Quluzadə Əkbər Rahib oğlu

Quluzadə Əkbər Rahib oğlu 23 avqust 2008-ci ildə Bakı şəhərində dünyaya göz açmışdır. Körpəliyində sakit uşaq olmasına baxmayaraq, ətrafdakılarda özünə maraq oyatması ilə seçilirdi. Uşaqlara xas maraqları ilə öz uşaqlığını yaşayırdı. Məktəbə getməzdən əvvəl ECİC-kids məktəbəqədər hazırlıq kursunda ilkin bilik və bacarıqlara yiyələnmişdir. Hazırda Xarici Dillər Təmayüllü Gimnaziyada təhsil alır. Hazırlıq kursunda qazandığı biliklər onun məktəb həyatında öz səmərəsini elə ilk vaxtlardan göstərməyə başlamışdır. Bunun sübutu isə müəllimlərinin Əkbər haqqında söylədikləri müsbət fikirlərdir. Məktəb dərslərinə yüksək səviyyəli hazırlığı müəllimlərin gözündə Əkbəri daha da ucaltmışdır. Ən sevimli fənləri isə Azərbaycan dili və Təsviri incəsənətdir. Dərsdən kənar fəaliyyətinə gəldikdə isə Əkbər milli rəqslərin ifası ilə məşğuldur və bu sahədə bacarığını Nizami rayonunda yerləşən Uşaq Yaradıcılıq Birliyi məktəbində rəqs dərsləri almaqla inkişaf etdirir. Məktəbdə keçirilən bütün tədbir və yığıncaqlarda fəal iştirakı ilə seçilir. Gələcək həyatında da rəqsi davam etdirməyi və bu sahədə Azərbaycanı xarici ölkələrdə təmsil etməyi düşünür. Həyat və fəaliyyəti ilə bağlı planlarına gəldikdə isə o, polis olmaq arzusundadır. Səbəb kimi isə Əkbər polis peşəsinin qoruyucu olmasını və onun da arzusunun vətəndaşları qorumaq olduğunu bildirir. İncəsənətin incə ruhunun verdiyi gözəl xislətdir bəlkə də bu arzu. Vətəninin, xalqının keşiyində durmaq, qorumaq ali vəzifədir və həqiqətən də böyük məsuliyyət tələb edir.Biz də öz növbəmizdə  Əkbərə bu arzusunun reallaşmasını arzulayırıq və ona bu şərəfli yolda uğurlar diləyirik.

Cəfərova Həmidə Azil qızı

Həmidə körpəlikdən sakit uşaq olub. Diqqətli olub,  ünsiyyəti sevib, şıkilli kitablara baxmağı sevirdi. Yazı yazmağı biraz bilirdi anası tərəfindən öyrədilmişdir. Eyni zamanda inşa yazmağı sevir məktəbdə inşa müsabiqəsində iştirak edib. Bu uğurları onun üçün çox önəmli olub indiki təhsilində.

Cəfərova Həmidə Azil qızı 05.10.2003 Bakı şəhəri , Xəzər rayonu İ.Tağıyev adına 26 N-li tam orta məktəbdə təhsil alır. Dərslərini əla oxuyur bu zamanadək bütün qiymətləri əla olub. Sevdiyi  fənnləri Azərbaycan-dili, fizika, coğrafiya, ingilis-dili və tarixdir. Ana dili , vətən mövzularında keçirilən tədbirlərdə,  kiçik həcimli tamaşalarda aparıcı və yaxud başqa rollarda yer alıb. Musiqi məktəbində isə “Novruz”, “Gül bayramı”, “1 iyun Beynəlxalq Uşaqlar gününə, “Dünya müharibəsi” nə həsr olunmuş tədbirlərdə bəstəkarların yaradıcılıq gecələrində çıxış edib. Həmidə əldə etdiyi uğurlara görə ilk öncə valideyinlərinə sonra isə, müəllimlərinə borclu olduğunu deyir. Həmidə eyni zamanda gələckdə öz işini sevən bir Hüquqşunas olmaqs istəyir və xalqı üçün çalışmağı özünə borc  bilir. Daha çox kitab oxumağı və internetdə maraqlı məlumatları əldə etmək istədiyinidə qeyd eden Həmidə gələcək planlarını da bizimlə bölüşür savadlı hüquq işçisi olmağı qarşısına məqsəd qoyduğunu deyir. Bütün bunlarla yanaşı rəqsə də gedir onun da öhdəsində layiqincə gəlir. Tarixin yaddaşında qalmaq üçün xalqın yaddaşında qalmaq lazım olduğunu deyen Həmidə düşünür ki, bunun üçün isə xalqa həmişə xidmət etmek lazımdır. “Tumurcuq”qəzetində “Tumurcuq sevənlər” başlığı altında “Təhsil qəzetində “, isə “Millətin əməyinin bəhrəsi “ başlığı altında yazılarda Həmidə haqqında məlumat verilib.

Kərimov Murad Heydər oğlu

Kərimov Murad  Heydər oğlu 2003-cü il  dekabr ın 27-də Şamaxı rayon Sis  kəndində anadan olub. Körpəlikdə çox sakit uşaq olub. Sevimli  və ağıllı olduğu üçün  həmişə sevilib. Kiçik yaşlarından başlayaraq yazmağa, oxumağa maraq göstərib. Hətta bir yaşında 10-a qədər saymağı bacarıb. O, birinci sinfə gedəndə artıq yazıb, oxumağı bacarırdı. Hazırda dərslərini yaxşı oxuyur.  Futbol oynamağı çox sevir. Murad  məktəbə gedənə qədər yazıb-oxumağı valideynlərindən öyrənib. O, özündən kiçik qardaşına da yazıb-oxumaq öyrədib. Hal-hazırda da qardaşı dəsrlərində hansı fənndən əziyyət çəkərsə ona kömək edir.  Elmə maraq kiçik yaşlarından başladığı üçün valideynləri ona şəkilli jurnallar alırmış ki, Muradda maraq daha da artsın.

Birinci sinfə Bakı şəhəri Xəzər rayonunun Buzovna qəsəbəsində yerləşən 322 saylı məktəbdə başlayıb. Hazırda da həmin məktəbdə təhsil alır. Sinifdəki fəal şagirdlərdən biridir. Onun bu uğurlarında  müəllimi Məmmədzadə Gülşən  xanımın böyük əməyi var. Sonradan da yuxarı sinif müəllimlərinin əməyi danılmazdır. İbtidai sinifdə necə başlayıbsa Muradın təhsili, eləcə də davam edir.

Murad müəllimlərinin əməyini yüksək dəyərləndirir. Ona elm öyrətdikləri üçün müəllimlərinə minnətdardı. Sinif rəhbəri Pərvanə müəllimin də diqqətini cəlb edib Muradın istedadı. O, Muradı sinif nümayəndəsi təyin edib.

Murad bütün fənnləri çox sevir. İngilis dilini daha çox sevir.

Məktəbdə təşkil olunan bütün tədbirlərdə fəal iştirak edən Murad, əsasən  tədbirlərdə şeirlər səsləndirir.

Müxtəlif bilik yarışlarında diplomla təltif olunub. 2012-ci ildə rəsm sərgisində iştirak edib və birinci yerə layiq görülüb.  2016- cı ildə idman yarışında üçüncü yerə çıxıb.

Öz uğurlarıyla valideynlərini sevindirdiyi günü ən gözəl günü hesab edir  Murad. Valideynləri onun gözəl təhsil alması üçün əllərindən gələni əsirgəmirlər. Böyüyüb ali məktəbə qəbul olmaq və sonra yenə təhsilini davam etdirmək arzusundadır.  Gələcəkdə savadlı həkim  olmaq istəyir, xəstə kimisə görəndə ürəyi yanan Murad lap körpə yaşlarından bu qərara gəlib. Ən böyük arzusu isə həkim olduqdan sonra ilk olaraq ata- anasını müalicə etməkdir.

Asudə vaxtlarında idman edir, futbol oynayır. İdmanın cüdo növüylə də məşğul olur. Bir sıra yarışlarda uğurla iştirak edib,  yer qazanıb. Boş vaxtlarında rəsmlər də çəkir.

Murad ölkəsi, milləti  üçün yararlı həkim,  kadr olmaq arzusundadır. O, istəyir ki, başqa xarici ölkələrdən Azərbaycana həkimlər gəlməsin. Öz respublikamızda  savadlı həkimlər çox olsun. Onun gələcək planları  çoxdur . Murad həm də xeyriyyəçi olmaq arzusundadır.

Gələcəyin həkiminə  uğurlar arzulayırıq!

Kərimov Elvin Heydər oğlu

Kərimov Elvin Heydər oğlu 2006-cı il dekabrın 20-də Şamaxı rayon Sis kəndində anadan olub. Körpəlikdə çox nadinc uşaq olub. Amma  sevimli  olduğu üçün  həmişə sevilib. Kiçik yaşlarından başlayaraq yazmağa, oxumağa maraq göstərib. O, birinci sinfə gedəndə artıq yazıb, oxumağı bacarırdı. İndi də dərslərini yaxşı oxuyur.  Bir ildən artıqdır ki, cüdo idman növü ilə məşğuldur.  Bir sıra yarışlarda iştirak edib.

Elvin  məktəbə gedənəcən yazıb-oxumağı valideynlərindən öyrənib. O, rəsm çəkməyi də çox sevir.

Böyük qardaşı Murad məktəbə gedəndən bəri Elvində də məktəbə, elmə maraq yaranıb. Valideynləri böyük qardaşı Murada dərs ləövazimatları alarkən məcbur olub, Elvinə də alırmışlar. Kiçik yaşlarından qardaşıyla yaxşı mənada rəqabət aparıb Elvin.

İlk təhsilə Bakı şəhəri Xəzər rayonunun Buzovna qəsəbəsində yerləşən 322 saylı məktəbdə başlayıb. Hal-hazırda da həmin məktəbdə təhsil alır. Dərs əlaçısıdır. Sinifdəki fəal şagirdlərdən biridir. Eyni zamanda sinif nümayəndəsi təyin olunub.  Onun bu uğurlarında  müəllimi Məlikova Nəzakət xanımın böyük əməyi var.

Elvin bütün fənnləri çox sevir, riyaziyyata marağı xüsusidir. Məktəbdə təşkil olunan bütün tədbirlərdə fəal iştirak edən Elvin, əsasən  tədbir aparıcısı vəzifəsini üstlənir. Eyni zamanda şeirlər də səsləndirir.

Elvinin ən sevdiyi günlər illik və yarımillik qiymətlərinin əla olmasını valideynlərinə çatdırdığı gündür. Çünki həmin gün valideynləri ürəkdən sevinir və üzləri gülür.

Qazandığı uğurlara görə valideynlərinə və qardaşına minnətdardı Elvin. Valideynləri onun gözəl təhsil alması üçün əllərindən gələni əsirgəmirlər. Böyüyüb ali məktəbə qəbul olmaq və sonra yenə təhsilini davam etdirib, alimlik dərəcəsi almaq arzusundadır.  Gələcəkdə savadlı, hüquqşunas olmaq istəyir, cəmiyyətdə olan haqqsızlıqları görüb bu qərara gəlib.

Asudə vaxtlarında idman edir, rəsmlər çəkir. Həm də bədii kitablar oxuyur.

Elvin dövləti, xalqı üçün yararlı kadr olmaq arzusundadır. Onun gələcək planları lap çoxdur .

Bu kiçik hüquqşünasa gələcək həyatında uğurlar arzulayırıq!

Əliyev Rəşad Rasim oğlu

Əliyev Rəşad Rasim oğlu 4 iyun 2004-cü il Naxçıvan şəhərində anadan olub. Uşaqlığı dəcəl və şıltaq uşaq olub. Yazıb-oxumağı bilirdi. Çünki uşaq evində müəlliməsi İlahə müəllimə öyrətmişdi. İstedadı rəqs etməkdir və 7 yaşında başlayıb. Nənəsi Almaz tərəfində məsləhət görülüb. Dərslərini yaxşı oxuyur. Ən çox sevdiyi fənn riyaziyyat fənnidir. Müəlliməsi Ülviyyə müəllimə hər zaman məsələ həllində birinci yerdə olduğunu deyirdi. Yeni il şənliklərində, məktəb tədbirləriində rəqs etmişdi. Ən maraqlı gün 4-cü sinif buraxılışında tədbirdə rəqs etmişdi və bunun direktor Teyyubə müəllimə tərəfindən bəyənildiyi üçün çox sevindi. Lada müəlliməyə özümü borclu bilirəm. Dənizçi olmaq istəyirəm. Əmim kimi geoloq olmaq istəyirəm, yeni kəşflər etmək istəyirəm. Kompyuterdə oyunlar oynayıram. Gələcək planlarım dənizçi olub, gəmilərlə səyahət etmək və başqa dövlətə getməkdir. Bunun üçün dərslərimi yaxşı oxumalıyam. Əlbəttə yaddaşlarda olmağı istəyirəm. Bunun üçün dərslərimi yaxşı oxumalıyam. Ona görə də mənə oxumağı-yazmağı öyrədən Ülviyyə müəlliməmə borcluyam. Yaxşı rəqs etdiyimə görə də Lada müəlliməmə təşəkkür edirəm. Biz əslində ailəmlə birlikdə Naxçıvan şəhərinin Culfa rayonunda yaşayırdıq. Sonra Bakı şəhərinə gəldik. Mən ailənin 2 uşağından böyük uşağam və 3 yaşında bacım var və mən bacımı çox sevirəm.

Əliyeva Ayan Akif qızı

Əliyeva Ayan Akif qızı 25 fevral 2007-ci ildə Bakı şəhərində anadan olub. Ayan körpəlikdə sakit, ağıllı, təmkinli bir uşaq olub. Oyuncaqları ilə oynamağı çox sevir. Bacısı Dəniz və rəfiqəsi Fidanla hər zaman maraqlı, intelektual oyunlar təşkil edib, böyük həvəslə də qurduqları oyunları oynayıblar. Ayanın bir çox sevdiyi oyuncaqları var. Bunlardan ən çox sevdiyi “Şəhzadənin Evi” oyuncağıdır. Ayan gəlinciklərinin üzlərini və saçlarını rəngli qələmlərlə müxtəlif rənglərə boyamağı sevir. Ayanın üç yaşı olarkən Tofiq Ismayılov adına Pionerlər Evində məktəbəqədər hazırlıq kursu keçib. Həmin təhsil ocağında əsasən şifahi təfəkkürün inkişafı əsas istiqamətlərdən biri idi. Dörd yaşında Ayan “Kinder Club” məktəbəqədər hazırlıq kursuna gedib, orada yazıb-oxumağı müəllimləri tərəfindən öyrənib. Bundan əlavə Ayan həmin dərnəkdə rəqslə də məşğul olub. Üç yaşından dərnəklərə getməyə başlayan Ayan, artıq dörd-beş yaşında təhsildə nəaliyyətlər əldə etməyə başlayıb.Bunların nəticəsi olaraq ibtidai sinifi yaxşı qiymətlərlə bitirib. Ayan Avropa Azərbaycan Məktəbidə təhsil alır.Dərslərinə qarşı çox məsuliyyətlidir. Ən sevdiyi fənlər Azərbaycan, İngilis və Rus dilləridir.Uşaq şairi Zahid Xəlil Avrova Azərbaycan məktəbinə qonaq olan zaman Ayan həmin tədbirdə aparıcılıq edib.

 Ayanın məşğul olduğu rəsm dərnəyində keçirilən sərgi zamanı çəkdiyi rəsm əsəri bəyənilərək, diploma layiq görülüb. “Kinder club” məktəbəqədər hazırlıq kursunda göstərdi nəaliyyətlərə görə diplom alıb. Təhsil aldığı məktəbdə keçirilən yarışmada həftənin qalibi olub və sertifikartla qiymətləndirilib.  Bununla yanaşı “Bir avuc renk, bir avuc yürek- Uluslararası Ayvalik Cocuk Sanat Etkinligi” Beynəlxalq tədbirdə sertifikata layiq görülüb. Ayan nəaliyyətlərinə görə öncə valideynlərinə, sonra isə müəllimlərinə borclu olduğunu söyləyir. Ən çox atasına oxşamaq istəyir, çünki o, müxtəlif dillərdə danışa bilir. Bu da Ayanda əcnəbi dillərə qarşı böyük maraq oyadır. Bununla yanaşı Ayanın digər sevdiyi məşğuliyyəti də var. O, skripkanı mükəmməl şəkildə ifa etməyi bacarır. Ən böyük istəyi də konsertlərdə çıxış etmək, rəsmdə gözəl əsərlər yaratmaq, ali təhsil almaq və Azərbaycana layiqli vətəndaş olmaqdır.

Ayan asudə vaxtlarında misal, məsələ həll etməyi və cizgi filminə baxmağı   sevir. Çəkdiyi rəsm əsərlərində sülh, mavi səma, dəniz, günəş şəkillərinə daha çox üstünlük verir. Ayanın ən böyük hədələrindən biri də atasının məzun olduğu ADA Universitetində təhsil almaq, əcnəbi dilləri öyrənmək və hal-hazırda təhsil aldığı Avropa Azərbaycan Məktəbində müəllimə olaraq çalışmaqdır. Ayanın elmə, təhsilə olan marağı,qavrama qabiliyyəti səbəbsiz yerə yaranmayıb. Çünki o, ziyalı ailənin övladıdır. Anası həkim, atası isə biologiya elmləri namizədidir. Ailəsindən aldığı mənəvi dəstəyin nəticəsi olaraq Ayan dərslərini yaxşı oxuyur və hər bir işin öhdəsindən böyük məharətlə gəlir.

Abbasova Rəhimə Natiq qızı

Abbasova Rəhimə Natiq qızı dərslərini yaxşı oxuyur valideyinləri və müllimləri də təsdiq edir ki, Rəhimə həmişə yaşıdlarından fərqli istedadlı olub . Həm müllimlərinin həm də etrafındakıların sevimlisi olan  Rəhimənin sözlərinə görə isə  ən sevimli fənnləri kimya, fizika, riyaziyyat və ingilis dilidir.  Ümumiyyətlə ictimai işlərdə, məktəbin bütün tədbirlərində iştirak etməyi çox sevirem. Belə tədbirlərdən biri 13 fevral 2016-cı ildə xarici məktəblər arasında “Qardaşlaşmış məktəblər” layihəsində çox yaxından iştirak etmişəm və bu tədbirdə Rusiya, Türkiyə məktəbləri arasında qardaşlıq- tərəfdaşlıq layihəsinə imza atmışam və bu məktəblər arasında seçilərək Azərbaycan Respublikası Prezidenti yanında “Bilik fondu”nun sertifkatına layiq görülmüşəm. Əldə etdiyim uğur və nailiyyətlərə görə təhsil aldığım Eldar Məmmədov adına 189-190 saylı orta məktəbin direktoru xanım Ceyran Quliyeva  başda olmaqla, kimya müəlliməm  Nərminə Cəfərqızına, fizika müəlliməm Sevda Teymurqızına, rus -ədəniyyatı müəlliməm Sevda Zahidqızına, həmçinin bu imkanları mənə  yaradan valideyinlərimə minnətdaram. Hər zaman özümü onlara borclu bilirəm. Həmişə öz üzərimdə çalışmağı sevirəm və ən yüksək zirvəni əldə etməyi özümə hədəf götürürəm. Hədəfim Vətənim Azərbaycanı dünya ölkələrində neft- kimya sahəsində daha yüksək nailiyyətlərlə tanıtmaqdan ibarətdir. Gələcəkdə neft –qaz sənayesi üzrə tanınmış mühəndis olmaq və öz ixtiralarımla ölkəmi daha yüksək zirvəyə qaldırmaq üçün bütün imkanlardan istifadə etmək üçün qarşıma məqsəd qoymuşam. Kitabları çox sevən Rəhimə asudə vaxtlarını kitab oxumağa sərf edir və düşünür ki, kitablar onun gələcək məqsədlərini həyata keçirməyə çəx kömək edecək. Gələcək planları yalnız gözəl və savadlı mütəxəssis olmaq və Azərbaycanın iqtisadi-sosial inkişafına təsir edən bütün imkanlardan səmərəli istifadə etməkdir. Bir sözlə Vətənimin inkişafı üçün ona xidmət etməkdən qurur duyuram.Öz yaşadığım ölkəyə layiqli bir şəxsiyyət olmalı və atdığım hər addımda ölkənin mənafeyinə xidmət etməklə yaddaşlarda qalmaq istəyirəm. Biz də istedadlar redaksiyası olaraq gələcək kimyaçımıza uğurlar arzu edirik zaman öz atını gələcəyin üzərində çapır.

Gəncimova Samirə Fikrət qızı

Gəncimova Samirə Fikrət qızı  21 sentyabr 2000-ci ildə Qəbələ rayonunda dünyaya göz açıb. Balaca vaxtdan insanlara tez öyrəşən hərfləri yazmaq və şəkil çəkməyə marağı olan uşaq olub. Böyük bacısı tərəfindən yazmağı öyrədilib. İlk təhsili 1 sayli tam orta internat məktəbində olub. Hazırda 217 saylı tam orta məktəbdə oxuyur.

Samirə: I sinifdən  VI sinfə kimi  həvəsim olub yaxşı oxumuşam, amma sonra rəsm çəkməyə marağım oldu uzaqlaşa bilmədim rənglərin sehrindən. Dərslərə həvəsim azaldı. Ancaq çalışacam daha yaxşı oyuxum. Sevdiyim fənnlərim kimya, informatika, xarici dillərdən ingilis dilinə həvəs göstərirəm.Bayramlarda iştirak etmişəm tədbirlərdə (novruz bayramı və yeni il) orda da rəqqasə rolunu uğurla tamaşaçılara nümayiş etdirmişəm. Xeyr diplomla təltif edilməmişəm inşallah gələcəkdə böyük uğurlarım olar layiqincə fəxri diplomlara layiq görülərəm.Valideyinlərimə və daha çox bacıma oxşamaq istəmişəm. Mən hələki həvəskar rəssamam ona görə də heç bir hədəfim yoxdur zaman göstərər bunu . Bu haqda hələ düşünmürəm. Asudə vaxtlarımda şəkil çəkirəm istəyirəm daha gözəl portiretler yaradım, insanlar rənglərlə insanlarla edə  bilmədiyi söhbəti etsinlər. Ən çox məişət, insan şəkilləri çəkməyə üstünlük verirəm. Həmişə istəmişəm ki, elə bir işim olsun  maddi vəziyyəti aşağı olan insanlara kömək edim . Hacı Zeynalabiddin Tağıyev kimi humanist biri kimi tarixin yaddaşında əbədi qalmaq istəyirəm .

Haqverdiyeva Adilə Teymur qızı

Haqverdiyeva  Adilə  Teymur qızı  22.07.2001-ci ildə Bakı şəhərində anadan olub.Uşaq yaşlarından çox mehriban  və ağıllı idi.Artıq iki yasındaykən o,rus və azərbaycan dilində şeir və nağılları bilirdi.Dörd-beş yaşında valideynlərinə oyuncaq əvəzinə kitablar aldırırmış.Adilə uşaqlıqdan çox mehriban və agıllı olub.Yazmağı.oxumağı tez bir zamanda öyrənib.Hal-hazırda o,dərslərinə məsuliyyətlə yanaşır, dərs əlaçısıdır,əqidəsini başqalarına anlatmaq üçün hərtərəfli biliyə malik olmağa çalışır.Baxmayaraq ki,onun 15 yaşı var,yaşından artıq dünyagörüşünə malikdir.Adilə orta məktəbdə dəfələrlə uğurlar əldə etmişdir.Kiçik siniflərdən olimpiadalarda şeir söyləməklə fəxri fərman,məktəblərarası fənn olimpiadasında  rus dili və ədəbiyyat fənni üzrə 1-ci yer əldə etmişdir.Və bunlardan əlavə tədbirlərdə fəal iştirakına görə bir neçə fəxri fərmanla təltif olunub.Adilə adının mənası kimi özüdə çox  düzgün qızdır.O, bütün fənlərə eyni həvəs göstərir.Bunun səbəbi də müəllimlərinin savadlı,yüksək səviyyəli dərs keçmə qabiliyyətlərinin olmasıdır.2015-ci ildə L. və M. Rastropoviçlər adına 21 saylı 11 illik musiqi məktəbinin fortopiano ixtisası üzrə tam kursunu bitirən Adilə rəsm və rəqs dərnəklərinə də gedib.Bugünkü dövrdə ingilis dilinə də həvəs göstərir və bunun nəticəsində ingilis dilində sərbəst danışır.Adilə 2015-2016 cı tədris ilində uşaq-insan hüquqları haqqinda Konstitusiyadan öz fikirləriylə məlumat vermiş və şəhərlərarası olimpiadada iştirak etmişdir. Həmçinin Azərbaycan folklyor musiqisi festivalında “Sarı gəlin”mahnısı ilə iştirak etmiş və fərqlənmə almışdır.Adilənin ən çox sevdiyi dərslər rus dili,ədəbiyyat,cəbr,həndəsədir.Təhsil aldiğı 264 No məktəb-liseyin direktoru Qocayeva Sevda müəllimə də Adiləni vokal bacarıqda olduğundan  bir çox tədbirlərdə,festivallarda iştirak etməsi üçün dəstəkləyir və uğur əldə edəcəyinə inanırAdilənin arzusu təkcə ali məktəbi bitirmək deyil.O,sonradan magistratura təhsili də almaq istəyir.                                                                                                 

Biz də Adiləyə gələcək həyatında uğurlar arzu edirik.Güman edirik ki bundan sonra qarşısına çıxan bütün çətinlikləri mətanətlə qət edecək və cəmiyyətə xeyir verə biləcək bir övlad olacaq.

Səfərov Cavid Ramil oğlu

Səfərov Cavid Ramil oğlu 1 sentyabr 1997-ci ildə Ağdaş şəhərində anadan olub. Cavidlə söhbətimiz çox maraqlı alınıb. O, özü haqqında danışanda onu dinləmək çox böyük zövq verir insana. Caviddən adının mənasını və bu adı ona kimin verdiyini soruşanda Cavid bu barədə fəxrlə danışdı. Onun sözlərinə görə bu adı ona babası verib – böyük mütəfəkkirimiz, dahi Cavidin əziz xatirəsi ilə bağlı olaraq. Cavid bildirdi ki, sevimli babası  hələ Cavid beşinci sinifdə oxuyanda vəfat edib, adı ona babasında yadigar qalan tək şeydir. Buna görə də yaşadığı ömür yolunda həmişə Cavid adını doğrultmağa çalışacaq.

Cavid ilk təhsilinə 2004-cü ildə Ağdaş şəhər 3 saylı orta məktəbin 1^c sinfində başlayıb, 2008-ci ildə isə Ağdaş şəhər M.Şeyxzadə adına THT təmayüllü gimnaziyanın beşinci sinfinə qəbul olub. Məktəbəqədərki dövrdə Cavidin ən sevimli məşğuliyyəti rəsm olub. Uşaqlıqdan bu sahəyə böyük marağı olduğundan, əvvəllər təxminən heçə bərabər olan əl qabiliyyətini getdikcə inkişaf etdirib, əlindən gələni əsirgəməyib. Məktəb həyatına başlayanda isə bu qabiliyyətini artıq təkmilləşdirib. Təxminən yeddi - səkkizinci  siniflərdə oxuyanda artıq istənilən bir nümunəyə baxmaqla onun rəsmini asanlıqla çəkə bilib, müəllimi də onun rəsmlərini bəyənib. Hətta müəllimi onun çəkdiyi rəsmlərin toplandığı albomu özü ilə götürərək digər siniflərdəki şagirdlərə nümunə göstərib. Cavidin fikrincə, gözəl rəsm çəkməyinin əsas səbəbi yorulmadan öz üzərində işləməsi olub. Cavid məktəbə getməzdən əvvəl yazıb – oxumağı bacarmayıb. Bunları yalnız məktəbdə öyrənib. İlk vaxtlarda uğurlu alınmasa da getdikcə yüksək səylə öz üzərində işləməsi öz bəhrəsini verib, tədricən sinifdəki yaşıdlarını qabaqlaya bilib. 2015-ci ildə M.Şeyxzadə adına THT təmayüllü gimnaziyanın  məzunu olub, TQDK – nın keçirdiyi qəbul imtahanında 681 bal toplayaraq Azərbaycan Respublikasının Prezidenti yanında Dövlət İdarəçilik Akademiyasına qəbul olub.   Təhsildən əlavə məşğuliyyətlərindən biri məsciddə ərəb əlifbasını öyrənməsi olub, bundan sonra o müstəqil şəkildə Qurani – Kərimi oxumağı öyrənib. Məsciddə uşaqlar arasında dini biliklər üzrə keçirilən kiçik, həvəsləndirici yarışlarda iki dəfə yoldaşlarını qabaqlayaraq birinciliyə layiq görülüb, buna görə də müxtəlif dini kitablarla mükafatlandırılıb.

İxtisası ilə bağlı maraq Caviddə 10-cu sinifdə oxuyanda yaranıb. O vaxta qədər isə həkimlik, hüquqşünaslıq və digər ixtisaslara marağı olub. Amma sonradan hiss edib ki, Dövlət İdarəçilik işlərində olması onun daha yaxşı nəticələr əldə etməsinə şərait yaradacaq. Gələcəkdə vətənimiz Azərbaycan üçün, onun inkişafı, dirçəlməsi, gələcəkdə tam inkişaf etmiş bir dövlət olması üçün əlindən gələni edəcəyinə söz verib. Məqsədlərinə, arzularına çatmaq üçün təbii ki, gözəl, yüksək dərəcəli ali təhsil almaq lazımdır. Beləliklə, Cavid qarşısına məqsəd qoyub ki, idarəçilik işlərində ona ən yaxşı təhsili verə biləcək universitetə daxil olsun və o, bunu bacarıb – Azərbaycan Respublikasının Prezidenti yanında Dövlət İdarəçilik Akademiyasına qəbul olub. Doqquzuncu sinifdən etibarən bu Akademiyaya qəbul olmağı qarşısına məqsəd qoyub. Əvvəllər “Dövlət və Bələdiyyə idarəetməsi” ixtisasına marağı daha çox olub. Cavid bunun bir səbəbini də altı il ərzində sinif nümayəndəsi olaraq, sinfin idarəçilik işlərində uğurlu nəticələr əldə etməsi ilə izah edir. Qazandığı uğurlar sayəsində məktəb rəhbərliyi tərəfindən həmişə digər sinif şagirdlərinə örnək göstərilib. Sinif idarəetmə işlərini bacardığını görəndə Cavid “Dövlət idarəetmə” işlərini də bacaracağına ümid edib. Beləcə, bu ixtisasa yönəlib. Amma sonradan, daha dəqiq desək, 10-11-ci siniflərdə oxuyanda, ölkəmizi xaricdə təmsil edə bilmək, Azərbaycanı beynəlxalq aləmdə güclü, suveren, demokratik bir ölkə kimi tanıtmağa şans yarada biləcək bir işdə daha uğurlu olacağına ümid edərək “Beynəlxalq münasibətlər” ixtisasına qəbul olmaq üçün hazırlaşıb.

Orta məktəbdə oxuyanda əlaçı olub, fənlər arasında seçim etmədən, hər birini yaxşı oxumağa çalışıb. Amma təbiidir ki, bəzi fənlərə digərlərindən daha çox marağı olub, bunların arasında ana dili, riyaziyyat, tarix, ingilis dili fənlərini qeyd edə bilərik. Təbii ki, ixtisas qrupunu seçərkən də bu fənlərə olan marağının təsiri böyük olub.

Cavid orta məktəbdə keçirilən intellektual yarışların demək olar ki, hamısında iştirak edib. Bunlardan ən maraqlısı parallel siniflər arasındakı yarışlar olub, bu yarışlarda Cavid qrup rəhbəri olub. Qalib gəldikləri bütün yarışlarda “Tərifnamə” ilə təltif olunublar. Məktəbdə müxtəlif fənlər üzrə keçirilən gecələrdə də qrup yarışmaçısı olaraq iştirak edib və fəal iştirakına görə “Fəxri Fərman”la təltif olunub. Bəzi fənn gecələrində isə aparıcı qismində çıxış edib. Bunlardan əlavə, istər məktəbdəki, istərsə də rayon səviyyəli ictimai tədbirlərdə, bəzən aparıcı kimi, bəzən də şeirlərlə çıxış edib. Amma bununla kifayətlənməyib, bəzən aktyor qismində də müxtəlif tədbirlərdəki iştirakını xatırlayır. Buna misal olaraq S.Rüstəmin “Ana və poçtalyon” əsərindəki poçtalyon rolunu ifa etməsini göstərə bilərik. Cavidin belə yarışlarla bağlı xatirələri çoxdur. Bu da onun məktəb tədbirlərindəki fəal iştirakı ilə əlaqədardır.

Cavid, hal-hazırda ali məktəbdə də dərslərini yaxşı oxuyur. Əlindən gəldiyi qədər bütün fənlərə ciddi yanaşır. Dərsləri ilə məşğul olanda sadəcə kitablarla kifayətlənmir, internetdən də əlavə məlumatlar toplayır. Ali məktəbdə də orta məktəbdə olduğu kimi uğurlar qazanmaq üçün var qüvvəsi ilə çalışır.

Həyatında maraqlı və uğurlu günləri çox olan Cavid, ilk ağlına gələn maraqlı hadisəni bizimlə bölüşdü: 24 noyabr 2010-cu il. Həmin gün Xalq Şairi Fikrət Qocanın 75 illik yubileyi münasibətilə Ağdaş şəhərində keçirilən şeir müsabiqəsinin qalibi olub. Cavid bunu özünün ən böyük uğurlarından biri kimi qeyd edir. Çünki bu müsabiqədə şəhərin bütün məktəblərindən olan şagirdlər iştirak ediblər. Onların içərisində fərqlənmək, qalib olmaq Cavid üçün böyük və gözəl bir nəticə olub. Tədbirdə 3 böyük insanın: Fikrət Qoca, Habil Əliyev və Bəkir Nəbiyevin iştirak etməsi bütün şəhər əhalisi ilə bərabər Cavidi də sevindirib və tədbiri onun üçün daha da maraqlı edib. O, çox sevinir ki, hər kəsə nəsib olmayan bu xoşbəxtlik: həmin insanlarla görüşmək ona nəsib olub. Amma tədbirin ən unudulmaz anlarından biri kimi, bu şəxsiyyətlər binanın foyesinə daxil olan zaman onların qarşısında Cavidə qalibiyyət gətirən “Dədə Qorqud” şeirini söyləməklə, Fikrət Qocanı gül dəstəsi ilə təbrik etməsini qeyd edir. Təbrikdən sonra Bəkir Nəbiyevlə olan görüşü də möhtəşəm tədbiri yaddaşına qızıl hərflərlə yazmasına səbəb olub.

Seçdiyi ixtisasa yiyələnməkdə, qəbul imtahanında yüksək nəticə əldə etməsində əməyi olan insanlara minnətdarlıq edən Cavid, bu insanların arasında xüsusilə həyatdakı ən dəyərli varlığı olan anasının adını çəkir. Cavid belə deyir: “Əgər o arxamda durmasaydı, mənim hazırlaşmağım üçün şərait yaratmasaydı bəlkə də mən bu gün bu nəticəni əldə etməzdim. Buna görə də ən çox anama borcluyam. O, mənim yaxşı təhsil almağım, hazırlaşmağım üçün əlindən gələni əsirgəmir. Bunu da sırf mənim gələcəkdə öz işini qura bilən, ali təhsilli bir insan olmağım üçün edir. Mən də anamın mənə çəkdiyi əziyyəti əlimdən gələn qədər itirməməyə çalışıram və ömür boyu çalışacam.” Anasından sonra belə insanların sırasında təbii ki, müəllimlərini də vurğulayır. Müəllimlərindən öyrəndiklərinin sayəsində elmi işlərdə, imtahanlarda uğurlu nəticələr göstərdiyini vurğulayır: “Anam, müəllimlərim və mənə dəstək olan hər kəs, var olun! Yaxşı ki, varsınız!”

Cavid gələcəkdə dövlətimizin inkişafı üçün əlindən gələni edəcək. Bu işdə onun başlıca örnəyi Ümummilli liderimiz Heydər Əliyevdir. Ali məktəbi bitirdikdən sonra, Xarici İşlər Nazirliyində, Səfirliklərdə işləməyi arzu edir. Azərbaycanın ABŞ-dakı, yaxud Böyük Britaniyadakı səfiri olmaq ən böyük arzusudur. Əgər bu arzusuna nail olsa, dövlətimizin inkişafı və həmçinin həmin ölkələrlə əlaqələrinin genişlənməsində müsbət rol oynayan işlər görəcəyinə inanır.

Asudə vaxtlarında onun ən sevimli məşğuliyyəti bədii kitablarla söhbət etməkdir. Xüsusilə, klassiklərimizin əsərləri ilə, dünya ədəbiyyatı ilə tanış olmaqdan zövq aldığını bildirir. Bundan başqa, internetdə dünya xalqlarının tarixi ilə maraqlanaraq, tarixi abidələr haqqında məlumat toplayaraq intellektual səviyyəsini bir az da artırır. Təbii ki, təbiətin qoynunda olmaq, təbiətlə təmasa girmək də onun çox xoşuna gəlir.

Orta məktəbdə təhsil aldığı müddət ərzində dəfələrlə şagird mətbuat orqanlarında və şəhər qəzetlərində onun uğurları və nailiyyətləri haqqında müəyyən məlumatlar dərc edilmişdir.