Balayev Fərhad Xeybər oğlu

Balayev Fərhad Xeybər oğlu 11.09.2010- ci ildə Bakı şəhərində anadan olub.  Fərhad körpəlikdə sakit, təmkinli və anasına bağlı uşaq olub. Futbol oynamağa böyük fəvəsi var. Asudə vaxtlarında idmanla məşğul olmağa üstünlük verir. O, məktəbə gedənə qədər yazmağı, oxumağı bacarırdı.  Bu işdə ona anası böyük köməklik edib. Fərhadın 5 yaşından futbola qarşı marağı yaranıb. Atasının futbol azərkeşi olması Fərhadda bu sahəyə maraq oyadıb. Balayev Fərhad Zığ qəsəbəsi Qəhrəman Qəhrəmanov adına 65 saylı tam orta məktəbdə təhsil alır. Hal-hazırda həmin məktəbin seçilən şagirdlərindən biridir. O, dərslərini yaxşı qiymətlərlə oxuyur. Ən sevdiyi fənn isə riyaziyyatdır. Məktəblərində keçirilən bütün tədbir, bayram şənliklərinin fəal iştirakçısıdır. O, burada “Dədə Qorqud”,” Şaxta Baba” obrazlarını böyük məharətlə tədbir iştirakçılarına nümayiş etdirib. Eyni zamanda aparıcıqda edib. Onun məktəblərində şair Baba Vəziroğlu ilə görüşü olmuşdur. Həyatında yaşadığı maraqlı günləri çox olub. Onlardan biri də Zəfər İdman Klubunun təşkil etdiyi Yunan Roma güləşi üzrə iştirak edərək 26 kq çəki dərəcəsində bacarıq göstərərək birinci yerə layiq görülüb, diplom ilə təltif olunmasıdır. Fərhad əldə etdiyi uğur və nailiyyətlərə görə müəllimlərinə və anasına borclu olduğunu bildirir. O, gələcəkdə özünü diplomat olaraq görür. Bu fikrə beş yaşından düşüb. Səbəb isə televizorda təsadüfən gördüyü diplomatlardır.  Asudə vaxtlarında mütaliyə etməyi sevir. Şeir yazmağa böyük həvəsi var. O, Vətəninə və ailəsinə layiqli övlad olmaq istəyir. Tarixin yaddaşında yaşamaq üçün futbol tarixində ən gözəl qola imza atmağı qarşısına məqsəd qoyub. Fərhadın istedadı ilə bağlı İcmal qəzetinin “Ailəsinin Sevinci” adlı  bölümdə məqaləsi yer alıb.