İsmayılzadə Zeynəb Zamin qızı

İsmayılzadə Zeynəb Zamin qızı 29 yanvar 2010-cu ildə Bakı şəhərində anadan olub. Zeynəb körpəlikdə ağlağan, nadinc, çox aktiv və  hər şey ilə maraqlanan uşaq olub. Ətraf mühitdə baş verən hadisələr onun hər zaman diqqətini çəkib. Zeynəb məktəbə gedənə qədər rəqəmləri, hərfləri yazmağı-oxumağı 300 saylı tam orta məktəbdə çalışan Zərifə müəllimin köməkliyi ilə öyrənib.  Riyazi hesabat işlərini aparmağı isə böyük bacısı tərəfindən öyrənib. İsmayılzadə Zeynəb Binəqədi rayonu, Biləcəri qəsəbəsində yerləşən Vüqar Əvəzov adına 300 saylı tam orta məktəbdə təhsil alır. O, sinif əlaçısıdır. Tədris olunan bütün fənləri əla qiymətlərlə oxuyur. Zeynəbin ən sevimli fənləri Azərbaycan dili və riyaziyyatdır. Məktəblərində təşkil olunmuş bir çox tədbir və bayram şənliklərinin aktiv üzvüdür. O, Əlifba bayramında və Yol hərəkəti qaydalarına həsr olunmuş tədbirlərdə şeir söyləyərək uğurlu çıxışlar edib. Zeynəb 1-ci sinfi əlaçılıqla bitirib və bu səbəbdən diplom ilə təltif olunub. O, əldə etdiyi uğurlara, nailiyyətlərə görə özünü valideynlərinə və Məhəbbət müəllimə borclu bilir. Fəaliyyətindən dolayı anasına oxşamaq istəyir. Zeynəb gələcəkdə savadlı, peşəkar diş həkimi olamağı qarşısına məqsəd qoyub. O, bacısından diş həkimləri ilə bağlı eşitdiyi məlumatların nəticəsi olaraq bu peşəyə sahib olmağı qərarlaşdırıb. Asudə vaxtlarında dərs oxumağı, yaşıdları ilə həyətdə oynamağı və velosiped sürməyi xoşlayır. Zeynəbin gələcək planları orta məktəbi əla qiymətlərlə bitirib, ali məktəbə ən yüksək balla daxil olub, savadlı həkim olaraq Vətəninə xidmət etməkdir.