Məmmədov Seymur Süleyman oğlu

Kərimova Günel Dəmir qızı

Nuran Ağarza qızı Atamoğlanova

GÜNƏŞƏ LAYİQ OLSUN

Şəms günəş deməkdir. Bu adı ona nənəsi qoymuşdur. İstə­miş­dir ki, Şəmsin həyatı günəş kimi daim işıqlı və nurlu olsun. Şəms na­ğıl­ları sevər və bu nağılları çox zaman dəyişərək, öz istədiyi tərzdə danış­mağı xoşla­yardı. Hələ ki­çik yaşla­rından təbiəti çox sevərdi. Çiçək top­lamaq, bitkilərə qulluq etmək onun sevim­li məş­ğuliyyəti idi. Təəs­sü­ratlarını rəngli qələmləri ilə rəsm albomunda qeyd edirdi. Şəm­sin musiqiyə də marağı var idi. Anası ona fortepianoda çalmağı öyrət­miş­di. Məktəbə ge­də­nə qədər anası ona hərf­ləri, oxuma­ğı, hesab­lamağı öyrətmiş­di. Şəms müxtəlif mahnı­lar, Azər­baycan, rus və ingilis dil­lərində kiçik həcmli şeir­lər söyləyirdi. 

Məktəbə getdikdən son­ra Şəms təhsilə xüsusi maraq göstərirdi. O, dərs əlaçısı, sinif nümayəndəsi idi. Məktəbdə keçirilən şeir müsabiqələrində işti­rak edirdi. Lakin riyaziyyat və təbiət fənləri onu daha da çox maraqlandırırdı. Nənə və babası riyaziyyatçı olduqları üçün onun bu həvəsini daha da çox hiss etmişdirlər. 

Şəms Ceyhun qızı Abdullayeva 1994-cü il iyulun 16-da Gəncə şəhərində anadan olmuşdur. 2001-ci il sentyabrın 15-də Bakı şəhər Sabunçu rayonundakı 192 saylı orta məktəbin I sinfinə getmişdir. Kimya-Biologiya Təmayüllü liseyin şagirdidir. 

Dərslərini yaxşı oxuyur. Ən sevimli fənni biologiya və riya­ziyyatdır. Məktəbdə keçirilən bütün tədbirlərdə fəal iştirak edir. Şeir müsabiqələrində şeir söyləmiş, 20 Yanvar, Xocalı faciələri ilə əlaqədər keçirilmiş mərasimlərdə kiçik səhnəcik­lərdə müəyyən rol ifa edib. Müəllim və sinif yoldaşları ilə şəhidlər xiyabanını ziyarət etmiş, muzeylərdə olub. Məktəbin təşkil etdiyi Nəbatat bağına gəzintidə iştirak edib. Ona elə gəlir ki, məktəbdə keçi­rilən hər bir gün maraqlıdır. Uğurlu gün isə, biliyin əla qiy­mət­ləndirildiyi gündür. 

O, biologiya fənnini çox sevir. Bu fənn üzrə keçirilən bütün təd­birlərdə, olimpiadalarda iştirak edərək bu il keçirilən olimpiadada qa­lib olub. Bütün müfəv­vəqiyyətləri üçün əsasən, müəllimlərinə borcludur. 192 saylı orta məktəbin biologiya müəllimi Afaq müəlliməyə, kimya-biologiya təmayüllü liseyin müəllimlərinə, onlara biologiya fənnini tədris edən Fəridə müəl­limə, praktiki biologiya fənnini tədris edən Gülşən müəl­limə çox sağ ol deyir. Onlar bu fənni ona daha da çox sevdirdilər. 

O, gələcəkdə həkim olmaq arzusundadır. İnsanın sağlığı ən vacib məsələdir. Sağlamlığın keşiyində durmaq məsuliyyəti həkimlərin üzərinə düşür. O, bu məsuliyyəti daşımaq istərdi. O, asudə vaxtlarında rəsm çəkməyi, fortepianoda çalmağı xoşlayır. Bundan əlavə qardaşı Cavidanla məntiq üzrə müxtəlif test tapşırıqları üzərində çalışırlar. O, təbiət qoynunda olmağı xoş­layır. Mümkün qədər valideynləri ilə dəniz kənarına gedirlər. 

İncəsənətin hər bir sahəsi maraqlıdır. O, rəsm sərgilərini ümu­miyyətlə, rəssamlıq sənətini daha çox sevir. Vaxtı olduqca rəsm çəkməyi xoşlayır. 

O, xoşbəxtliyi müm­kün olan arzulara çatmaqda görür. Tibb universitetinə daxil olub, təhsilini dünyanın məşhur univer­sitet­lərində davam etdirmək onun arzusudur. Bu arzuya çatmaq isə özündən aslıdır. Demək bir daha məsuliyyətlə, əzmlə oxumalı, biliklərini hər zaman möhkəmlətməlidir.

O, öz fəaliyyitəndən razıdır. Onun ilk uğuru imtahan verib kimya-biologiya təmayüllü liseyə qəbul olmağıdır. Bu onun həyatında imtahan idi və imtahandan müvəffəqiyyətlə çıxdı. Bunun üçün o, öz valideynlərinə və müəllimlərinə minnətdardır. O, özünü həmin vaxt çox xoşbəxt hiss edirdi. Sevinirdi, çünki yaxşı bal toplayaraq bu liseyin şagirdi adını qazanmışdı. 

Valideynləri onu həkim kimi görmək istərdi. Şəxsiyyət kimi tarixin yaddaşında qalmaq, onun fikrincə hər bir istedadlı gən­cin arzusudur. Bu arzuya çatmaq üçün isə elmi biliklərə yiyə­lənmək, daim çalışmaq lazımdır. 

Cəbrayılova Ayşən Raqib qızı

Hacıyeva Səidə İbrahim qızı

Mehtiyev Nicat Nemət oğlu

Hənifəyev Cəmşid Əlövsət oğlu

Cəmşidin adını babasi Cəmşid müəllim qoymuşdur. Baba Cəmşid 1926-ci ildə Ermənistan SSR-in Basarkeçər rayonunun Zərkənd kəndində anadan olmuşdur. 40 il (1948-1988-ci illər) Zərkənd sovxozunun direktoru vəzifəsində işləmişdir. Keçmiş SSRİ-nin ən yüksək orden və medallarına layiq görulmuşdur. Lenin ordeni, Oktyabr inqilabi ordeni, Şərəf nişani ordeni, Qirmizi əmək bayraği ordeni, 2 dəfə dalbadal Ermənistan SSR Ali Sovetinin deputati seçilmişdir. İşlədiyi müddətdə rəhbərlik etdiyi sovxoz 4 dəfə sosializm yarişinin qalibi, 5 dəfə keçici qırməzə bayrağa layiq görulmuşdur. Baba nəvəsinə öz adını qoymuşdur ki, qoy bu uğurlarin davamını gətirsin. Qoy bu uğurlar onun nəvəsi balaca Cəmşidə qismət olsun.

Cəmşid körpəlikdə ağıllı, sakit və təmkinli idi. Ən çox sevdiyi televiziyada təbiət, vətənpərvərlik haqqında və həkim məsləhəti verilişlərini diqqətlə izləyərdi. Valideynləri müəllim olduğu üçün hələ 6 yaşı tamam olanda Cəmşid sərbəst kitab oxuyurdu. Üzgüçülüyə çox meylli idi.

Cəmşid Əlövsət oğlu Hənifəyev 1992-ci ildə sentyabrın 23-də Baki şəhərində anadan olmuşdur. 1999-cu ildə Baki şəhəri 115 sayli tam orta məktəbin I sinfinə daxil olmuşdur. 2007-ci ildə Baki şəhəri 30 sayli tam orta məktəbin VIII sinfinə getmiş və 2010-cu ildə həmin məktəbi bitirmişdir. Orta məktəbdə oxuduğu muddətdə daim qiymətləri əla olmuşdur. Məktəbin ictimai işlərində fəal iştirak etmişdir. Məhz bu xususiyyətlərinə görə Cəmşidin şəkli daim məktəbin şərəf lövhəsində birincilər siyahisinda olmuşdur. Məktəb rəhbərliyi tərəfindən dəfələrlə təşəkkurə layiq görulmusdur.

Cəmşidgilin nəslində 7 ali təhsilli həkim var. Onlar həmişə bir yerə yığılıb tibbdən söhbət edəndə Cəmşid həkim olmaq qənaitinə gəlirmiş. Qarşısınaa məqsəd qoyur ki, həkim olacaq və xalqimizin saglamliginin keşiyində duracaq.

Orta məktəbdə oxuyarkən kimya, biologiya, fizika, riyaziyyat fənlərini daha çox sevib. Çünki gələcəyin həkimi üçün  bu fənlər daha vacibdir. Buna görə bütün müəllimlərimə minnətdarliğımı bildirirəm. Ən çox əmim Hənifəyev Əhlimana minnətdarliğımı bildirirəm. Çünki kimya fənnindən mənim üçün daha çox əziyyət çəkdi.

2010-cu ildə qəbul imtahanlarından yüksək nəticə göstərərək Azərbaycan Tibb Universitetinin mualicə işi fakültəsinə daxil olmuşam. Təhsilini uğurla davam etdirir.

Tələbə Elmi Cəmiyyatinin konfransinda fəal iştirakima görə diploma və sertifikata layiq gorülüb.

Ali məktəbdə də yaxşı və əla qiymətlərlə oxuyur. Ən çox sevdiyi fənlər anatomiya, farmokologiya, patoloji anatomiya, patoloji fiziologiya və həkim üçün lazim olan digər fənlərdir.

Cəmşid: “ - Əldə etdiyim uğurlara görə valideynlerimə, təhsil aldığım universitetin rəhbərliyinə dərin minnətdarliğimi bildirirəm. Ali məktəbə qəbul olacağıma mən tam əmin idim, çünki TQDK-nin kecirdiyi sinaq imtahanlarinda həmişə 600-dən yuxarı bal yığırdım.

Gələcəkdə tibb sahəsində böyük uğurlara nail olmağı planlayıram. Ən böyük arzum işğal altında olan torpaqlarımızın azad olması və doğma Göyçəmizə gedib babamin yaşadığı, işlədiyi yerləri görməkdir.”

İbrahimova Sevinc Afət qızı

Adıgözəlli Solmaz Ceyhun qızı

Solmaz Ceyhun qızı Adıgözəlli 6 sentyabr 2006-cı ildə Bakı şəhərində dünyaya göz açıb. 239 saylı orta məktəbin II sinif şagirdidir.

Solmaz körpəlikdə ağıllı, sözəqulaqasan, bir az da dəcəl uşaq olub. 3 yaşından təhsilə maraq göstərməyə başlayıb. Şeirlər, nağıllar öyrənirdi, rəsmlər çəkirdi. Çəkdiyi rəsmlərdə uşaq təfəkkürü ilə maraqlı mövzulara toxunurdu. Anasının köməyilə məktəbə gedəndə artıq yazıb-oxumağı öyrənmişdi.

Solmaz dərslərini əla oxuyur. Bütün fənləri çox sevir. Məktəbdə keçirilən Yeni il şənliyində aparıcı olub. Həyatında ən uğurlu gün kimi I sinfə getdiyi günü hesab edir. Həmin gün özünü çox xoşbəxt hiss edirdi. Çünki həmin gün elm qapısının zehnimizə açılan günü idi. Həyatının ən uğurlu hadisəsi isə Türkiyəyə getdiyi günü hesab edir.

Solmaz təhsildə əldə etdiyi uğurlara görə valideynlərinə, müəllimlərinə borclu olduğunu deyir. Onlar kimi savadlı, xeyirxah bir insan olmaq istəyir.

Gələcəkdə anası kimi həkim olmaq, insanlara kömək edib, onları öz sağlıqlarına qovuşdurmaq istəyir. Ali təhsilini xarici ölkələrdən birində davam etdirmək, savadı, biliyi ilə Azərbaycanın adını dünyada tanıtmaq onun ən böyük arzularından biridir.

Asudə vaxtarında rəsm çəkməyi, nağıl oxumağı, qardaşı ilə oynamağı, cizgi fliminə baxmağı, təmiz havada gəzməyi xoşlayır.