TƏLƏBƏ - LİDER

Qəhrəmanımız ata nənəsi Gülüstan xanımın adını daşıyır. Körpəlikdə çox ağıllı, sakit uşaq olub. Uşaqlıqdan id­man, rəsm və milli rəqslə məşğul olmuşdur.

Gülüstan Həsrət qızı Əlizadə 15 dekabır 1991-ci ildə Bakı şəhərində anadan olub. 1999-cu ildə Bakı şəhəri Nəsimi rayon 14 saylı orta məktəbinin I sinfinə qəbul olub. 2010-cu ildə həmin məktəbi bitirib Bakı Dövlət Uni­ver­sitetinə qəbul olub.

2001-ci ildə Bakı şəhər Şövkət Ələkbərova adına 20 saylı Uşaq Musiqi Mək­­təbinə kamança ixti­sası üzrə qəbul olub və 2006-cı ildə müvəffə­qiy­yətlə bitirib. Ansambl, orkestr və solo şəkildə müsabiqələrin iştirakçısı olub. 2001-ci ildən hənd­bol­la məşgul olub və hazırda BDU-nin həndbol yığmasinin üzvü­dür. 

İxtisasına maraq qardaşımdan yaranıb. O, Azərbaycan Döv­lət Neft Akademyasının məzunu olmuş, təhsil aldığı illərdə bö­yük nailliyyətləri qazanmışdır. Ondan ilhamlanıb Gülüstan da neft ixtisasına yaxın bir sahə seçib.

I sinifdən nümunəvi şagird olub və digər sinif yoldaşlarından seçilib. Texniki fənnlərə xüsusi marağı olub. Ən sevdiyi fənn riyaziyyat və fizika olub. Muxtəlif fənnlər üzrə (kimya, riyaziyyat, fizika, coğrafiya) olimpiadalar mukafatçısı olub.

Həyatının dönüş nöqtəsi 2011-ci ilin iyul-avqust aylarına tə­sadüf edir. Məhz bu müddətdə Azərbaycanı təmsil edən 25 fəal tələbə siyahısına seçilib, Azərbaycan Tələbə Gənclər Təşkilatları İttifaqının təşkil etdiyi MDB ölkələri tələbə-liderlərinin Qəbə­lədə keçirilən yay məktəbinin iştirakçısı olub.

Ardından sentyabr ayında (2011) ATGTİ-nin Tələbə Gənclər Təşkilatları üzrə iş departamentinə elan olunmuş vakansiya üz­rə işə qəbul olub. Bir il müddətində (2011-2012) kollecler üzrə mə­sul şəxs vəzifəsində işləməyə başlayıb.

Ali məktəbi bitirdikdən sonra “Halliburton”, “Baker”, “BP” kimi neft şirkətlərinin birində işləmək istəyir.

Xoşbəxtliyi həyatda, ailəsində görür. Düşünür ki onu dəstək­ləyən, uğurlarına inanan insanlar olduqca zirvələrə qalxacaq və xoşbəxt olacaq.

Asudə vaxtlarını musiqi, idman, bəzən də ictimai fəaliyyətlə məşğul olaraq keçirməyi sevir.

Onun barədə bir çox KİV-də məlumatlar verilb (Az.TV, İTV, Mədəniyyət, Azərbaycan Radiosu, qəzet və jurnallarda).

Gülüstanın uğurları barədə məlumat vermək istəyirik: 

2011-ci ilin may ayında keçirilən “Univision” tələbə mahnı mü­sabi­qəsində təşkilat komitəsinin üzvü kimi iştirak edib.

2011-ci ilin oktyabr ayında “Yeni nəsil: Sərhədsiz məsuliyyət” fo­rumunun iştirakçısı olub.

Azərbaycan Gənclərinin VI forumuna nümayəndə seçilib.

2012-ci ilin martında keçirilən “Yeddi xonça” Novruz festi­va­lında və Qobustanda təşkil olunan “Yaşıl Enerji” düşərgəsində təşkilat komitəsinin üzvü olub.

Həmin ilin iyul ayılda “Yeni nəsil: Yenilikçi gənclik” foru­mu­nun iştirakçısı olub, Rusiyanın Moskva şəhərində keçirilən MDB ölkələri tələbə liderlərinin “Дни Содружесtво Молодежи - 2012” düşərgəsində Azərbaycan nümayəndə heyətinin tər­ki­bin­­də ölkəmizi təmsil edib.

2012 ilin avqust ayında Şəkidə keçirilən tələbə liderlərinin “Xəm­sə” liderlik məktəbində komanda kapitanı kimi qalib olub. 

2013-cü ilin mart ayında Hindistanda keçirilən tələbə-təcrübə proqramında Azərbaycan nümayəndəsi olub.

Ümumilikdə birqat Azərbaycan tələbə lider və ikiqat MDB ölkələri tələbə lideri adını qazanıb.

Məmmədova Nərgiz Musa qızı

Məmmədova Nərgiz Musa qızı 22 oktyabr 1998-ci il NMR Babək rayonunun Xalxal kəndində dünyaya göz açıb. I sinfə Naxçıvan şəhərindəki 10 saylı orta məktəbdə gedib. Daha sonra təhsilini Bakının Biləcəri qəsəbəsindəki E. Əliyev adına 297 saylı orta məktəbdə davam etdirib.

Nərgiz körpəlikdə sakit uşaq olub. Şəkil çəkməyi, maraqlı kitablar oxumağı xoşlayıb. Təhsilə güclü maraq göstərən Nərgiz hələ məktəbə gedənə qədər bəzi hərfləri, rəqəmləri, yazmaği öyrənmişdi. Böyük bacısı Nərminin məktəbə getməsi onun təhsilə marağını daha da artırırdı.

Nərgiz: “ - Dərslərimi əla oxuyuram. Sevimli fənlər - ana dili, biologiya, tarixdir. Tarix fənni üzrə olimpia­da­da Bakı şəhə­rində III, Bi­nəqədi rayonu üzrə isə I yerə çıxmışam. Məktəbdə keçirilən icti­mai tədbirlərdə adətən şeir demişəm. Əldə etdiyim nailiyyətlərə görə valideyinlərimə, müəllimlərimə borcluyam. 

Təhsilimi xaricdə davam etdirmək, biliyimi daha yüksək zirvələrə qaldırmaq istəyirəm. Tibb universitetinə daxil olmaq, həkim olmaq istəyirəm.

Asudə vaxtlarımda şair və yazıçıların həyat və yaradıcılıqları ilə tanış olmağı çox xoşlayıram.

Valideynlərimə minnətdarlığımı bildirirəm ki, məni sevdiyim sənətə yönəldirlər və mənə hər işdə çox dəstək olurlar. Arzum ali təhsil almaq, xalqımı dünya səviyyəsində təmsil etmək, vətənimi dünyaya azad və müstəqil bir ölkə olaraq tanıtmaqdır. 

Təbii ki, hər kəs tarixin yaddaşında yaxşı işlər görmüş şəx­siy­yət kimi qalmaq istəyər. Həmçinin mən də istərəm tarixdə yaxşı insan kimi iz qoyum. Bunun üçün isə var gücümlə çalışıram.”

Tamilla İlqar qızı Əhmədova

Qəhrəmanımızın adının tarixcəsi cox maraqlıdır. Belə ki, anası röyasında gözəl bir mələk görür və bu mələk ona qızının olacağını, adının isə Tamilla qoyulmasını bildirir. Bir necə aydan sonra yuxu təkrarlanır. Buna görə də qəhrəmanımız dünyaya gələndə anasının təkidilə adını Tamilla qoyurlar. Tamilla fransız sözü olub gözəl, ismətli deməkdi.

Bu qız məktəbəqədərki dövrdə gəlinciklərlə oynamağı xoşlayırdı. Rəqs etməyi də çox sevirdi. Uşaq tədbirlərində dəfələrlə rəqs səhnəciyində rol almışdı. Tamilla məktəbə gedənə qədər yazib-oxumağı da öyrənmişdi. Şəkil çəkməyi, rəngləməyi çox xoşlayırdı. Atası ona xüsusi rəngləmə kitabçaları alırdı. Tamilla saatlarla oturub onların içərilərini rəngləyər və bundan xüsusi zövq alardı.

Tamilla İlqar qızı Əhmədova 9 noyabr 1995-ci ildə Baki şəhərində anadan olub. 2002-ci ildə 94 saylı tam orta məktəbdə təhsil almağa başlayıb. Orta təhsili 2013-cü ildə bitirib Baki Dövlət Universitetinin tarix fakültəsinə daxil olub.

Tamilla: “ - Tarix elmini seçməyimin tarixçəsi çox maraqlı olub. Orta məktəbdə yaxşı oxuyurdum, əksər qiymətlərim əla idi. Maraqlısı odur ki, tarix fənnini oxumaqda müəyyən cətinliklər cəkirdim. Gah yaxşı, gah da əla qiymət alırdım. Sevdiyim fənn isə Azərbaycan dili və ədəbiyyatı idi, bu fəndən qiymətlərim əla idi. IX sinifdə filoloq olmaq istəyim var idi. Ona görə də III qrupa verməyi qərara aldim. III qrupa qəbul olmaq üçün tarix fənnini daha geniş şəkildə öyrənmək lazım idi. Vaxtımın əksər hissəsini tarix fənninə ayırdım və getdikcə bu elm məni özünə cəlb etdi. Bu marağı oyadan isə tarix müəllimim Məryəm xanım olmuşdur. Bunun nəticəsi olaraq Bakı Dövlət Universitetinin tarix müəllimliyi ixtisasına qəbul oldum. 94 saylı tam orta məktəbin 2013-cü il məzunları arasında ali məktəbə imtahanlar zamanı ən yüksək bal toplamışdım.

Orta məktəbdə bir neçə fənn istisna olmaqla əla qiymətlərlə oxuyurdum. İngilis dili üzrə respublika məktəblərarası yarışmada iştirak etmişəm, ikinci tura keçmişəm. Məktəbin ictimai işlərində fəal iştirak etmişəm, daha çox şeir demişəm, müxtəlif səhnəciklərdə rol almışam.

Ali məktəbdə dərslərimi yaxşı oxuyuram, sevimli fənlərim Azərbaycan tarixi, mənbəşünaslıq, etnoqrafiyadır. BDU-nin Tələbə Həmkarlar Təşkilatının üzvüyəm, keçirilən hər bir tədbirdə fəal iştirak edirəm.

Həyatımda ən uğurlu gün ali məktəbə seçimlərin açıqlandığı gün idi. Bu gün çox həyacanlı və həlledici gün idi. Həmin gün mənə olmazın sevinc bəxş etdi. Çünki bu gün 11 illik əziyyətin, müəllimlərimin əməyinin, valideynlərimin sevincinin və mənə bəslənilən inamın tərənnümü günü idi. Mən bu gündə yaşadıqlarımı heç vaxt unuda bilməyəcəm. Həm də bu sevinc mənim seçimim ilə üst-üstə düşdü.

Seçdiyim ixtisasa yiyələnməkdə, qəbul imtahanlarında göstərdiyim nəticələrə, əldə etdiyim və edəcəyim uğurların bünövrəsini qoyan ibtidai sinif müəllimim Şəhla xanıma, sonradan bu əziyyəti aralarında bölüşdürən bütün müəllimlərimə və xüsusən də ixtisas seçimimdə müstəsna rol oynamış atama minnətdaram.

Ali məktəbi bitirdikdən sonra Bakı Dövlət Universitetində qalıb tədrislə məşğul olmaq istərdim. Seçimimə nail olmaq üçün bakalavr pilləsini bitirdikdən sonra magistraturaya daxil olmalı, daha yuxarı pillələrdə təhsil almalıyam. Mənə elə gəlir ki, istək olsa hər şeyə nail olmaq olar.

Xöşbəxtliyi heç bir çətinlikdən qorxmayıb irəli getməkdə, çətinliklərin həllinə çalışmaqda, mübarizə aparıb qalib gəlməkdə görürəm. Mən artıq müəyyən qədər bu qələbənin dadını hiss etmişəm və bundan sonra da dayanmaq fikrində deyiləm. Mənim üçün zirvə tarix elmləri doktoru elmi adını almaqdır. Bilirəm seçdiyim zirvə çox ucadır, amma mən bütün çətinliklərə tab gətirərək bu elm zirvəsinə qalxmaq niyyətindəyəm.

Asudə vaxtlarımda musiqi dinləməyi, şeir və maqələ yazmağı xoşlayıram. Artıq bir sıra şeir və məqalələrim var. Gələcəkdə özümü bu sahədə də sınamaq istəyirəm. Arzularımdan biri gələcəkdə kitabımın çap olunmasıdır. Həyat mövzusu məni həmişə düşündürür, özünə cəlb edir. Asudə vaxtlarımda bu mövzuya toxunmağı çox xoşlayıram.”

Həyat-yaşamaq, mübarizə aparmaq, məğlubiyyətlə barışmaz olub ona sinə gəlmək, çalışmaq və sonda qalib olmaq.....Necə çətindir elə deyilmi?! Bəzən düşünürsən ki, bacara bilməyəcəksən, mübarizədən bezirsən və qalib olmaq ümidini itirirsən. Amma unudursan ki, insan övladı üçün əlçatmaz heç nə yoxdur, sadəcə düzgün istiqamət və hədəf seçimi. Əgər qarşına məqsəd qoyursansa və məqsədinə çatmaq üçün irəliləyirsənsə deməli hər zaman qalibsən, unutma!

Həyat həm kədərdir, həm də ki sevinc. Bəzən sevinc bir anlıq olur, kədər isə bir ömür. Bəzən gözəllik səthi olur, üzüntülər isə çox dərinlərə yol açır. Çox qəribədir elə deyilmi? Amma bütün bunlara baxmayaraq insan unutqandır. Zamanla hər şey unudulur, sadəcə olaraq qəlbdə, beyində bir iz buraxır, sadəcə bir iz.... Həyat boyu yaşayırsan. Sadəcə yaşamaq yetməz! Həyatda qalmaq üçün, əbədiyyata qovuşmaq üçün, yaddaşlarda bir iz buraxmağı da bacarmalısan.

Yaşa dolduqca çətinliklər artır, onların həllinə çalışırsan və yenə mübarizə, yenə inam, yenə güc, yenə səbr... Əlbəttə sonda xeyir həmişə qalibdir. Bütün çətinliklərin sonu sevinc, uğur və gözəllikdir. Bütün bu yolda bir dayaq yerin var - Vətən, bir inam yerin var- Allah, bir sığınacağın var - Ailən.

Vətən sənə dayaqdır, sən də Vətənə! Vətənə, Dövlətə sadiq ol, onu həmişə qoru!

Allaha inam səni həmişə düz yola çəkər!

Ailəsinə sığınan, heç vaxt tək qalmaz. Bütün səhvlərinlə ailən həmişə səninlədir!

Heç kimin səni üzməsinə imkan yaratma, xoşbəxtlik uğrunda vuruş, çünki həyatının rejissoru elə sənsən! Baş rolda özün!!!

ƏNƏNƏYƏ SADİQLİK

Səkinə Ramiz qızı Ha­cı­yeva 1992-ci il martın 3-də Bərdə şəhərində ana­dan olub. 1998-ci ildə Bərdə şə­hər 7 saylı əsas mək­tə­bin I sinfinə, 2000-ci ildə isə Bərdə şəhər 1 saylı Uşaq İncəsənət Məktəbinin for­tepiano şöbəsinə daxil olub. 2007-ci ildə həm musiqi məktəbini, həm də 7 saylı məktəbi bitirib. Məktəb doqquz illik olduğu üçün təhsilini Qaradəmirçi kənd orta məktəbində davam et­di­rib. 2009-cu ildə həmin məktəbi əla qiymətlərlə başa vurub, 581 balla Bakı Dövlət Universetinin mexanika-riyaziyyat fakültəsinə daxil olub.

Babası Əvəz Əliyev və nənəsi Ağca Hüseynova tanımış, hörmət qazanmış riyaziyyat müəllimləri olub. Səkinə də baba və nənəsinin yolunu davam etdirmək qərarına hələ erkən yaşla­rımdan gəlib. Orta məktəbdə dərslərini əla oxuyub. Ən sevimli fənnləri riya­ziy­yat, kimya, ingilis dili olub. İctimai işlərdə, olim­pia­da­larda müntəzəm iştirak edib. Ali məktəbdə də cəbr və ingilis dili ən sevimli fənləridi. 

Qəbul imtahanlarında göstərdiyi nəticələrə görə valideynləri­nə, babasınaa, Ceyran bibisi və müəllimləri Natella xanım, Se­vinc xanım, Şəhla xanım, Nailə xanım və Firudin müəllimə min­nətdarlıq bildirdi. 

Ali məktəbi bitirdikdən sonra ən qabaqcıl məktəblərin birin­də müəllim işləmək arzusundadır. Xoşbəxtliyi istedadlı şagirdlər yetişdirməkdə, layiqli mütəxəssis olmaqda görür.

Asudə vaxtlarında ingilis dili öyrənir, kiçik əsərləri kətan üzərinə tikir, piano çalır. Ən çox “Laçın” mahnısını ifa etməyi xoşlayır.