Nəzrin Rəşad qızı İbrahimli

 

Azərbaycan istedadları ilə həmişə tanınmışdır. Belə seçilən yeniyetmələrimizdən biri də Nəzrin Rəşad qızı İbrahimlidir. Nəzrin 22 yanvar 2009-cu ildə Bakı şəhərində dünyaya göz açıb.

Valideynləri deyir ki, Nəzrin körpəlikdə çox sakit, ağıllı bir uşaq olub. O, cizgi filmlərinə baxmağı, filmdəki qəhrəmanların səsi ilə danış­ma­ğı, nağıl qəhrə­manlarının şəkillərini çək­məyi, plas­ti­lindən cürbəcür əşyalar dü­zəltməyi çox xoş­layırdı.

Məktəbə gedənə qədər bütün hərfləri tanıyır, qısa-qısa sözlər yaza bilirdi.

Onun yazıb-oxumağa, təsviri incəsənətə çox mara­ğı vardı. Nəzrində yazıb-oxu­maq həvəsinin yaran­ma­sın­da bacısı Nərminin əvəzsiz rolu olmuşdur.

Nəzrin Binə­qə­di rayonundakı H. Hüseynov adına 83 saylı məktəb-liseyin şagirdidir.

O, dərslərini əla oxuyur, müəllimlərinin etimadını hər zaman doğruldur. Məktəblərində təşkil olunan bütün tədbirlərdə fəal iştirak edir. Bir çox tərifnamələrə layiq görülüb.

Nəzrin də bacısı kimi Təsviri Sənət Qalereyasında rəsm dərnəyinin də üzvüdür.

Nəzrin təsviri incəsənət sahəsindəki uğurlarına görə atasına borclu olduğunu düşünür.

Asudə vaxtlarında şirniyyatlar bişirməyi, plastilindən müx­təlif əşyalar düzəltməyi xoşlayır.

Onun əsas məqsədi tarixin yaddaşında xeyirxah, bəşəriyyətin inkişafında rolu olan bir insan kimi qalmaqdır.

Balaca qəhrəmanımız gələcəkdə həkim olmağı hədəfləyib.

Arzuları, məqsədi böyük olan Nəzrinə biz də uğurlar arzu edir, dərslərində müvəffəqiyyətlər diləyirik.

Nərmin Rəşad qızı İbrahimli

İstedadlı yeniyetmələrimizdən olan Nərmin Rəşad qızı İbrahimli 22 yanvar 2009-cu ildə Bakı şəhərində dünyaya göz açmışdır. Kiçik yaşlarından güclü hafizə və fantaziyaya malik olduğu hiss olunurdu. O yorulmadan, usanmadan təsviri incəsənətlə məşğul olardı. Ətrafda müşahidə etdiyi hər bir əşyanın, təbiətin təsvirini ağ kağız üzərinə köçürməkdən zövq alardı. Valideynlərindən daim ona rəngli qələmlər və rəsm çəkmək üçün lazım olan digər ləvazimatları almağı tələb edərdi. Məktəbəqədər dövrünü uşaq bağçasında tərbiyə almaqla keçirən Nərmin orada rəssamlıq, şahmat, rəqs və üzgüçülük dərnəklərinin üzvü olub.

Bu minvalla böyüyüb boya-başa çatan Nərminin məktəbə getmək zamanı gəlib çatdı.

Nərmin Binəqədi rayonundakı H. Hüseynov adına 83 saylı məktəb-liseydə təhsil alır. Dərslərini əla oxuyur. O, Azərbaycan dili, riyaziyyat, ingili dili və həyat bilgisi dərslərini daha çox sevir. Təhsil və təlim-tərbiyədə əldə etdiyi müvəf­fə­qiyyətlə bərabər Nərmin məktəbin ictimai həyatında da fəal iştirak edir. Nərmin sinifdə keçirilən tədbirlərin fəal işti­rak­çılarından biridir. Sinif rəhbəri Həyat Miriyeva da onun fəaliyyətindən razılıq hissilə söz açır.

Nərmin Təsviri Sənət Qalereyasında rəsm dərnəyinin də üzvüdür. Təsadüfi deyil ki, o, tanınmış rəssamlara oxşamaq istəyir. Buna baxmayaraq Nərmin gələcəkdə müəllim olmaq niyyətindədir.

Asudə vaxtlarında Nərmin rəsm çəkməklə məşğul olur.

O, əsasən təsviri incəsənətin boyakarlıq növünə üstünlük ve­rir. Nərmin yaxşı oxumaq və dizayner olmaq istəyir.

Yaradıcılığın yüksək zirvəsinə qalxaraq Azərbaycanı dün­yada tamıtmaq niyyətindədir.

Ona çoxlu müvəffəqiyyətlər arzulayırıq.

Əzizli Fatimə İlham qızı

Əzizli Fatimə İlham qızı 2002-ci il iyulun 4-də Bakı şəhərində dünyaya göz açıb. Bu adı Fatiməyə “Fatimeyi-Zəhranın” adından götürərək dayısı qoymuşdur. Fatimə körpəlikdən çox ağıllı və sakit bir uşaq olub. Kiçik yaşlarından rəqsi, şeirləri və nağılları çox sevirdi. Bunlara marağı onda nənəsi və babası oyatmışdır. Artıq 5 yaşından oxuyub-yazmağı Xanım müəllimin köməyilə öyrənmişdi.

Orta təhsilinə 2008-ci ildə Bakı şəhəri Xəzər rayonu Buzovna qəsəbəsində yerləşən Əfqan Əliyev adına 125 saylı məktəbdə almağa başlayan Fatimə indi bu məktəbin 8A sinfində təhsil alır. Dərslərini yaxşı oxuyan bu dəfəki qəhramanımızın sevimli fənləri ədəbiyyat, Azərbaycan dili, tarix və ingilis dilidir. Fatimə daim tədbirlərdə, şənliklərdə öz iştirakı ilə fərqlənir. Məktəblərində keçirilən tarix gecəsində aparıcılıq etmişdir.Buzovna qəsəbəsində mədəniyyət evində keçirilən “Yeni il” şənliyində “Barbi” və “Qoğal” rollarında, 20 Yanvara aid “Yollarda qalan gözlər” tamaşasında  şəhid bacısı rolunda oynamışdır. Fatimə həmçinin Xoşbəxt Yusifzadənin həyatı haqqında çəkilən “Fədakar” filmində Xoşbəxt Yusifzadənin VII sinif şagirdi rolunu canlandırmışdır.

Həyatının ən maraqlı gününün I sinifi əla qiymətlərlə bitirib diplom aldığı gün olduğunu qeyd edən Fatimə fəaliyyəti ilə bağlı dünyasını dəyişən babası kimi ürəyiaçıq,təhsili ilə bağlı isə həyatındakı ideal insan olan dayısı kimi olmaq istəyir. Fatimə həmişə ona dəstək olan anasına, ailəsinə və müəllimlərinə minnətdarlığını bildirir. Fatimə həyatının müəyyən dövrlərində rəqslə, rəssamlıqla, şahmatla, aktrisalıqla məşğul olub. Rəqslə məşğul olduğu vaxtlar kulinar Tahir Əmiraslanovun yaradıcılıq gecəsində, Yeni il şənliyində, Novruz  bayramında, Gül bayramlarında, Neftçilər bayramında rəqslərilə iştirak edib. 2016-cı ildə S. S. Axundovun xatirəsinə həsr olunmuş tədbirdə ədibin “Nurəddin” əsərində baş rolu ifa edib.

Ədəbiyyatı çox sevən Fatimə C.Məmmədquluzadənin, M.F.Axundzadənin, Ə. Haqverdiyevin əsərlərini, Məmməd Arif, Hüseyn Cavidin şeirlərini oxuyur.

Fatimənin ibtidai sinif müəllimi Xanım Cabbarova onun barədə xoş sözlər söylədi. Onun sinfin ən nümunəvi şagirdlərindən biri olduğunu vurğuladı.

Fatimə deyir ki: Kitabları oxuduqca özümü həm şən həm də kədərli hiss edə bilirəm.

Gələcəkdə III qrup üzrə ali məktəbə yüksək balla daxil olmaq istəyən Fatimə hüquqşünas olmaq istəyir. III sinifdən bu qərara gələn Fatimənin böyük arzularından biridir. Çünki o, hüquqşünas olaraq insanların hüquqlarını qoruya biləcəyini düşünür. Hər zaman tanınmış bir insan olmağı istəyən Fatimənin digər arzularından biri də həyatda tanıdığı xeyriyyəçi insanlar kimi ehtiyacı olanlara əl tutmaq,uşaqlar və qocalar evinə yardım etmək və onları sevindirməkdir.

Biz də istedadlı,öz fəaliyyəti ilə bağlı daima seçilən  Fatiməyə uğurlarının davamını diləyir,gələcəklə bağlı bütün arzularının həyata keçməsini arzu edirik.