İbrahimova Sevinc Afət qızı

Adıgözəlli Solmaz Ceyhun qızı

Solmaz Ceyhun qızı Adıgözəlli 6 sentyabr 2006-cı ildə Bakı şəhərində dünyaya göz açıb. 239 saylı orta məktəbin II sinif şagirdidir.

Solmaz körpəlikdə ağıllı, sözəqulaqasan, bir az da dəcəl uşaq olub. 3 yaşından təhsilə maraq göstərməyə başlayıb. Şeirlər, nağıllar öyrənirdi, rəsmlər çəkirdi. Çəkdiyi rəsmlərdə uşaq təfəkkürü ilə maraqlı mövzulara toxunurdu. Anasının köməyilə məktəbə gedəndə artıq yazıb-oxumağı öyrənmişdi.

Solmaz dərslərini əla oxuyur. Bütün fənləri çox sevir. Məktəbdə keçirilən Yeni il şənliyində aparıcı olub. Həyatında ən uğurlu gün kimi I sinfə getdiyi günü hesab edir. Həmin gün özünü çox xoşbəxt hiss edirdi. Çünki həmin gün elm qapısının zehnimizə açılan günü idi. Həyatının ən uğurlu hadisəsi isə Türkiyəyə getdiyi günü hesab edir.

Solmaz təhsildə əldə etdiyi uğurlara görə valideynlərinə, müəllimlərinə borclu olduğunu deyir. Onlar kimi savadlı, xeyirxah bir insan olmaq istəyir.

Gələcəkdə anası kimi həkim olmaq, insanlara kömək edib, onları öz sağlıqlarına qovuşdurmaq istəyir. Ali təhsilini xarici ölkələrdən birində davam etdirmək, savadı, biliyi ilə Azərbaycanın adını dünyada tanıtmaq onun ən böyük arzularından biridir.

Asudə vaxtarında rəsm çəkməyi, nağıl oxumağı, qardaşı ilə oynamağı, cizgi fliminə baxmağı, təmiz havada gəzməyi xoşlayır. 

Məmmədli Dilbər Süleyman qızı

Dilbər gənc ailənin ilk övladı, ilk sevinci olub. Körpəlikdə çox nadinc, ağlağan olan Dilbər oyuncaqları ilə tək oynamağı çox sevərdi. Gəlinciklərinə paltar geyindirməyi, saçlarını darayıb onlarla söhbət etmək ən çox xoşladığı məşğuliyyət idi. Cizgi filmlərinə baxmağı da çox sevərdi. Hazırda Dilbər sakit təbiətli, bacısı Əsmər və qardaşı Nurlan ilə mehriban davranan, çox danışmağı xoşlamayan, müəllimlərin sevimlisinə çevrilən bir qızdır. Məktəbə getməmişdən əvvəl gələcək müəllimi Fərqanə xanımın yanında hazırlıqla məşğul olub. Həmin vaxtdan onda müəlliminə qarşı böyük bir məhəbbət yaranıb.

Dilbər məktəbə getdiyi andan, yeddi yaşından rəsm çəkməyi çox sevib. Rəsm albomu və rəngli karandaşlar ən çox sevdiyi əşyalar idi. Hazırda Dilbər rəsm dərnəyinə gedir.

Dilbər dərslərini yaxşı oxuyur, sevimli fənləri ana dili və rəsmdir. 239 saylı məktəbdə keçirilən Yeni il və Novruz bayramı şənliklərində fəal iştirak edib. Yeni il şənliyində gözəl şeirlər söyləyib. Novruz bayramında isə şeir deməklə bərabər gözəl rəqs edib. Həyatında ən maraqlı hadisə Accessbank tərəfindən keçirilən rəsm müsabiqəsində iştirak etməsi olub. Dilbər “Mənim şəhərim” adlı bu müsabiqədə 200 nəfər şagird arasında III yerə layiq görüldü və diplomla təltif olundu.

Dilbər rəsm çəkməyi ona mükəmməl öyrədən Aytac müəllimə oxşamaq istəyir. O məktəbə gedəndən tanınmış rəssam və şair, eyni zamanda savadlı və bacarıqlı müəllim olmaq fikrinə düşüb. Hazırda onun ən ümdə məqsədi məktəbi əla qiymətlərlə bitirmək və ali məktəbə qəbul olmaqdır.

Asudə vaxtlarında şeir yazmağı, kitab oxumağı və Azərbaycan filmlərini izləməyi xoşlayır.

Mənim gözəl anam

Odur məni böyüdən,

Odur həyatın adı,

O, mənim gözəl anam,

Odur mənim bəzəyim.

Uşaqlıqda anam mənə,

Gözəl-gözəl laylay deyib.

Mənə baxıb, məni sevib,

Mənim gözəl-göyçək anam.

Mən onu unutmaram,

Ona kömək edərəm,

Çünki vaxtında mənim,

O, qayğıma qalıbdır.

Mənim zəhmətkeş atam

Biz səni çox sevirik,

Mənim mehriban atam.

İşdən qayıtmağını,

Həsrətlə gözləyirik,

Mənim zəhmətkeş atam.

İşləyirsən hər gün sən,

Bizi böyütmək üçün,

Heç dincəlməyirsən,

Mənim zəhmətheş atam.

Allahdan istəyirik,

Həmişə köməyin olsun,

Şər qüvvədən qorusun,

Mənim zəhmətkeş atam.

Üzü nurlu müəlliməm

Sən çox mehribansan,

Sən çox gülərüzsən,

Sən çox biliklisən,

Üzü nurlu müəllimim.

Yazmağı,oxumağı,

Öyrədirsən bizə sən.

Biz səni çox sevirik,

Üzü nurlu müəllimim.

Bizi öyrətmək üçün,

Çox əziyyət çəkirsən,

Biz səni unutmarıq,

Üzü nurlu müəllimim.

Qızılgül

Bir gül gördüm bağçada,

Doymaq olmur iyindən.

Axı iyi gözəldir,

Necə doyaq iyindən?

Bəs görəsən o gülün,

Adı nədir bilirsiz?

O, gözəl iyli gülün,

Adı gözəl qızılgül.

Həm də iylə bərabər,

Özü də çox gözəldir.

Bir sözlə deyim ki, mən

Onu mənlə bərabər,

Dünyada hamı sevir.

Paşayev İsmayıl Qabil oğlu

Həsənli Muhəmməd

Məmmədov Xəqani Ramiz oğlu

SABIRABADLI COĞRAFİYAÇI (Аyşən Rаmiz qızı Məmmədоvа)

SABIRABADLI COĞRAFİYAÇI

Аyşən Rаmiz qızı Məmmədоvа 1987-ci ildə Sabirabad şəhərində anadan olub. Uşаq bağçasında tərbiyə аlаn zаmаn rayon üzrə keçirilmiş şeir söyləmək yarışında I yeri tutub. 1993-cü ildə S. Vurğun adına orta məktəbin I sinfinə daxil olub. IV sinifdən Nizami Gəncəvi adına 5 saylı orta məktəbdə oxuyub. 2003-cü ildə orta məktəbi əla qiymətlərlə bitirib, BDU-nun coğrafiya fakültəsinə qəbul olub. Hazırda doğma məktəbində müəllim işləyir.

Аyşən: “ - Bu ixtisası seçməyimdə dərs dediyi ilk gündən coğrafiyanı bizə sevdirməyi bacaran Bəhmən müəllimin rolu böyük olub. Ali mək­təbə qəbul sənəd­lə­rimi hazır­la­yarkən ixtisasları se­çən­də Bəhmən müəl­li­min təkidilə coğra­fiya ixtisasını da yazdım. Əslində fik­rim iqtisadçı olmaq idi. Lakin müəllimimin - Sabirabadın sənin kimi bir coğrafiya müəlliminə ehtiyacı olacaq - sözünü diqqətə alıb yazdım. Indi onun sözünə qulaq asdığım üçün sevinirəm.

Orta məktəbdə əla qiymətlərlə oxumuşam. Demək olar ki, bütün fənləri sevirdim. Bir neçə dəfə məktəb və rayon olimpiadalarında iştirak etmişəm. Kimya üzrə I, ingilis dili üzrə isə II yer tutmuşam.

Ali məktəbə qəbul imtahanlarında rayon üzrə I yer tutduğum üçün rayon rəhbərlərinin də iştirak etdiyi iclasda çıxış etmiş və müka­fat­lan­dırılmışam. Ali məktəbdə yaxşı qiymətlərlə oxumuşam. Sevimli fənlə­rim yerşünaslıq və metrologiya olub. Qəbul imtahanlarında göstərdiyim nəticəyə görə önъə mənə bu şəraiti və oxumağa həvəsi yarat­dıq­la­rına görə valideyinlərimə minnətdaram. Eləcə də Bəhmən, Üze­yir, Minarə və mənə zəhmət çəkmiş digər müəllimlərə minnətdaram.

Xoşbəxtliyi özümü ifadə edə bilməkdə görürəm. Asudə vaxtla­rım­da musiqi dinləməyi çox sevirəm. Musiqi mənim ikinci dünyamdır”.

Babayev Tural Rahat oğlu

Nəsibli Mahir Zaur oğlu

Zivər Sərdar qızı Əliyeva

Zivər nənə öz adını ən sevimli nəvəsinə verib. Ruhu duaçı olsun.

Adının mənası daş-qaş, zinyət olsa da sadəliyi, təmkinliyi ilə yaşıdları arasında seçilib. İlk muəllimi valideynləri olub. Hələ 5 yaşından anası ona oxumağı, yazmağı, çoxlu şeirlər oyrədib. Şeir söyləmək, tədbirlərdə aparıcılıq etməkdə xüsusi qabiliyyəti olduğuna görə muəllimlərin hörmətini qazanıb.

Zivər Sərdar qızı Əliyeva 1994-cü il iyulun 19-da Bakı səhərində anadan olub. 2001-ci ildə 80 saylı orta məktəbə ibtidai təhsil almağa başlamışdır. 2002-ci ildə Səid Rüstəmov adına 13 saylı Uşaq Musiqi Məktəbinə daxil olmuş, 2007-ci ildə həmin məktəbin fortepiano ixtisası üzrə bitirmişdir. Həmin ildə Bakı Dövlət Universitetinin “Gənc istedadlar” liseyinə qəbul olunub. Liseydə əla qiymətlərlə oxuyan şagirdlərdən idi. Liseyin direktoru Qasım muəllim Zivərin anası Ruhəngiz xanımı görəndə həmişə ona: “Sizin kimi valideynin qarşışinda baş əymək olar. Sağ olun ki, cəmiyyətimizə belə savadlı, tərbiyəli övlad böyutmüsünüz” - deyərdi.

Məktəblərarası, şəhərlərarası olimpiadalarda dəfələrlə iştirak etmiş və yüksək nəticələrlə qiymətləndirilmişdi. Televiziya kanallarında müxtəlif məntiq yarışmalarinda qalib olmuşdur. Dəfələrlə mətbuatda məqalələrlə çıxiş edib. Bu həvəs ona anasından keçib. Qeyd edək ki, Ruhəngiz xanım ixtisasca jurnalistdir. Zivər 2012-ci ildə BDU-nun “Gənc istedadlar” liseyini əla qiymətlərlə bitirib və Azərbaycan Tibb Universitetinə qəbul olub. Eyni zamanda YÖS proqramı üzrə imtahan nəticəsi ilə Türkiyənin 5 universitetini qazanıb. Seçim arasında qaldığı ücün atası ilə məsləhətləşib Türkiyənin məşhur universitetlərinin birində oxumaga qərar verdi. Azərbaycanı xaricdə təmsil etmək, vətənini çiçəklənən ölkələr arasında görmək, gözəl ixtisas təhsili alıb ölkəsinə layiqli bir şəxs kimi gəlmək arzusundadır.

 “Həyat hər kəsə bir dəfə verilir və bu həyatı elə yaşamaq lazımdır ki, sonrakı nəsillər səndən örnək alsın” - deyib babası Çingiz. Bu sözlər Zivərin həyat amalına çevrilib. Çingiz babası da özundən sonrakı nəsillərə örnək olan bir şəxsiyyət idi. Onun kimi yaşamaq yaratmaq nəvələri üçün örnəkdi.

Zivər deyir: “ - Uğurlarına görə valideynlərinə, muəllimlərimə və Nazənin xalama minnətdaram. Universitetə hazırlaşdığım 1 il muddətində Nazənin xala mənim hər əziyyətimi cəkib. Universitetə qəbul olanda məndən çox Sevil nənəm sevindi. Ən sevincli günüm Türkiyənin Cəlal Bəyar Universitetinin rektorluğundan qəbulla bağlı təbrik məktubu aldığım gündür. Arzum ixtisasımla bağlı layiq olduğum pilləyə qalxmaqdır. Bunun üçün əlimdən gələni edəcəyəcəm”.

Zivər xoşbəxtliyi ailənin sağlığında, birliyində, mehribançılıqda görür. Bacısı Nihal həm sirdaşı, həm də dostudur. Zivər düsünür ki, insanın birinci dostu onun bacısı olmalıdır. Zivərin qardaşı Nurəddin də istedadlı uşaqların sırasında bu kitabda barələrində məlumat verilən qəhrəmanların sırasındadır. O da bacıları ilə qurur duyur.