Məmmədova Aysun Elçin qızı

Aysun uşaqlıqda ağıllı, sakit uşaq olub. Uşaq bağçasına getdiyi vaxtdan rəsm çəkməyə marağı olub. Məktəbə gedəndə artıq yazmağı, oxumağı bilirdi.

6 yaşında şəkil çəkməyə başlayıb.

Məmmədova Aysun Elçin qızı 10 fevral 2004-cü il tarixində Rusiya Federasiyasının Tyümen şəhərində anadan olub. İlk iki sinfi 257 saylı məktəbdə oxuyub. Hazırda “Zəngi” liseyində oxuyur.

Aysun çalışqan şagirddir. Dərslərini yaxşı oxuyur və bütün fənləri sevir.

Məktəbdə fəal şagirddir. Məktəbdə keçirilən tədbirlərdə, bayramlarda iştirak edir. Hələ I sinifdə oxuyarkən Yeni il şənliyində "Qırmızı papaq" rolunu məharətlə ifa etmişdi.

Aysun gəzintini də çox sevir. Yay tətilini səmərəli keçirmək üçün Azətbaycanın gözəl guşələrinə səyahət edir. Ən yaddaqalan səyahətləri İlisu, Lahıcı gəzmək, Şəkinin Xan sarayını, Qəbələnin qədim qalalarını görmək olub.

Aysun əldə etdiyi uğurlara görə özünü müəllimlərinə, sonra isə valideynlərinə borclu bilir.

Gələcəkdə müəllim olmaq arzusundadır. Bununla yanaşı o rəsm qabiliyyətini də inkişaf etdirmək istəyir.

Həm bir bacarıqlı və sevilən müəllim olub, gənc nəsilləri yetişdirərək həm də rəsm əsərlərini tanıdıb rəssam olaraq tarixin yaddaşında qalmaq niyyətindədir.

Aybəniz Elşad qızı Məmmədova

 

XXI əsrin uşaqları öz dünyagörüşü ilə əvvəlki nəsillərdən fərqlənir. Belə gənclərimizdən biri də Aybənizdir. Aybəniz körpəlikdə aktiv, hər şeylə maraqlanan uşaq olmuşdur. Rəsm çəkməyi, rəqs etməyi, şeir və nağıllar öyrənməyi xoşlamışdır. Hind filmlərinə baxmağa marağı olmuşdur. Məktəbə gedənə qədər yazıb-oxumağı müxtəlif şeirləri bilirdi. Bağçada müəllimləri tərəfindən öyrədilmişdir.3 yaşından rəqs etməyi xoşlamışdır. Bağçada tədbirlərdə rəqs etmiş və bu onda rəqsə qarşı maraq yaratmışdır.

Aybəniz Elşad qızı Məmmədova 24 yanvar 2003-cü ildə Bakı şəhərində anadan olmuşdur. 2009-cu ildə 190 saylı orta məktəbin I sinfinə daxil olub. Hazırda həmin məktəbin VI sinfində oxuyur.

Dərslərini əla oxuyur. Ən çox sevdiyi fənlər riyaziyyat, ədəbiyyat, tarix və ingilis dilidir. Məktəb tədbirlərində və şənliklərində iştirak edir.

Bundan əlavə rəqs məktəbinin tədbirlərində də çıxış edib. Azərbaycan və hind rəqslərini ifa edir. Dərslərdə fəal iştirak etdiyi üçün fəxri fərmanla təltif olunmuşdur. Aybənizə həyatda birinci növbəli dəstəyi ailəsi verir, onlar hər zaman onun uğura imza atması üçün ələrindən gələni eləyirlər. Aybəniz gələcək fəaliyyətində bacısına bənzəmək arzusundadır.

Məşhur bir həkim olub xalqına xidmət etmək və baş həkim vəzifəsinə yüksəlmək istəyir.  Bu fikrə I sinfə getdiyi zamandan  gəlib. Xalqına yararlı işlə məşğul olmaq onun ülvi arzusudur. Tibb Universitetinə daxil olub, oranı müvəffəqiyyətlə bitirib xalqına layiqli həkim olmaq, tibb sahəsində yeni ixtiralar etmək istəyir.

Qəhrəmanımız boş vaxtlarında daha çox rəqslə məşğul olur. Hind rəqslərini öyrənməyə üstünlük verir. Aybəniz rəsm çəkməyi də çox sevir. Çəkdiyi rəsm “Sonbeşik” jurnalında dərc olunub. I sinfə getdikdə “Cəmiyyət” qəzetində “Əlvida bağça, salam məktəb” başlığı altında yazı dərc olunmuşdur. Məktəbdə

Bir sozlə Aybəniz bu qabiliyyəti, bacarığı ilə həm ailəsinin, həm ona dərs deyən, dəstək olan müəllimlərin fəxrinə çevrilib.

Biz də gələcək həyatinda Aybənizə uğurlar arzu edirik!

Bəxtiyar Yudin oğlu Həsənov

Azərbaycan istedadlar diyarıdır. Belə gənc istedadlarımızdan biri də Bəxtiyar Yudin oğlu Həsənovdur. Bəxtiyar 21 mart 1999-cu ildə Bakı şəhərində anadan olmuşdur. Valideynləri deyir ki, Bəxtiyar körpəlikdə qeyri-adi bir uşaq olub. Döyüş səhnəli filmləri izləmək və filmdən izlədiyi fəndləri təkrar etməyi sevib. O, hələ 3 yaşındaykən riyazi əməlləri hesablamağı öyrənmişdir. Ona yazıb-oxumağa ən çox kömək edən bacısı Könül olmuşdur. Bəxtiyar 10 yaşında karate idman növüylə məşğul olmağa başladı. 2011-ci ildə həvəskar kimi üzgüçülüklə, 2012-ci ildə isə taekvando idman növüylə məşğul olmuşdur.

Bəxtiyar 2005-ci ildə 276 saylı məktəbin I sinfinə daxil olub, hazırda isə 102 saylı məktəbin X sinfində təhsil alır. O, dərslərinə diqqətlə yanaşır və müəllimlərinin etibarını hər zaman doğruldur. Ən sevdiyi fənlər tarix, coğrafiya, ingilis dili, fizika, kimyadır.

Qəhrəmanımız taekvando üzrə yeniyetmələr arasında respublika birinciliyində “Qala” komandasının tərkibində çıxış I yerə layiq görüldüyü günü ən uğurlu günü hesab edir. Bəxtiyar bir cox diplomlara layiq görülmüşdür.

10. 04. 2011-ci il tarixində milli qəhrəman Çingiz Mustafayevin xatirəsinə həsr olunmuş futbol yarışında I,

31. 12. 2011-ci il tarixində Dünya Azərbaycanlılarının Həmrəylik gününə həsr olunmuş turnirdə II, 01. 04. 2012-ci il tarixində klublararası açıq çempionatda şəxsi Kumite üzrə oğlanlar arasında öz bacarığını göstərərək III,  28.04.2012-ci il tarixində Şotokan karate-do üzrə Bakı şəhəri açıq kubokunda II, 26.01.2012-ci ildə taekvando üzrə respublika çempionatında 45 kq çəki dərəcəsində I, 03.05.2012-ci il tarixində taekvando üzrə açıq respublika birinciliyində 49 kq çəkidə I yerlə təltif olunub.

07.07.2012-ci il tarixində Tovuz rayonunda şəhid Zaur Axundovun xatirəsinə həsr olunmuş taekvondo üzrə xatirə turnirində 45 kq çəki dərəcəsində I, 26.01.2013-cu il tarixində taekvando üzrə Bakı şəhəri birinciliyində 49 kq çəki dərəcəsində  I, 19-17.03.2013-cü il tarixində taekvando üzrə gənclər arasında Göyçay rayon açıq birinciliyində 48 kq çəki dərəcəsində I, 03-05.05.2013-cü il tarixində taekvando üzrə Yeniyetmə və Gənclər arasında ümumrespublika turnirində 49 kq çəki dərəcəsində II, 01.06.2013-cü il tarixində taekvando üzrə Avstriyada open turnirdə III, 15-16.02.2014-cü il tarixində taekvando üzrə gənclər arasında Sumqayıt şəhər açıq birinciliyində 55 kq çəki dərəcəsində II, 16.03.2014-cu il tarixində taekvando üzrə “Azəri” klubunun açıq çempionatda III, 16-18.05. 2014-cü il tarixində taekvando üzrə Masallı rayonunda gənclər arasında ümumrespublika turnirində 55 kq çəki dərəcəsində III yerə layiq görülmüşdür.

Bəxtiyar əldə etdiyi uğurlarına görə ailəsinə və müəllimi Ramil Həsənova borclu olduğunu hesab edir. O, ingilis aktyoru Jason Stathama oxşamaq istəyir. Bəxtiyarın fikrincə insan nailiyyətləri ilə kifayətlənməməlidir. Onun əsas hədəfi Avropa, dünya və olimpiya çempionu olmaqdır. Bəxtiyar  gələcəkdə dövlət qulluqçusu olmaq istəyir. Eyni zamanda qazandığı uğurlarla Azərbaycan adını daim yüksəltməyi özünə borc bilir.

Bəxtiyarın asudə vaxtı az olur, istirahət vaxtında film izləməyi xoşlayır. Gələcəklə bağlı planları coxdur, ən əsas planlarından biri odur ki, Azərbaycan Dövlət Bədən   Tərbiyəsi və İdman Akademiyasında təhsil alsın və ixtisasartırma üzrə təhsilini davam etdirsin.

 “Youtube” internet şəbəkəsində Bəxtiyarın Göyçay rayonundakı yarışın final döyüşünü əks etdirən videosu yerləşdirilib. “Olimpiya dünyası” qəzetinin 19-21 fevral 2013-cü il tarixli sayında “Peşəkar idmançılar yetirən idman ocağı” başlığı altında Bəxtiyar və müəllimi Ramil Həsənovun uğurları və nailiyyətləri haqqında məlumat verilib.

Arzuları, məqsədi böyük olan Bəxtiyara biz də  ugurlar arzu edir, dərslərində muvəffəqiyyətlər diləyirik.