Lәman Әliağa qızı Nurullayeva

 

Hazırda ölkәmizin bütün sahәlərində inkişaf hiss olunmaqdadır.Tәhsil sahәsindә isә xususi irәlilәmә müşahidә olunur. İndi bilik alәminә aparan yolların hamısı bütün mәktәblilәrin və tәlәbәlәrin üzünә açıqdır. Yüksәk səviyyədə tәhsil alan gәnclәrdәn biri dә Lәman qızımızdır. Lәman Әliağa qızı Nurullayeva 2005-ci il iyul ayının 15-dә Bakı şəhərində dünyaya göz açmışdır.

O, 2011-ci ildə 132-134 saylı Təhsil Kompleksinə qəbul olunub. Hazırda da hәmin liseydә tәhsil alır. Dәrs әlaçısı olan qızımız fransiz dilini çox sevir. Ləmanın ən çox sevdiyi fənlər isə biologiya, fransiz dili və azərbaycan tarixidir.

Qəhrəmanımız uşaqlıqdan rəqs etmәyi çox xoşlayırmış.Buna görə də valideynləri onu Latino-Amerikan rəqslərini öyrənmək üçün rəqs dərnəyinə yazdırmaq qərarına gəldilər.O, Ruslan Tolmaçevin rəhbərliyi ilə fəaliyyət göstərən “Buta Dance” rəqs məktəbinə daxil oldu.

2014-ci ilin noyabr ayında Tiflis şəhərində rəqs üzrə dünya cempionatı kecirilmişdir və həmin cempionatda Ləman iştirak etmiş və Azərbaycanı təmsil etmişdir.

Tiflis şəhərində 2016-ci ilin mart ayında kecirilmiş turnirdə onuncu yeri tutan Ləman həmin ilin son turnirində, Batumi şəhərində kecirilən yarışmada Azərbaycan Respublikasını layiqincə təmsil etmiş və 5-ci yeri qazanmışdı.

Lәman asudә vaxtlarında rәqs etmәyi, kitab oxumağı vә ailәsilә səmərəli zaman keçirmәyi çox sevir.

Әldә etdiyi bütün uğurlarına görә valdeynlәrinә vә müәllimlәrinә minnətdarlığını bildirən balamız xüsusilə də Naibə müəlliməyə borclu olduğunu söyləyir.

Ləmanın zərif, kövrək addımlarının daha da möhkəmlənməsini,səhnədə əsil peşəkar olaraq çıxış etməsini arzulayırıq. Dünya birincisi olaraq vətənə qalibiyyət bəxş etməsi diləyilə yolun açıq,şansın bol olsun,Ləman bala, deyirik!

Ruslan Anatoliyeviç Zutikov

Azәbaycan şahmatı artıq dünya tarixinә layiqli töhfәlәr vermiş vә bu artıq әnәnә halını almışdır. Bu gün bir çox beynәlxalq yarışların qalibi olan Teymur Rәcәbov kimi şahmat dühamız var. Ruslan da gәlәcәyini şahmatla bağlamaq, dünya çempionu titulunu qazanmaq arzusu ilә yaşayan gәnclәrimizdəndir. Ruslan Anatoliyeviç Zutikov 2005-ci il 26 oktyabrda Bakı şәhәrindә anadan olmuşdur.

O, uşaqlıqda çox hərəkətli və hər şeyi öyrənməyə həvəsli bir uşaq idi. Erkən yaşlarından məntiqi oyunlara, müxtəlif tapmacalar çözməyə maraq göstərirdi.

Yazmağı və oxumağı məktəbə getməzdən öncə öyrənmişdir. Əvvəlcə onunla anası, sonra isə uşaq bağçasının müəllimləri məşğul olurdular.

Bağça müəllimi onun bacarıqlarına diqqət yetirmişdir. O, uşağın oxumağa, rebusların həllinə və məntiqi məsələlərin açılmasındakı marağını müşahidə etmişdir.

Ruslan balamız hazırda 132-134 saylı Tәhsil Kompleksindә tәhsil alır. Dәrs әlaçısı olan Ruslan məsuliyyətli və çalışqandır. Sevimli fənləri riyaziyyat, rus, ingilis, fransız dilləri və biologiyadır.

Tez-tez məktəbdə və məktəbdənkənar keçirilən tədbirlərdə iştirak edir. Şahmat üzrə məktəbdaxili, məktəbdənkənar keçirilən şahmat yarışı, 132-134 nömrəli məktəbdə keçirilən İtaliya günləri çərçivəsində iştirak edib.Şahmat dərslərinə başlayandan üç ay sonra asanlıqla şahmat üzrə üçüncü dərəcəyə yiyələnə bilib. Bundan əlavə moda nümayişində model kimi çıxış da edib.

Onun üçün ən yaddaqalan hadisə dördüncü dərəcəyə sahib olması və həmin dərəcəni aldığı gün Amerikaya yollanaraq Azadlıq Heykəlini ziyarət etməkdir.

Ruslan şahmat üzrə yarışda 2-ci yeri tutduğuna görə diplomla təltif olunmuşdur.

Әldә etdiyi uğur və nailiyyətlərinə görə Bәhruz müəllimə, sinif rәhbәri Tәranә xanıma minnәtdardır. Şahmata sevgi aşıladığı üçün atasına bir ömür boyu borclu olduğunu qeyd edir.

Arzusu qrossmeystr səviyyəsinə yüksəlmək olsa da hansı peşəyə yiyələnəcəyini hələ müəyyən etmәyib. Lakin seçdiyi peşədə uğurlu bir kadr olacağına inanır.

Asudə vaxtlarında şahmat və kompüter oyunlarına maraq göstərir. Yayda peşəkar səviyyədə velosiped sürməyi öyrənməyi və Fransa, İngiltərə, İtaliyaya getməyi arzulayır.İngilis və fransız dillərində sərbəst danışmağı planlaşdırıb. O,tarixə düşmək və insanların yaddaşlarında əbədi qalmaq üçün öncə yaxşı oxumaq, vətənini və xalqını sevmək, hər şeyi vətəninin xeyri naminə etmək, cəsarətli olmaq, torpağını düşmənlərdən qorumaq lazım olduğunu fikirləşir. Belə gözəl düşüncə sahibi olan qəhrəmanımıza uğurlar arzulayırıq və yolun açıq olsun deyirik!

Abdullayeva Məryəm Rüstәm qızı

Azәrbaycanın seçilәn gәnc istedadlarından biri dә Mәryәmdir. Abdullayeva Məryəm Rüstәm qızı 16 iyun 2004-ci ildә Bakı şәhәrindә anadan olmuşdur. Mәryәm körpәlikdә diqqәtli, hәr şeyә diqqәtlә nәzәr salan uşaq olub. Xoşladığı mәş­ğuliyyәtlәri rәsm çәkmәk, di­zayn yaratmaq, evdarlıqla mәş­ğul olmaq idi. Kiçik qa­zanları qoyub yemәk, şirniyyat bişirir, ya da gәlinciklәrinin paltarların yuyub ütülәyirdi. 

Mәryәm mәktәbә gedәnә qәdәr oxumağı-yazmağı bilirdi. Hәrflәri tanıyırdı, hecalayıb oxuyurdu. Uşaq bağçasına getdiyi müddәtdә onda istedadıyla bağlı maraq hiss etdik. Artıq Mәryәm mәktәbә tam hazır idi. 

Orta təhsilə Tahir Hәsәnov adına 23 №li mәktәbdә başla­yan Məryəm hazırda hәmin mәktәb­də tәhsilin davam etdirir. I sinif­dәn dәrs әlaçısı olan istedadlı qızımız Mәryәmin, әn çox sevdiyi fәnlәr Azәrbaycan dili, çünki bu bizim dövlәt dilmizdir, sonra isә rus dili, ingilis dili, tarix, musiqi, riyaziyyat, rәsm, fizika, kimyadır. Mәktәbdә keçirilәn bir çox tәdbirlәrdә fәal iştirak edib. "20 Yanvar" faciəsinə, Novruz bayramına həsr edilən tәdbirlərdә özünəməxsus rolu ilə yaddaşlarda qalıb. Ulu öndәr Heydәr Әliyevin doğum günü, anım günü mәrasimlәrindә fәal iştirak edib. Әldә etdiyi uğurlarına görә valdeynlәrinә, ailәlәrinin üzvü olan Gülaya xanıma, Azәrbaycan dili vә ingilis dili müәlliminә minnәtarlığını bildirir. Özünә bәnzәmәk istәyәn Mәryәm deyir ki, mәn öz üzәrimdә işlәyәn şagirdәm. Çalışıram ki, müәy­yәn zirvәyә, pillәyә yüksәlim. Bu mәnim arzumdur. 

Asudә vaxtlarında rәsm çәkir, musiqi ilә mәşğul olur, ev işlәrindә valideynlәrinә kömәk edir. Azәrbaycan xalqına layiqli övlad olmaq istәyir. Mәn prezdentimizin Ali Baş komandan İlham Әliyevin siyasәtinә, gücünә inanıram – deyir Məryəm. 

Tarixin yaddaşında qalmaq üçün yaxşı mükəmməl təhsilə yiyələnib vәtәnimizә layiqli bir övlad olacağına inanır. Biz dә, Mәryәm balaya bu sahәdә uğurlar arzu edirik. 

Bayramlı Ənvər Elçin oğlu

Bayramlı Ənvər Elçin oğlu 11 fevral 2004-cü ildə Gəncə şəhərində anadan olub. Körpəlikdən sakit təbiətli, sözəbaxan uşaq olub. Rəsm çəkməyi, xəritələrlə maraqlanmağı xoşlayıb. 5 yaşında Gəncə şəhər Şahmat Məktəbinə daxil olub, çoxlu nailiyyətlər əldə edib. Məktəbə getməmişdən əlifbanı, vurma cədvəlini öyrənib, yazıb-oxumağı bacarıb. 3 yaşından ingilis dili təmayüllü uşaq bağçasında təhsil aldığından, 5 yaşında Ənvər -ingilis dilində 300-ə yaxın söz bilirdi. Həmçinin anasının köməyi ilə rus dili əlifbasını da öyrənmişdi. 4-5 yaşlarından sonra həm özü həvəskar olduğuna görə, həm də valideynləri dəstək olduğuna görə onun şahm-ata marağı artıb.

İlk təhsilini Gəncə şəhəri M.Mehdizadə adına 4 saylı tam orta məktəbdə alan, yuxarı sinif təhsilini isə İsrafil Məmmədov adına 27 saylı məktəb-liseydə davam etdirən müsahibimiz hazırda VII sinif şagirdidir. I sinifdən indiyədək əlaçıdır. Ən çox xoşladığı fənlər riyaziyyat və biologiyadır. Müsahibimiz həm məktəbdaxili t-ədbirlərdə, həm də şəhər tədbirlərində fəal iştirak edir. Onun çıxışları bəzən səhnəciklərdə, tamaşalarda baş rolları ifa etməkdən, bəzən də tədbirin aparıcılıq missiyasını yerinə yetirməkdən ibarət olur. Əlaçı və şahmatçı olan müsahibimiz həmçinin basketbolla məşğul olur və son illərdə gənclər arasında bir az da maraq oyadan gitara musiqi aləti üzrə dərs alır.

Həyatında uğurlu günlərinin çox olduğunu deyən Ənvər ən uğurlu və yaddaqalan günü haqqında belə danışdı: "Gəncə şəhərində Heydər Əliyevin doğum günü münasibətilə mərhum qrossmeyster Vüqar Həşimovla do-stluq görüşü keçirilmişdi. Çox həyəcanlansam da, hesabda bərabərlik qazanmağa nail oldum."

Uğurlarından söz açmışkən Ənvərin nailiyyətlərinə nəzər salaq:

- ibtidai sinfi müvəffəqiyyətlə başa vurduğuna görə 4 saylı tam orta məktəb tərəfindən təqdim edilən diplom;

- 2010-cu ildə 9 May - Qələbə gününə həsr olunan şahmat turnirində 6 yaşlı oğlanlar arasında I yeri tutduğuna görə diplom;

- 2-9 may 2011-ci il tarixlərində Ümummilli lider H.Əliyevin anadan olmasının 88-ci ildönümünə həsr edilən Açıq şahmat turnirində 8 yaşlı oğlanlar arasında I yeri tutduğuna görə diplom;

- 17 avqust 2011-ci ildə şahmat üzrə I dərəcə almışdır;

- 2012-ci ildə Gəncə şəhər 4 saylı tam orta məktəbdə keçirilən "ibtidai ongünlüyündə" riyaziyyat olimpia-dasında I yeri tutduğuna görə fəxri fərman;

- 3-6 oktyabr 2012-ci ildə "Təhsil" Respublika İdman Mərkəzinin Gəncə filialı tərəfindən basketbol üzrə 1999/2000-ci il təvəllüdlü yeniyetmə oğlan və qızlar arasında keçirilən açıq birincilikdə I yeri tutduğuna görə təqdim edilən diplom;

- 9 May 2013-cü ildə Ümummilli lider H.Əliyevin anadan olmasının 88-ci ildönümünə həsr edilən eynivaxtlı seansda fərqləndiyinə görə təqdim olunan fərqlənmə diplomu;

- 16-17 noyabr 2013-cü il tarixlərində şahmat üzrə 10 yaşlı oğlanlar arasında şəhər birinciliyində II yeri tutduğuna görə diplom;

- 2014/2015-ci tədris ilində Gəncə şəhəri M.Mehdizadə adına 4 saylı tam orta məktəbin rəhbərliyi tərəfindən 5(b) sinfində oxuyarkən məktəb daxilində keçirilən Riyaziyyat həftəsində divar qəzeti müsabiqəsində I yeri tutduğuna görə fəxri fərman;

- 2015-ci ildə Gəncə şəhəri Təhsil İdarəsi üzrə M.Mehdizadə adına 4 saylı tam orta məktəbin şagirdi olaraq təhsildə qazandığı uğurlara görə fəxri fərman;

- Gəncə Şəhəri Təhsil İdarəsi üzrə İsrafil Məmmədov adına 27 nömrəli məktəb-liseyin rəhbərliyi tərəfindən 2015/2016-cı tədris ilinin I yarımilini əla qiymətlərlə başa vurduğuna görə valideynlərinə ünvanlanan t-əşəkkürnamə;

- 27 mart 2016-cı ildə keçirilən "Akademik" bilik yarışında yuxarı sinif şagirdləri arasında yüksək nəticə göstərdiyinə görə təltifnamə;

- 13 dekabr 2016-cı ildə Kaspi Təhsil Şirkətinin təşkil etdiyi sınaq imtahanında VII siniflər arasında yüksək nəticə - 89 bal topladığına görə sertifikat;

- 30 dekabr 2016-cı ildə Dünya azərbaycanlılarının Həmrəyliyi günü və Yeni il münasibətilə keçirilən mək-təblilərin bilik yarışında VII siniflər üzrə I yeri tutduğuna görə fəxri fərman;

- Gəncə şəhər İcra Hakimiyyətinin dəstəyi, Gəncə şəhər Təhsil İdarəsi, Azərbaycan Dövlət Aqrar Universiteti və "Gələcəyə körpü" təhsil mərkəzinin təşkilatçılığı ilə təşkil olunmuş "Gəncə - 4000" Bilik Yarışında fərqləndi-yinə görə təltifnamə;

- Gəncə şəhər İcra Hakimiyyətinin dəstəyi, Gəncə şəhər Təhsil İdarəsi, Gəncə şəhər Gənclər və İdman Baş -İdarəsi, "Gələcəyə körpü" təhsil mərkəzinin təşkilatçılığı ilə keçirilmiş "Super olimpiada"da II yeri tutduğuna görə diplom;

- Gəncə şəhər Uşaq Yaradıcılıq Mərkəzinin (UYM) poliqlot ingilis dili dərnəyinin üzvü olaraq, dərnəkdə E-lementary kursunu uğurla bitirdiyinə görə sertifikat.

Qazandığı bu uğurlara görə valideynlərinə, ilk müəllimi Vəfa Quliyevaya, şahmat müəllimi Lalə Budaqovaya və digər müəllimlərinə təşəkkür edir. Fəaliyyətindən dolayı babasına oxşamaq istəyir. Məktəbi uğurlu nəticələrlə başa vurub, ali məktəbə qəbul olmağı arzulayır. Xarici dövlətlərdə təcrübə keçmək, oradan qazandığı biliklərlə öz biliyini bir az da təkmilləşdirmək istəyir. IV sinifdən etibarən həkim olmağı arzulayır. Azərbaycandan müalicə olunmaq üçün xarici dövlətlərə üz tutanların fikrini dəyişmək istəyir ki, vətəndaşlarımız elə öz həkimlərimizin təcrübəsinə etibar edib, öz ölkəmizdə müalicə olunsunlar.

Asudə vaxtlarında həm əlavə kitablar oxuyur, həm də futbol, basketbol, şahmat oynamağı xoşlayır. Kitab o-xumağa böyük marağı olan Ənvər özü də bir böyükhəcmli, iki kiçikhəcmli əsər yazıb.

Gələcəkdə həkim olub, imkanları daxilində uşaqlara və qocalar evindəki qocalara kömək etmək istəyir. Ən -böyük arzusu isə həyat yolunda böyük, bağışlanmaz xətalardan uzaq olmaqdır. "Tarixin yaddaşında qalmaq üçün hansı addımı atardın?" sualını Ənvər belə cavablandırdı: "Tarixdə qalmaq heç vaxt asan olmayıb. Mən -gələcəkdə qarşıma belə bir məqsəd qoysam, onda həmin dövr üçün müalicəsi bilinməyən bir xəstəliyin müalicəsini tapmaq üçün çalışardım və ya mühüm preparat hazırlayardım."

Əvvəllər də Ənvərin uğurları barədə məqalə və süjet yayımlanıb. Sözügedən süjet yerli telekanal olan "Kəpəz" kanalında, 2011-ci ildə şahmat yarışında birincilik əldə etdiyinə görə hazırlanıb. Məqalə isə "İstedadlı uşaqlar" başlığı ilə "Tumurcuq" qəzetində dərc olunub.