Həmidli Nihad Vüqar oğlu

Həmidli Nihad Vüqar oğlu 1 sentyabr 2004-cu ildə anadan olub. Qəribə səslənsə də elə bil bir dəfə böyüyüb, sonra yenə uşaq olub. Baxışları, gülüşü, davranışı sanki böyüklərdəki kimi idi. Ən xoşladığı məşğuliyyəti nənəsinin dolablarında axtarış aparmaq olub.

Müəyyən qədər hərflərlə valideynlərinin adını və kiçik hesablamaları bilirdi. Təxminən 8 yaşından dayısının  həvəsləndirici məsləhərləri ilə idmana maraq yaranıb.

Nihad ilk təhsilini Bakı şəhəri 132-134 nömrəli təhsil kompleksində alıb, hazırda eyni məktəbdə təhsilini davam etdirir.

I sinifdən bu günə kimi dərs əlaçısıdır. V sinifdən etibarən sinfin prezidenti seçilib. Bütün fənləri sevsə də, Azərbaycan dili, riyaziyyat, tarix, coğrafiya və ingilis dili fənlərinə daha çox üstünlük verir.

Məktəbdə 31 Mart Azərbaycanlıların soyqırım günü, 20 yanvar şəhidlərinin və Qarabağ müharibəsində şəhid olmuş və döyüşlərdə fərqlənən milli qəhramanların xatirəsinə həsr edilmiş, 28 may Respublika günü və 18 oktyabr Müstəqillik günü ilə bağlı təşkil edilən tədbirlərdə fəal iştirak edir. Eyni zamanda müxtəlif fənlər üzrə təşkil edilən Breyn-rinqlərdə aidiyyati mövzularla bağlı müzakirələrdə iştirak edir, fənn olimpiadalarına qatılır. 
Dərslərində əldə etdiyi uğurlara görə muəllimlərinə minnətdardır. Bir sıra uğurlarına görə məktəb və idman dərnəyi tərəfindən diplom və medallarla təltif olunduğu gunlər onun üçün unudulmazdır. Bunlar aşağıdakılardır:

1.2013-cü il Yasamal İdman Klubunun diplomu – cüdo üzrə açıq birincilik – 3-cü yer;

2.2014-cü il 30 mart – Yasamal İdman Klubunun diplomu – cüdo üzrə açıq birincilik – 3-cü yer;

3.2014-cü il 28 sentyabr – Kəmərlə Güləş İdman Klubunun diplomu – cüdo üzrə açıq birincilik – 3-cü yer;

4.2014-cü il 18 oktyabr – Salyan rayon Gənclər və İdman idarəsinin diplomu – cüdo üzrə açıq rayon birinciliyi – 2-ci yer;

5.2015-ci il 24 may – Şuşa şəhər Uşaq Gənclər İdman Məktəbinin Ümummilli Lider Heydər Əliyevin xatirəsinə həsr etdiyi turnirin diplomu – cüdo üzrə açıq birincilik – 3-cü yer;

6.2015-ci il 6 dekabr – Olimp Cüdo Klubunun diplomu – cüdo üzrə açıq birincilik – 3-cü yer;

7.2015-ci il – 132-134 nömrəli Təhsil Kompleksinin Diplomu;

8.2016-cı il – 132-134 nömrəli Təhsil Kompleksinin Tərifnaməsi – təhsildə əldə etdiyi uğurlara görə.

İlk növbədə valideynlərinə, baba və nənəsinə, müəllimlərinə minnətdardı.

Nihad bacardığı qədər, ən yüksək zirvəyə, qarşıya qoyduğu məqsədə çatanadək irəli getmək arzusundadı.

Nihadın proqramlı cədvələ malik olduğu üçün boş vaxtı məhduddur. Bir neçə il idmanın cüdo növü ilə məşğul olub və bu sahədə bir sıra nailiyyətlər əldə edib. Hazırda isə Azərbaycan Kung-Fu Federasiyasında federasiyanın prezidenti, respublikanın əməkdar məşqçisi Asif Sayadovun rəhbərliyi və digər təcrübəli müəllimlər tərəfindən keçirilən məşqlərdə Vin Çun döyüş növü ilə məşğul olur. Bu döyüş sənəti ölkəmizdə 10 ildir ki mövcuddur. Onun fəlsəfəsi əsasən, rəqibin gücünü onun özünə qarşı tətbiq etməklə ona qalib gəlməkdir.

Nihad asudə vaxt tapan kimi dostlarıyla vaxt keçirməyi üstün tutur. Bəzən futbol oynayır, bəzən intellektual oyunlarla məşğul olurlar. Hərdən isə atası ilə şahmat oynayır.

Fantastik ədəbiyyat, əsasən də uçan naməlum obyektlər barədə bədii və sənədli ədəbiyyat oxuyur.

Nihadın gələcək planı ali məktəbə daxil olmaq, təhsilini başa vuraraq, yaxşı mütəxəssis olmaq, valideynlərinin onunla fəxr etməsiylə fərəhlənmək, dövlətinin inkişafına zərrə qədər də olsa fayda verməkdir.

O duşunur ki, ölkəmizin bu durumunda Qarabağ qaziləri kimi qəhrəmanlıq göstərmək yerinə düşər.

Uğurların bol olsun Nihad!