ZƏRBƏLİ ELVİRA İLHAM qızı

 

Zərbəli Elvira İlham qızı 23 yanvar  2007-ci ildə Bakı şəhərində anadan olub. Elvira körpəlikdə çox nadinc və hiperaktiv uşaq olub. Ancaq oxuyub öyrənməyə qarşı hər zaman marağı olub. 4 yaşından etibarən anası İlahə xanımın köməyilə yazıb-oxumağı öyrənmişdir. Beləliklə o 5 yaşındaikən məktəbə başlamışdır. Hal-hazırda isə 25 saylı tam orta məktəbdə Baxşəliyeva Aytən müəllimin sinfində  VI sinif şagirdidir. Dərslərini yaxşı oxuyur. 6 illik təhsil həyatında hər zaman əlaçı olmuşdur. Elvira heç bir fənn arasında fərq qoymur bütün fənləri sevir. Aktiv biri olan Elvira dəfələrlə məktəbdə və başqa tədris mərkəzlərində keçirilən müxtəlif səyahətlərdə, sərgilərdə və tədbirlərdə iştirak etmişdir. Yaşının az olmasına baxmayaraq bir çox uğurlara imza atmışdır. İngilis dili üzrə hazırlıqlara getmişdir. Artıq ingilis dilin mükəmməl bilir. İngilis dili üzrə keçirilən yarışda I olmuş və medal qazanmışdır. Daha sonra III siniflər arasında keçirilən bilik yarışlarında  2 dəfə fərqləndiyinə görə fəxri fərmanla təltif olunmuşdur. Eyni zamanda IV sinifdə “Azərbaycan dili fənni üzrə  fəalımız” adına layiq görüldüyü üçün təltifnamə almışdır. Əldə etdiyi uğurlara görə valideynlərinə və sinif rəhbəri Aytən müəllimə və ingilis dili müəllimi Göyüşova Əminə xanıma minnətdarlığını bildirir. Gələcəkdə özünü diplomat kimi görmək istəyir. Uğurlu fəaliyyətinə görə millət vəkili Qənirə Paşayevaya oxşamaq istəyir.  Məşğuliyyət kimi isə modelyerlik etmək istəyir. Asudə vaxtlarında kitab oxumağı və əl işləri hazırlamağı  sevir.  Müsahibimiz orta məktəbi müvəffəqiyyətlə bitirərək ali məktəbə daxil olmaq istəyir. Elvira  öz hədəflərinə çatmaq üçün əlindən gələni edəcəyini bildirir. Bizdə öz növbəmizdə bu cür gözəl tərbiyəli, savadlı, vətənimizə və cəmiyyətimizə layiqli övlad böyütdükləri üçün İlahə xanım və İlham bəyə öz minnətdarlığımızı bildiririk. Müsahibimizə uğur hər zaman səni izləsin, yolun açıq olsun deyirik. Səsin hər zaman zirvələrdən gəlsin!

ƏKBƏRLİ JALƏ AFƏT qızı

Əkbərli Jalə  Afət qızı 26 dekabr 2005-ci ildə Masallı rayonunda dünyaya gözlərini açmışdır. Jalə uşaqlıqda    toppuş və sevimli bir uşaq olub. Uşaqlıqda gəlinciklə oynamağı çox sevirdi. Jalə məktəbəqədər dövrdə yazıb-oxumağı bilirdi. Bunun üçün ona anası Nəzakət xanım kömək  olmuşdur. Jalənin  4 yaşından  etibarən rəqs etmək bacarığı var. Onda bu maraq  televizora baxaraq yaranmışdır. İbtidai təhsili 35 nömrəli tam orta məktəbdə almışdır. Hal-hazırda isə Xətai rayonu 25 nömrəli tam orta məktəbdə təhsilini  davam etdirir. Dərslərdə çox fəal iştirak edir. Sinfin əlaçı şagirdlərindəndir. Ən sevimli fənləri isə azərbaycan dili, fizika və coğrafiyadır. Ən sevdiyi gün dekabr ayının 26-sı 2017-ci ildə olmuşdur. Çünki bu zaman valideynləri, müəllimləri və bütün sinif yoldaşları Jaləyə  süpriz edərək doğum günümü qeyd etmişdirlər. Fəal şagird olan Jalə bir nece bilik yarışmalarında iştirak etmiş və fəxri fərmanla təltif  olunmuşdur. O bu zamana  qədər əldə ətdiyi  nailiyyətlərinə görə valideynlərinə və  müəllimlərinə borclu olduğunu bilidirir. Fəaliyyətilə bağlı atasına bənzəmək istəyir. Gələcəkdə  tərcüməçi  və yaxud aparıcı olmaq istəyir. Əslində daha öncə cərrah olmaq istəyib daha sonra isə fikirlərində dəyişiklik etdib. Nitqinin  çox yaxşı olduğundan  aparıcı olmaq fikrinə düşüb. Boş vaxtlarında hind rəqsi ilə  məşğul olur. Gələcəkdə məktəbi əla qiymətlərlə bitirərək ali məktəbə qəbul olmaq istəyir.  Universiteti bitirik savadlı bir mütəxəssis olaraq fəaliyyət göstərmək istəyir. Həmçinin ailəsinə dəstək olmaq arzundadır. Bizdə istedadlı müsahibimizə uğurlar arzu edirik. Səsin hər zaman zirvələrdən gəlsin!

Məlikzadə Elcan Abdulla oğlu

Qəhrəmanımız körpəlikdə sakit uşaq olub. Əsas məşğuliyyətləri içərisində ən çox sevdiyi cizgi film izləməkdir. Bunu bütün yaşıdları kimi çox sevir. Elcan məktəbə gedənə qədər yazıb-oxumağı bilirdi. Bunu ona bacısı öyrətmişdi. Təhsilə, oxumağa həvəsi onda 6 yaşından yaranıb. Bu həvəsin yaranmasında anasının da danılmaz rolu olmuşdur.

Məlikzadə Elcan Abdulla oğlu 2008-ci il oktyabrın 29-da Ağstafa şəhərində dünyaya göz açmışdır.

Orta təhsilə Bakı şəhərinin Binəqədi rayonundakı 100 saylı məktəbdə başlamışdır. Hazırda da həmin məktəbdə təhsilini davam etdirir. Dərslərini yaxşı oxuyur və ən sevimli fənləri arasında Azərbaycan dili, riyaziyyat ilk sırada yer alır.

Ən çox sevdiyi gün doğum günüdür. Çünki hər kəs ona hədiyyə edir. Əldə etdiyi uğur və nailiyyətlərə görə özünü ilk növbədə valideynlərinə borclu bilir.

Elcan istəyir ki, hamı onu özü kimi, məhz olduğu şəxs kimi tanısın. Polis olmaq hədəflərindən biridir. Gələcəkdə işini çox yaxşı bilən bir polis olmaq istəyir və bu istək onda kiçik yaşlardan yaranıb. İnsanların həyatını xilas etmək, cinayət törədərək cəmiyyətə zərər verən insanları cəzalandırmaq istəyir. Gələcəkdə qarşısına qoyduğu məqsədlərdən ilki və demək olar ki, ən vacibi polis olmaqdır. 

Şərifli Səkinəxanım Şamil qızı

Şərifli Səkinəxanım Şamil qızı 19.07.2008-ci ildə Bakı şəhərində anadan olub. Səkinəxanım körpəlikdə çox aktiv, əyləncəni sevən, hər zaman axtarışda olan uşaq olub. O, daha çox rəngli kitablara, jurnallara və cizgi filimlərinə maraq göstərib. Səkinəxanım həmişə televizorda, kitablarda gördüyü personajları  əsərlərində təsvir edib. Məktəbə gedənə qədər şəkillər əsasında hərfləri tanımağa başlayıb və az bir müddət ərzində tam sərbət şəkildə oxumağa başlayıb. İkinci sinifdə oxuyan zaman 1dəqiqə ərzində 124 söz oxuyub. Rəssamlığa həvəsi 3-4 yaşından başlayıb. Evin divarlarında rəsmlər çəkib. Atasının rəssamlığa olan həvəsi Səkinəxanımda da rəssamlığa maraq oyadıb. İlk rəsmlərini çəkərkən atası ona çox kömək edib. Şərifli Səkinəxanım Elçin Qaranzadə adına 270 saylı tam orta məktəbdə təhsil alır. Səkinəxanım sinif rəhbəri Mustafayeva Azadə müəllimdir. O, tez-tez Səkinəxanımın əl işlərini sinifdə nümayiş etdirir. Uşaqlarda rəsmə marağı daha da artırır. Dərslərini əla qiymətlərlə oxuyur. Bütün fənlərə çox məsuliyyətlə yanaşır. Səkinəxanımın ən sevimli fənləri başda riyaziyyat olmaqla, Azərbaycan dili, həyat bilgisi, İngilis dili, təsviri incəsənətdir. O, hal-hazırda İnci mədəniyyət evinin rəssamlıq kursunda rəssamlığın sirlərini öyrənir, bacarığını, istedadını daha da artırmağa çalışır. Səkinəxanım əldə etdiyi uğur və naliyyətlərə görə  ona rəsm çəkməyi öyrədən Aydan müəllimə və valideynlərinə borcludur. O, fəaliyyəti dolayı atasına və Aydan müəllimə oxşamaq istəyir. Gələcəkdə tanınmış rəssam olmaq arzusundadır. Səkinəxanımın ən böyük hədəfi Rəssamlıq Akademiyasının tələbəsi olmaqdır. O, rəsm əsərlərinin tanınmış sərgilərdə nümayiş olunmasını istəyir. Səkinəxanım peşəkar rəssam olduqdan sonra heykəltaraşlıqla məşğul olub, rəssam modelyer dizayner olmaq niyyətindədir. Artıq iki ildir ki, bu fikirə düşüb. O, asudə vaxtlarında rəsm çəkməyi, buz üstündə sürüşməyi, kitab oxumağı və xarici musiqilərə qulaq asmağı sevir. Səkinəxanım canlandırdığı rəsm əsərlərində daha çox mənzərələrə, təbiəti əks etdirən rəsmlərə üstünlük verir. Onun fikrincə peyzaj janrında çəkilən rəsmlər insana hüzur verir. Səkinəxanım ən çox boşqab və kətan üzərində işləməyi sevir. O, gələcəkdə biri-birindən möhtəşəm sənət əsərləri yaratmaq, tarixin yaddaşında tanınmış rəssam olaraq qalmaq istəyir. Səkinəxanım 2017-ci ilin fəvral ayının 19-da ARB günəş kanalında “Biz gələcəyik”verlişinin iştirakçısı olub. Çəkdiyi rəsmlər bu verliş vasitəsi ilə bütün Azərbaycana yayımlanıb.

Abışova Solmaz Murad qızı

Abışova Solmaz Murad qızı 26 dekabr 2006-ci ildə  İmişli şəhərində  anadan olmuşdur. Solmaz çox sakit uşaq olub, musiqini çox sevib, hər növ musiqiyə uyğun rəqs edirdi. 3 yaşında bir nəfəsə o qədər şeir deyirdiki hamı məətəl qalırdı. Bildiyi şeirlərin sayı hesabı yox idi. Məktəbə gedməmiş hərfləri tanıyırdı . Rəqs etməyi çox sevib, aktiv bir uşaq olub . Şəkil çəkməyi, nə isə kəsib düzəltməyi, aplikasiyanıçox sevirdi. Orta məktəbə Bakı şəhəri Xətai rayonu 55 saylı tam orta məktəbdə başlamışdır. Dərslərin yaxşı oxuyur. Müəlliməsinin sevimli şagirdidir. Ən sevdiyi fənn riyaziyyat fənnidir. Məktəbdə keçirilər hər bir tədbirdə iştirak edir. Şeir deyir, rəqs edir, mahnı oxuyur. Səhnəciklər qurur.İncəsənət muzeyində Novruz bayramına aid tədbirdə iştirak edib. Moda müsabiqəsində iştirak edib. Şeir müsabiqələrində, bilik yarışmalarında iştirak edib, bir necədiplomlara layiq görülüb.V sinifdə oxuyarkən məktəbdə keçirilən bilik yarışmasında diplomla təltif olunmuşdur.II sinifdə oxuyarkən ilin ən yaxşı şagirdi adına layiq görülmüşdür və s. bir çox  yarışlarda iştirak etmişdi.Əldə etdiyi uğurlara və onun üçün hər şəraitiyaratdıqları üçün valideynlərinə minnətdarlığını bildirir. Gəlcəkdə isə ali təhsil alaraq Azərbaycan Tibb Universitetinə qəbul olmaq istəyir. Babası kimi cərrah olaraq, xəstə insanlara kömək olmaq istəyir. Böyüdükdə isə özünə məxsus klinika açmaq istəyirə Boş vaxtlarında isə rəqs etməyi və səhnəciklər qurmağı sevir. Bizdə öz növbəmizdə bu cür tərbiyəli, savadlı, dünyagörüşlü, vətənimizə, cəmiyyətimizə layiqli övlad  böyütdükləri üçün  Solmazın valideyinlərinə minnətdarlığımızı bildiririk. İstedadlı müsahibimizə uğurlar arzu edirik, yolun açıq olsun  deyirik. Səsin hər zaman zirvələrdən gəlsin!

Məmmədov Rəvan Məmmədağa oğlu

Məmmədov Rəvan Məmmədağa oğlu 2008-ci il may ayının 26-sı Qaradağ rayonu Ələt qəsəbəsində anadan olub. Kiçiklikdən etibarən Rəvan çox sakit, ağıllı, sözəbaxan, mehriban və səmimi bir uşaq olub. Uşaqlıqdan vaxtını ailəsi ilə birlikdə keçirməkdən xoşu gəlir.Ailədə daha çoxbabasına bağlı olan Rəvan onunlabirgə olmağı sevir. Birlikdə söhbətlər edir və kamera ilə çəkiliş aparırlar. Məktəbəqədər dövrdə dil qaydalarını və riyazi əməlləri bacarırdı. Bu işdə ona ailəsi və hazırlıq müəlliməsi kömək etmişdi. Müsahibimiz Qaradağ rayonunda yerləşən E. Rzayev adına127 saylı tam orta məktəbdə təhsil alır.İlk əvvəl Rəvan məktəbə getməkdən çəkinirdi, o dərslərin öhtəsindən gələ bilməyəcəyini düşünürdü. Lakin şagirdlərinə ana qayğısı, səbr vəmehribanlıqla yanaşan Yeganə müəllimə Rəvanın bu qorxusunu yox etmiş və ona hər zaman dəstək olmuşdur. Rəvanda hər zaman dərslərini yaxşı oxumuşdur. Hal-hazırda da sinfin əlaçı şagirdidir. Ən çox sevdiyi fənlər isə riyaziyyat və həyat bilgisi fənnidir. Kainat Tədris Mərkəzində keçirilən “Bilik yarışında” uğurlu çıxışına görə tərifnamə ilə təltif olunmuşdur. Eyni tədris ilində 127saylı məktəbdə müvəffəqiyyətinə və nümunəvi davranışına görə tərifnamə ilə təltif edilmişdir.İstedadlı müsahibimiz dərslərini yaxşı oxuyub bilik yarışmalarında iştirak etməklə yanaşı, idmanda da uğurlar qazanmışdır. Kempo idman növü ilə məşğul olur. İdmanı çox sevir. 28 may “Respublika günü” nə həsr olunmuş Kempo Full və Kempo Submişn Gi üzrə Respublika turnirində 6-7-8 yaşlılar arasında I yeri tutmuş və diplom qazanmışdır. Azərbaycan Kempo Federasiyası tərəfindən keçirilən yarışda II dəfə 9-10-11 yaslılar arasında III yeri qazanmış və sertifikat almışdır. III dəfə isə Bakı şəhər Gənclər və İdman Baş İdarəsi Azərbaycan Kempo Federasiyası Full versiyasında 9-11 yaş 25 kq çəki dərəcəsində I yerə layiq görülmüş, diplom və medalla təltif olunmuşdur. Rəvanahəyatında hər bir işinin rəvan getməsini arzu edirik. Gələcək yolun işıqlı və açıq olsun. Səsin hər zaman zirvələrdən gəlsin!

Zərbəli Yusuf İlham oğlu

Zərbəli Yusuf İlham oğlu 2 yanvar 2008-ci ildə Sabirabad rayonu Qaratəpə kəndində dünyaya gözlerini  açıb.Yusuf uşaqlığından etibarən çox sakit, mehriban,ağıllı və səliqəli uşaq olub. O, 1 yaşında danişmağa başlayib.Yaş yarımında isə o artıq şeirlər, nağıllar, hətta "Qurani Kərimdən"  surələri əzbər bilirdi. Anası İlahə xanım Yusuf ilk dəfə A-hərifini yazanda çox sevinmişdi. Bu zaman onun hələ üç yaşı var idi. Məktəbə getməmişdən əvvəl oxumağı və yazmağı bilirdi. Məktəbəqədər hazırlıqda indiki sinif rəhbəri Heyderova Zerife müəllimə məşğul olub. Orta məktəbə  gündən 25 saylı tam orta məktəbdə təhsil alır. Onun sinif yoldaşlari ilə mehriban olmagi, qızlara qarşı olan  münasibəti, onun sinifdə hər kəsdən fərqləndirir. Yusuf daim dərslərdə fəal iştirak  edir. Məktəbə gecikmeyi, aşağı qiymətlər almağı heç xoşlamır. Ən çox sevdiyi fənlər riyaziyyat, ingilis dili birdeki heyat bilgisidir. Tez - tez bilik yarışmalarında iştirak edir. Boş vaxtlarında  şaşqi oynamağı, məntiqi testler edərək dəyərləndirilir. Ən çox sevdiyi məşğuliyyət  ise atası  ilə futbol oyunlarını izləməkdir.Həyatının ən sevincli günləri ailəsi ilə  keçirdiyi istirahət günləridir.Çünki atasi İlham bəy  yay tətillərinidə  ailəsini  Azərbaycanın gözəl guşələrində gəzdirir. Qışda isə tez - tez kinoya, teatra eylence mərkəzlərinə aparır. Uğurlarında valideyinlərinə çox borcluyam.Valideyinləri  övladlarının təhsili, gələcəyi üçün çox əziyyət çəkirlər.Həmçinin müəllimələrinində  böyük rolu olduğunu qeyd etdi. Sinif rəhbəri Zərifə müəllimə və ingilis dili müəlliməsi Göyüşova Əminə  müəlliməyə ona hər zaman dəstək olduqları  üçün minnətdarlığını bildirdi.Həyatdakı idealı atasıdır. Yusuf atasına bənzəmək istəyir. O qeyd etdiki, atasına söz verib ki, oxuyub çox savadlı cərrah olacaq.Təhsilini xaricdə davam etdirmek istəyir. Gələcəklə bağlı çox böyük planları var. Xarici dilləri mükəmməl öyrənmək istəyir və xarici ölkələrin birində məhşər cərrah olmaq  istəyir.Eger tarixin yaddaşında qalacaqsa, Mübariz İbrahimov , Ramil Səfərov, Çingiz Mustafayev kimi  vətənpərvər oğul olmaq istəyir. Yusuf məhz onlar kimi tarixdə iz qoymaq istəyir.Bizdə istedadlı müsahibimizə uğurlar arzu edirik, yolun açıq olsun. Səsin hər zaman zirvələrdən gəlsin!