Mehralıyeva Züleyxa İlqar qızı

Mehralıyeva Züleyxa İlqar qızı  9 fevral 2007-ci ildə Bakı  şəhərində anadan olub.  Züleyxa körpəlikdə çox sakit  temkinli  və ağıllı uşaq olub . Onun hərəkətləri  davranışları  yaşından  çox böyük insan  xarakterinə  bənzəyirdi .  Züleyxanın ən sevimli  məşğulliyəti  kitab oxumaq olub.  Yaşının az olmasına  baxmayaraq o çoxlu şeirler bilirdi. Onun  ancaq fikri yazı yazmaq, şeir  demek olub. Bibisi hər zaman  ona oxu gələcəyə lazımlı bir insan kimi yetiş deyə  öyüd nəsihət verib. Məktəbə gedənə  qədər  yazıb-oxumağı  bibisindən öyrənib. Mehralıyeva Züleyxa  Bakı şəhərində Ədalət Abbasov  adına 257 saylı  məktəbdə  təhsil alır.  Hal-hazırda  həmin  məktəbin 5 c sinifində  təhsil alır. Sinfin əlaçi şagirdidir. Onun ən sevimli fənləri  Azərbaycan dili, riyaziyyat  və informatikadir. Məktəblərində keçirilən tədbirlərin feal istirakcisidir.  "20 Yanvar", "Xocalı faciəsi" tədbirlərində intonasiya ilə şeir deyib,  məktəb üzrə riyaziyyat fənnindən viktorinada uğurla iştirak edib.  Bu günə qədər əldə etdiyi uğurlara, nailiyyətlərinə görə valideynlərinə və müəllimlərinə borclu olduğunu bildirir. Ona hər zaman dəstək olduqları üçün onlara öz minnətdarlığını bildirir. O, biliklərini daha da təkmilləşdirib, alimlik zirvəsinə qədər yüksəlmək istəyir. Züleyxa  gələcəkdə hansı peşənin sahibi olmasını tam olaraq qərarlaşdırmayıb. O, həm rəssam, həm də həkim olmaq istəyir. Hansı peşənin sahibi olmasından aslı olmayaraq işinin peşəkarı olacağına əmindir. Asudə vaxtlarında rəsm çəkməyi xoşlayır. O, rəqs dərsləri alıb və çox gözəl rəqs etməyi bacarır. Züleyxa məktəbi əla qiymətlərlə bitirib, yüksək balla ali məktəbə qəbul olub, vətəninə xeyirli, ziyalı şəxsiyyət kimi formalaşmaq niyyətindədir.  Hər tərəfli istedad olan müsahibiz hər zaman fəxri ol. Yolun daim işıqlı və aydın olsun. Uğur hər zaman səni izləsin!

Hacıyeva İradə Əli qızı

Hacıyeva İradə Əli qızı 29.07.2008-ci ildə Bakı şəhərində anadan olub. İradə körpəlikdən sakit, təmkinli, ağıllı və ətraf mühitdə baş verən hadisələr ilə daim maraqlanan  bir uşaq olub. Məktəbə gedənə qədər yazmağı, oxumağı və hesablama işləri aparmağı Yelena nənəsinin köməkliyi ilə öyrənib. İradənin yüksək zəkası, güclü yaddaşı və intelektual səviyəsinin yüksək olmasının şahidi olan ailəsi onu 5 yaşından şahmata yazdırıblar. Hacıyeva İradə Binəqədi rayonu 300 nömrəli məktəbdə təhsil alır. Hal-hazırda həmin məktəbin əlaçı şagirdlərindən biridir. İradənin ən sevdiyi fənlər riyaziyyat, İngilis dili və informatikadır. Məktəblərində tədris olunan bütün fənləri əla qiymətlərlə oxuyur. İradə Azərbaycan, İngilis, Rus dillərində sərbəst şəkildə yazıb-oxumağı və danışmağı bacarır. O, Bakı şəhəri qızlar arasında keçirilən şahmat yarışmasında 1-cilik əldə edərək sertifikata layiq görülüb. Daha sonra İradə 16 iyun 2018-ci ildə Müasir İnnovasiya liseyində təşkil olunmuş mental arifmetika üzrə bilik yarışmasında hamını riyazi bilikləri ilə qabaqlayaraq birinciliyi əldə edib. Super Cenpion- sertifikatı ilə təltif olunub.  Həmin gün onun həyatında yaşadığı ən uğurlu, ən sevindirici və ən yadda qalan gündür. İradə bu günə qədər əldə etdiyi uğurlara, nailiyyətlərə görə babasına və nənəsinə borclu olduğunu bildirir. Gələcək fəaliyyətindən dolayı anasına oxşamaq istəyir. Onun qarşısına qoyduğu gələcək planları bir çox xarici dilləri tam mükəmməl səviyyədə öyrənməkdir. İradə təhsili xaricin ən məşhur universitetlərinin birində almaq istəyir. Bu həvəs onda ailəsi ilə birgə xarici ölkələrə səfər etdikdən sonra yaranıb. Orada gördüyü yüksək təhsil sistemi İradənin çox xoşuna gəlib və gələcək təhsilini bu səbəbdən burada almaq arzusundadır. O, asudə vaxtlarında Rus dilində bədii kitablar oxuyur, riyazi teslər edir və ailəsi ilə gəzintilərə çıxır. İradə gələcəkdə hansı sahəni seçəcəyini tam olaraq qərarlaşdırmayıb. Amma hansı peşəsi seçəcəyindən aslı olmayaraq, işinin peşəkarı olacağına əmindir. Tarixin yaddaşında dilçilik üzrə güclü mütəxəssis olaraq qalmaq istəyir. İradə biliklərini, bacarıqlarını təkminləşdirib Vətəninə, millətinə, ailəsinə xeyirli bir şəxsiyyət olmaq niyyətindədir.

Məmmədzadə Murad Məhəmməd oğlu

Məmmədzadə Murad Məhəmməd oğlu 15 iyul 2005-ci ildə Bakı şəhərində anadan olub.

Murad körpəlikdən ağıllı, diqqətcil,  hərəkətli, hər şey ilə maraqlanan və tez-tez suallar verən bir uşaq olub. Onun ən sevimli məşğuliyyətləri idman etmək və rəsm çəkməkdir.  Məktəbə gedənə qədər yazmağı, oxumağı, hesablamağı bacarırdı. O, bunları məktəbəqədər təhsil ocağında müəllimlərinin köməkliyi ilə öyrənmişdir.

Rəsm çəkməyə olan həvəsi 4 yaşından başlayıb. Məmmədzadə Murad ilk təhsilinə Biləcəri qəsəbəsi Vüqar Əvəzov adına 300 nömrəli məktəbdə başlayıb. Hal-hazırda həmin məktəbin  8-ci sinifində təhsil alır. Dərslərini yaxşı qiymətlərlə oxuyur. Onun ən sevdiyi fənlər riyaziyyat, təsviri incəsənət, fizika və fiziki tərbiyədir.

Məktəblərində keçirilən bütün tədbir və bayaram şənliklərində fəal iştirak edir. Vətənpərvərlik mövzusuna həsr olunmuş tədbirdə  uğurlu çıxışlar edib. Murad bu günə qədər əldə etdiyi uğur və nailiyyətlərə görə valideynlərinə borclu olduğunu bildirir. O, fəaliyyətindən dolayı Bayram babasına  oxşamaq istəyir.Murad gələcəyin tanınmış rəssamı olmaq arzusundadır. Bu sahəyə olan sevgisi 8 yaşından yaranıb. O, canlandırdığı rəsm əsərlərindən təşkil olunmuş, şəxsi sərgisini keçirmək istəyir.  Asudə vaxtlarında idman etməyi, rəsm çəkməyi və internetdə maraqlı məlumatlar axtarmağı xoşlayır. O,çəkdiyi şəkillərdə daha çox təbiət təsvirlərinə üstünlük verir. Murad biliklərini, bacarıqlarını daha da təkminləşdirib Vətəninə, millətinə xeyirli şəxsiyyət olaraq yetişmək niyyətindədir.

Süleymanzadə Səid İman oğlu

Süleymanzadə Səid İman oğlu 04.06.2009-cu ildə Bakı şəhərində anadan olub.  Səid körpəlikdən çox sakit, ağıllı, təmkinli, mehriban və hər bir şeyə həssaslıq göstərən uşaq olub. Onun maraqlı nağıl kitablarına və oyuncaqlara böyük marağı olub.  Yaşıdları ilə tez bir zamanda ünsiyyət qurmağı bacarırdı. Səidin ən sevimli məşğuliyyətləri dostları ilə zaman keçirmək və şahmat oynamaqdır. Məktəbə gedənə qədər yazmağı, oxumağı, hesablamağı məktəbəqədər hazırlıq kursu vasiyəsi ilə öyrənib. Süleymanzadə Səid N.Nərimanov rayonu da yerləşən 36 saylı tam orta məktəbdə təhsil alır. Bununla yanaşı 46 saylı məktəbdən kənar tərbiyə mərkəzində şahmat dərsləri alır. Səid məktəblərində tədris olunan bütün fənləri yaxşı qiymətlərlə oxuyur.Onun ən sevimli fənləri riyaziyyat və İngilis dilidir.  Keçirilən bir çox tədbir və bayram şənliklərində fəal iştirak edib. O, oynadığı “Cırtdan” obrazını böyük məharət ilə tədbir iştirakçılarına nümayiş etdirib. Televizorda yayımlanan “Yeni il” şənliyinə həsr olunmuş verilişdə uğurlu çıxışlar edib.  Səid bu günə qədər əldə etdiyi uğur və nailiyyətlərə  görə valideynlərinə borclu olduğunu bildirir. Gələcəkdə futbolçu və ya şahmatçı olmaq arzusundadır. Səid bilik və bacarıqlarını təkminləşdirib, gələcəkdə seçəcəyi peşənin nə olmasından aslı olmayaraq işinin mütəxəssisi olub Vətəninə, millətinə, ailəsinə xeyirli övlad olaraq yetişmək niyyətindədir.

Məmmədova Rövşanə Elşən qızı

 

Məmmədova Rövşanə Elşən qızı 7 iyul 2007-ci ildə Bakı  şəhərində dünyaya gözlərini açmışdı.  Körpəlikdən  çox səliqəli, incə davranışlı, düşüncəli, nazlı və tez küsəyən biri olub.  Kiçik yaşlarından şəkil çəkməyi çox sevib. Dəftər kitaba qarşı hər zaman maraq göstərib.  Televizorda  eşitdiyi mahnıları dərhal əzbərləyirdi. Məktəbəqədər dövrdən artıq yazıb-oxumağı bacarırdı.  Anası və qardaşı  tərəfindən öyrədilmişdi.  Artıq 2 yaşından onun bir çox şeyə qarşı marağı var idi. Öz istedadı ilə valideynlərini hər zaman təəccübləndirirdi.  Yaşıdlarından hər zaman fərqlənməyi bacarırdı.  Təhsilə Nərimanov rayonunda yerləşən 93saylı tam orta məktəbdə başlamışdır. Hal-hazırda isə 257 saylı orta məktəbdə təhsilini davam etdirir. Dərslərini əla qiymətlərlə oxuyur. Sinifin əlaçı şagirdlərindən biridir. Ən sevdiyi fənlər riyaziyyat, rus dili, ingilis dili və rəsmi daha çox sevir. Fəal bir şagird olan Rövşanə məktəbdə olan tədbirlərdə yaxından iştirak etməyə çalışır. “Yeni il” şənliyində, “Novruz” bayramı şənliyində, “20 Yanvar”, “9 May” tədbirində, “Xocalı” faciəsinə həsr olunmuş tədbirdə şeir söyləmiş, bir çox rollarda çıxış etmişdir. Ona hər zaman dəstək olduqları üçün valideynlərinə və  müəllimlərinə özünü borclu bilir. Xüsusi ilə də anası onların təlim tərbiyəsilə daha çox məşğul olur. O öz fəaliyyətilə bağlı heç kimi təkrarlamaq istəmir, öz yolunu cızmaq istəyir. Gələcəkdə isə məktəbi əla qiymətlərlə bitirərək ali məktəbə qəbul olmaq istəyir. Ən böyük arzularından biri özünü müəllim kimi görməkdi. Gələcək nəsillərə işıq tutmaq istəyir. Asudə vaxtlarında şəkil çəkir, kağızdan müxtəlif fiqurlar və s. şeylər düzəldir. Həmçinin muncuqlarla portret işləyir. Öz çəkdiyi şəkilləri muncuqlarla işləməyi sevir. Mətin və uğurlu addımlarla irəlləmək istəyir. İstedadlı müsahibimiz olan Rövşanəyə yolun hər zaman işıqlı və açıq, uğurların bol  olsun deyirik. Səsin hər zaman zirvələrdən gəlsin!