Hәsәnli Zülfinigar Namiq qızı

Hәsәnli Zülfinigar Namiq qızı 2006-cı il oktyabrın 3-dә Gәncә şәhәrindә anadan olmuşdur. O, körpәlikdә çox sakit vә mehriban olub. Təxminən üç-dörd yaşlarında Zilfinigarın istedadı üzә çıxdı.Rəsm çəkməyə meylli olması ailə üzvlərini sevndirdi.Onda bu marağın yaranmasının səbəbkarı isə atası Namiq bәy olmuşdur. Mәktәbә gedәnә qәdәr qəhrəmanımız yazıb-oxumağı bilirdi. Bunu ona anası öyrәtmişdir.

Zülfinigar İlk tәhsilini Salyan rayonu Nizami Gәncәvi adına 2 saylı orta mәktәbdә almış, hazırda isә Bakı şәhәri 132-134 saylı Tәhsil Kompleksindә oxuyur. Dәrslәrini әla qiymәtlәrlә oxuyan qızcığazın ən sevimli fәnni riyaziyyatdır. Mәktәbdә keçirlәn tәbdirlәrdә fәal iştirak etməyi sevən qızımız. Yeni il şәnliyindә sevə-sevə rәqs etmiş, Müasir İnnovasiya Liseyi tәrәfindәn 2016-cı il fevralın 12-də tәşәkkürnamə qazanmışdır. Uğurlarının davamı olaraq həmin ilin martıın 16-sı və 27-si tarixlərində adı çəkilən lisey tərəfindən sertifikata layiq görülmüşdür.

Әldә etdiyi uğur vә naliyyәtlәrinә görә özünü atasına borclu hesab edir vә ona oxşamaq istәyir. Qazandığı uğurlarında valideynlərinin və müəllimlərinin əməyi qarşısında baş əydiyini söyləyir bizim zərif qəlbli balamız. Asudә vaxtlarında kitab oxumağı vә rәsm çәkmәyi xoşlayır. Bakalavr təhsil pilləsi ilə kifayətlənmək istəmir zərif qəhrəmanımız. Magistratura və daha sonrakı təhsil sahəsini də tamamlamaq arzusundadır.

Belə xoş arzulu,böyük mәqsәdli Zülfinigara biz dә uğurlar arzu edir, dәrslәrindә müvәffәqiyyәtlәr dilәyirik. Qoy onun kövrək qəlbindəki gözəl niyyətləri uğurla həyata keçsin! 

Sofiya Hüseyn qızı Hüseynli

Azәrbaycanımızın istedadlı yeniyetmәlәrindәn bir dә Sofiya Hüseyn qızı Hüseynlidir. O, 2006-ci il dekabrın 25-dә Bakı şәhәrindә anadan olmuşdur. Uşaq yaşlarından ağıllı vә aktiv davranışı ilə diqqət mərkəzinə düşməyi bacarıb.İlk söylədiyi kəlmə müqəddəs ana sözü olub. Üzməyi çox sevib və iki-üç ayından etibarən üzmәyә başlayıb. Sofiya qızımız üç yaşında artıq karate ilә mәşğul olmağa başladı. Sonra isә növbə fortepiano dərslərinə çatdı. Bütün bunlarla yanaşı dәrsi ilә dә mәşğul olurdu. Artıq mәktәbә gedәndə yazıb-oxumağı bilirdi. Bu işdə baxça müәlliməsinin əməyini qeyd etmək lazımdır.

Sofiya 132-134 saylı Tәhsil Kompleksindә tәhsil alır. Dәrs әlaçısıdır, әn çox sevdiyi fәnnlәr riyaziyyat, fransız dili vә ingilis dilidir. Dil öyrənməyi çox sevir. Mәktәbdә keçirlәn tәdbirlәrdә iştirak etməyə çox həvəslidir.Belə ki xorda solistdir, rəqs edir,idmanla bağlı tәdbirlәrdә də fəal iştirakçıdır.Sofiya qeyd edir ki, əldә etdiyi uğurlarına görә özünü valdeynlәrinә vә müәllimlәrinә borclu hesab edir. Gәlәcәkdә anasına bənzəmək istәyir.

Asudә vaxtlarında heyvanlarla zaman keçirməyi xoşlayır. Gәnc qәhrəmanımız hәlә hansı peşənin sahibi olacağına qәrar vermәyib.Rəssamlığa,səsi olduğu üçün müğənniliyə,piano ifaçılığına və idmançı karyerası yaratmağa şansı olsa da aktrisalığa meyli daha güclüdür. İnanırıq ki, onda olan oxumaq, öyrәnmәk hәvәsi bütün çәtinliklәrә qalib gәlәcәk, elmdә, tәhsildә xarüqәlәr yaradaraq yüksәk zirvәlәr fәth edәcәk.

Biz də bu istedadlı balaya şansın bol,yolun açıq olsun deyirik!

Aylin Cәlal qızı Qasımova

Sizlәrә ailәnin yeganә övladı olan Aylin Cәlal qızı Qasımovadan danışmaq istəyirik. O, 2007-ci il iyunun 12-dә Bakı şәhәrindә anadan olmuşdur. Uşaqlıqdan ağıllı davranışı ilə digərlərindən fərqlənib. Kitab oxumağı, rәsm çəkməyi,gimnastika vә musiqini çox sevib. Həmişə bu sahələrə böyük hәvәsi olub. Anası Lalə xanım onu körpә yaşlarında klassik musiqi ilә yatızdırırmış. Bu da Aylindә musiqiyə hәvәs oyatdı. Vә bununla da Aylinin fortepianoya olan marağı üzә çıxdı. Bacarıqlı qızımız oxumağa da meylli uşaqdır. İlk yazıb-oxumağı da müәllimi vә valideyinlәri tәrәfdәn öyrənib. Hazırda isә Aylin 132-134 saylı Tәhsil Kompleksindә tәhsil alır. İlk gündәn bu günә qәdәr dәrsini әla qiymәtlәrlә oxuyur vә әn çox sevdiyi fәnni riaziyyatdır. Mәktәbdә keçirlәn bir çox tәdbirlәrdә iştirakı edib.Yaxşı oxuduğuna görә vә tәdbirlәrdә fәal iştirakına görә diplomlar vә tәrifnamәlәr әldә etmişdir. Bu tәdbirlәrdә şeir söylәmiş, mahnı oxumuş vә rәqs etmişdir. Hәyatının әn uğurlu günü konservatoriya sәhnәsindә çıxış etdiyi gün olub. Әn maraqlı günü isә valdeynlәrinin ona balaca it bağışladığı gündür. Әldә etdiyi uğur vә nailiyyәtlәrinә görә özünü valdeynlәrinә vә müәllimlәrinә borclu hesab edir. Xüsusәn dә anasına minnәtdarlığını bildirir. Zərif qəlbli balamız qeyd edir ki, anası onun inkişafı üçün çox әmәk sәrf edir. Atasını özünә ideal bilən Aylin balamız onun kimi Bank sektorunda işlәmәk istәyir. Gәlәcәkdə çox yaxşı oxumaq vә Harvard Universitetindә tәhsil almaq istәyir. Bununla yanaşı musiqi tәhsilini dә davam etdirmәk istәyir. Asudә vaxtı çox az olur vә o, vaxtı sәmәrәli keçirmәyi xoşlayır. Mәs: mütaliə edir, ailәsi ilә birgә vaxt keçirir vә intellektual verilişlәrә baxır. Biz dә redaksiya olaraq Aylin qızımıza mənalı hәyat yolunda uğur vә nailiyyәtlәr arzu edirik.

İlahə Məcid qızı Əhmədzadə

Sizə növbəti qəhrəmanımız İlahə haqda danışmaq istəyirik. Ailənin ikinci övladı olan İlahə körpəlikdə sakit, ağıllı olub. Üç-dörd yaşındaykən istedadı özünü büruzə verib. Qardaşı Muradın bu sahədə ona yardımı şox dəyib. İlahə yazıb-oxumağı çox sevirdi. Ona görə də məktəbə gedənə qədər oxumağı anasından və müəlliməsi Vüsalə xanımdan öyrənmişdi.

İlahə Məcid qızı Əhmədzadə 2008-ci il aprelin 23 də Bakıda dünyaya göz açıb. 1-ci sinifdən 83 saylı liseydə təhsil alan balamız hazırda 3-cü sinif şagirdidir. Dərslərində əlaçıdır. İlahənin ən çox sevdiyi fənlər riyaziyyat və informatikadır. Ən maraqlı günü məktəbə qədəm basdığı ilk gün olub. Əldə etdiyi uğurlarına görə ailəsinə- ata,ana və qardaşına və ilk müəllimi Səbinə xanıma minnətdardır.Gələcəkdə sinif rəhbərinə oxşamaq,onun kimi körpə fidanlara elm öyrətmək istəyir. Öz dövrünün zəka sahibi olmaq niyyətindədir. Hətta professor adını belə qazanmağı hədəflədiyini bizə söyləməkdən məmnun qaldı. Müəllim olmağı arzulayan gənc qəhrəmanımız İlahə bu həvəsə məktəbə getdiyi gündən düşüb. Bu marağı onda sevimli müəlliməsi Səbinə xanım oyadıb. Hətta asudə zamanlarda belə müəllim oyunu onun ən sevimli məşğuliyyətidir. Bununla yanaşı mütaliə etməyi və rəsm çəkməyi çox sevir.

Ali təhsil alıb vətəninə layiqli,savadlı bir müəllimə kimi xidmət etmək arzusunun çin olmasını diləyirik. Bizə də sənə uğurlar arzu etmək qalır. Tanrı bu müqəddəs yolda sənə kömək olsun,İlahə!

Nәcәf Arif oğlu Mәmmәdov

Nәcәf Arif oğlu Mәmmәdov 2004-ci il iyulun 9-da Bakı şәhәrindә anadan olmuşdur. O, körpәlikdә çox dәcәl idi. İlk nәvә olduğu üçün hamı onu әzizlәyirdi. Amma dәcәl olsa da hәr şeyә maraq göstәrәn vә çox sual verәn bir uşaq idi. Körpәlikdә şәkilli kitablara, heyvanlar alәminә aid olan məlumatlara-xüsusilə də  dinozavrlara vә birlәşdirilәrәk xüsusi mənzərə əmələ gətirən oyuncaq fiqurlara böyük maraq göstәrirdi.  Nәcәf mәktәbә gedәnә qәdәr yazıb - oxumağı öyrәnmişdir. Azәrbaycan dilindә anası , rus dilindә isә Nina xanım ona dəstək oldu.  Valideynləri hiss edirdi ki, o, yaradıcıdır, onun leqo yığma hәvәsi daha da böyükdür. Ona alınan hәdiyәlәr kitablar vә leqo konstruktorları olardı.

Dörd-beş  yaşlarında şәkil çәkmәyә başlamışdır. Rәng seçmə hissi  gözәl inkişaf etmişdi. Onun әhatәsindә daima qayğıkeş müәllimlәrin olması onun istedadını üzә çıxarmağa kömәk edirdi. Yeddi  yaşında Samirә Talıbova onunla fortepianoda mәşğul olmağa başladı. Nәcәfin musiqiyә olan hәvәs vә bacarığı da beləcə aşkar oldu. Səkkiz-doqquz yaşlarında üzgüçülük, şahmat vә rәsmlә mәşğul olmağa başladı. Nәcәf ilk tәhsilini 267 saylı orta mәktәbdә almış, hazırda isә Fizika - Riyaziyyat vә İnformatika tәmayüllü liseydә davam edir. Dәrslәrini әla qiymәtlәrlә oxuyan Nәcәfin әn çox sevdiyi fәnlәr informatika, riyaziyyat, biologiya, kimya, fizika vә texnologiyadır.

Nəcəf tәdbirlәrdә iştirak etməyi çox sevir. Hәyatının әn uğurlu günü isə 2016-cı ildә Qara Qarayev adına "Tәhlil vә ifa edir gәnc musiqiçilәr” Respublika Elmi İfaçılıq müsabiqәsi olub. Çünki o, burada tәltif olunub. Bu tәdbirdә Qara Qarayev vә digәr tanınmış musiqiçilәrin bәstәlәrini mәharәtlә ifa etmiş vә mütəxəssislәrin rәğbәtini qazanmışdır.Lider TV də verilişlərin birində çox uğurla tanqo ifa etmişdir.

Uğur qazandığı günlәr onun ən unudulmaz günlәridir. Әldә etdiyi naliyyәtlәrinә görә öncә valdeynlәrinә,sonra isә rus dilinə ilk səyahətə çıxdığı  Nina müәllimәyə, ingilis dilini öyrәndiyi Anastasiya İqnatevnaya, musiqi müәllimәsi Samirә Talıbovaya vә Natella Axundovaya minnətdardır. Qəhrəmanımız elm öyrəndiyi bütün müəllimləri sevir və əziz tutur. FRİTL-in müәllimlәri vә xüsusәn informatika müәllimi Valid Mәhәrrәmovu da.  Bu müәllimlәrin onun hәyatındakı rolu әvәzsizdir.  O, informatika texnikası sahәsini çox sevir. Buna görə də bu sahə üzrə  gәlәcәyin dünya şöhrətli  proqramçısı olmaq arzusundadır. Valid Mәhәrrәmov bu fәnni ona elə sevdirib ki, Nəcəf artıq bu sahәdә özünü, gələcəyini görür.

Asudә vaxtlarını səmərəli keçirmәyә çalışır. Әn çox mütaliә ilә mәşğul olur. Qəhrəmanımız insanları çox sevir, onlar haqqında mәlumat toplamaq arzusuna düşmüşdür. Musiqini dә çox sevən qəhrəmanımız Vaqif Mustafazadәnin yaradıcılığını çox xoşlayır. Lütfi Zadəni özünə örnək kimi qəbul edən Nəcəf onun kimi məşhur olmaq, xalqımız üçün yaddaqalacaq uğurlu layihələrə imza atmağı qarşısına məqsəd qoyub. 

Biz də bu istedadlı balamıza bu şərəfli yolda uğurlar arzu edirik. Qoy sənin istedadın inkişaf etsin, ailənin,müəllimlərinin və vətənimizin başını daima uca edəsən!