Hacıyeva Xuraman Aqil qızı

Hacıyeva Xuraman Aqil qızı Bakı şəhəri Ə. Vahid adına 293 saylı tam orta məktəbin VI sinif şagirdidir. Xuraman uşaqlıqda dəcəl olub. Dəcəlliyi ilə bərabər həm də iti zəkalı bir uşaq kimi tanınmışdır. Qonşular tərəfindən hər zaman sevilən bir uşaq olmaqla, hər kəsin rəğbətini qazana bilmişdir.

Xuraman məktəbə qədər xeyli sayda uşaq seir və nağılları öyrənmişdi. Yaddaşı iti olduğundan valideynlərinin onun üçün oxuduqları seirləri və nağılları yadda saxlamağı yaxşı bacarırdı.  Seirləri ona daha çox anası öyrətmişdi.

Yaxşı seir demək bacarığı Xuramanda I sinifdən hiss edilməyə başalamışdı. Qiraət bacarığını ona atası aşılamışdı.

Xuraman: Dərslərimi yaxşı qiymətlərlə oxuyuram. Ən çox sevdiyim fənnlər Azərbaycan dili, ədəbiyyat, tarix və coğrafiya fənləridir. Məktəbimizdə təşkil edilən bütün tədbirlərdə hər zaman fəal iştirak etmişəm, seirlər söyləmişəm. Bu xüsusiyyətimə görə ədəbiyyat müəllimimin ən sevimli şagirdlərindənəm. Həyatımda ən uğurlu günlərim dərslərimdən əla qiymət aldığım günlərdir. Ən  xoş və uğurlu günlərimdən biri isə Fidan bacımın dünyaya gəlməsi olmuşdur. 

Əldə etdiyim uğur və nailiyyətlərə görə atama, anama və müəllimlərimə borcluyam. Fəaliyyətimlə hər zaman atama bənzəmək istəmişəm. Dərslərimi daha da yaxşı mənimsəyib gələcəkdə vətənim və ölkəm üçün layiqli övlad, vətəndaş olmaq istəyirəm. Hədəfim bu baxımdan ən yüksək uğurlara çatmaqdır. Oxuyub gələcəkdə dil-ədəbiyyat üzrə yüksək biliklərə malik müəllim olmaqdır. Bu fikrə hələ ilk sinif illərindən düşmüşəm. Bu fikrə düşməyim ilk növbədə ibtidai sinif müəllimim Kübra xanım, ədəbiyyat müəllimim Şövkət müəllimə olan dərin sevgi və hörmətdən irəli gəlir. Gələcək planım dərslərimi əla qiymətlərlə oxuyub orta məktəbi bitirdikdən sonra Azərbaycan Pedaqoji Universitetinə daxil olmaqdır.

Asudə vaxtlarımı sinifdən xaric oxu üçün olan hekayələri və şeir parçalarını oxumaqla, həmçinin musiqiyə qulaq asmaqla keçirirəm.

Tarixin yaddaşında yaşamaq hər bir insanın amalı və arzusu olmalıdır. Bunun üçün təbii ki, üzərimizə düşən bütün işləri layiqincə yerinə yetirmək, dürüst, ədalətli və azad düşüncəli olmaq lazımdır.