həmin məktəbin şagirdidir. 

Sübhan dərslərini  “əla” qiymətlərlə oxuyur, ən çox sevdiyi fənn isə  coğrafiya fənnidir. 

O,  Türkiyənin İstanbul şəhərində keçirilən “23 Nisan” uşaq bayramında uğurla iştirak edib. Orada Vətənimiz Azərbaycana aid şeir səsləndirib.

Əldə etdiyi bütün uğur və nailiyyətlərə görə valideynlərinə borclu hiss edir özünü.

O,  həmişə gedə biləcəyi yerə görə, hədəflədiyi nöqtəyə görə  mübarizə aparmağı sevir.

Gələcəkdə hüquqşünas olmaq istəyir. 

Asudə vaxtlarında təbiət proqramlarına baxmağı xoşlayır.

Sübhanın başqa bir həvəs göstərdiyi sahə var. O,  gələcəkdə retro avtomobillərin restavrasiyası ilə məşğul olacağını söyləyir.

Uğurların bol olsun Sübhan!

Yuzil Rəşad oğlu Zülfüqarov

Yuzil Rəşad oğlu Zülfüqarov 25 mart 2007-ci ildə Bakı şəhə­rində dünyaya göz açıb. Körpəlikdə çox sakit uşaq olub. Hər şeylə maraq­lanıb. Məktəbə gedənə qədər yazıb-oxumağı bilməsə də, riyaziyyatı yaxşı bilirdi. Toplama, çıxma hətta 5-ə qədər vurma cəd­və­lini və saatı da bilirdi. Ziyalı ailəsində do­ğul­duğu üçün evdə hamı onunla su­al cavab edir, bilikli uşaq ol­ması üçün çalışırdılar. 4 ya­şın­dan televi­zi­ya verilişlərinə bax­maqla intellekt səviyyəsini ­yüksəlt.

Yuzil orta təhsilə Qara­dağ rayon Ələt qəsəbəsindəki 302 saylı orta məktəbdə baş­layıb. Hazırda isə 127 saylı E. Rzayev adına tam orta məktəbdə təhsil alır. O, əlaçıdır və bütün fənnləri çox sevir. Məktəbdə keçirilən bütün tədbirlərdə çı­xış edərək, öz istedadını açıq­ca göstərmişdir. 

 18 iyun 2010 tarixi Yuzil üçün yaddaqalan tarixdir, onun bacısı bu tarixdə dün­yaya gəlib. 

Yuzil idmanla da məşğul olur. Onun təhsil və idmandakı təltif­lə­rini sizə təqdim edirik: 23 dekabr 2013-də kəmər dərə­cəsini təsdiq edən rəsmi sertifikat, karate-do üzrə II yer diplom, 30 dekabr 2019-cu ildə karate-do üzrə II yer diplom, bilik yarışı üzrə sertifikat, 21 dekabr 2014 tarixində bilik yarışı üzrə I yer diplom, 8 mart 2015-də bilik yarışı üzrə I yer, 7 aprel 2015-ci ildə ən yaxşı nağılbaz nominasiyası üzrə diplom, 29 noyabr 2015 tarixində bilik yarışı üzrə I yer, 15 may 2016-cı ildə bilik yarışı üzrə I yer, 2015-2016-cı il təşəkkürnamə, 16 dekabr 2016-cı ildə diplom, 31 may 2017-ci ildə tərifnamə, 14 mart 2018-də fəxri fərman, 30 yanvar 2019-da "Region məktəbləri üzrə istedadlı şagirdlərin seçilməsi" fəxri fərman, 21 aprel 2019-cu ildə kenquru beynəlxalq riyaziyyat müsa­biqəsi üzrə sertifikata layiq görülüb. 

Bu istedadlı balamız Yuzil, əldə etdiyi uğurlara görə ailəsinə, xüsusilə atasına minnətdar olduğunu bildirir. O, atası kimi olamağı və universitetə qəbul olmağı arzulayır. 

Yuzil Az.TV-də və Günəş TV-də uşaq verilişində uğurlu çıxış edib. Uğurların bol olsun Yuzil!