İsmayıl Fateh Söhrab oğlu

İsmayıl Fateh Söhrab oğlu 2009-cu ildə iyun ayının 6-da Bakı şəhərində dünyaya gəlmişdir.Fateh 2015-ci ildən orta məktəbə gedir,amma buna baxmayaraq o hələ daha erkən yaşlardan valideyinlərinin və Kaspi-Kids məktəbə qədər tədris mərkəzindəki müəllimlərinin sayəsində oxuma və yazma vərdişlərinə yiyələnmişdi. Fateh hələ uşaq baxçasında olarkən müəllimlərinin etimadını qazanır.Belə ki, Kaspi-kids mərkəzinin müəllim heyəti onun valideyinlərinə övladlarının çalışqan,istedadlı,intizamlı  olması barədə məlumatlandırıblar.Valideyinləri də qeyd edirki,Fateh təkcə öz dərslərini yaxşı oxumaqla bnərabər,həmçinin məktəb tədbirlərində,sinif daxili tədbirlərdə,bayram şənliklərində fəal iştirak edir.Təhsil aldığı İ.Əfəndiyev adına Elitar Gimnaziyada bir sıra bilik və idman yarışlarında iştirak edərək diplom və mükafatlar qazanmışdır.Fateh uğur qazandığı günləri ən sevindirici və yadda qalan günlər olduğunu bildirir. Uğurlarına və nailiyyətlərinə görə özünü valideyinlərinə və müəllimlərinə borclu olduğunu deyir.Məktəbdə tədris olunan fənlərin hər birini yaxşı oxuyan Fatehin sevdiyi fənlər isə riyaziyyat,ana dili və fiziki-tərbiyədir.Kiçik yaşlı uşaqlar adətən özlərinə bir ideal seçir və ona bənzəməyə çalışırlar.Fateh isə böyüyəndə  heç kimə bənzəmək istəmir,özü kimi olmaq,arzularına uyğun həyat yolunu addımlamaq istəyir. Fateh vətəninə,millətinə bağlı bir övladdır. Elə bu səbəbdəndir ki,gələcəyin  iqtisadçısı olan balaca qəhrəmanımız  bir iqtisadçı kimi ölkəsini xaricdə uğurla təmsil etmək arzusundadır.

Qulizadə Aysel Ramiq qızı

Qulizadə Aysel Ramiq qızı 2007-ci ildə Ağcəbədi rayonun Hindarx qəsəbəsində  anadan olmuşdur.Aysel körpəlikdə cizgi filmlərinə  baxmağı sevir,cizgi qəhrəmanları ilə maraqlanırdı.Hələ balacalıqdan  idmanı sevən Aysel kiçik idman hərəkətləri ilə etməyi öyrənmişdi.İbtidai sinif müəlliməsi olan Ayselin anası Aliyə xanım qızının təlim-tərbiyəsi ilə hələ o məktəbə getməzdən məşğul olmağa başlamışdır.Beləki,Aysel məktəbə gedənə qədər yazıb-oxumağı bacarır və 4 yaşından artıq xeyli şeir əzbərləmişdi.

Hal-hazırda Hindarx qəsəbə Qaraş Əliyev adına 3 saylı əsas orta məktəbin  IV sinfində təhsil alır.Sinif  rəhbəri Xudiyeva Sevil müəllimə Ayselin çox çalışqan və intizamlı bir şagird olduğunu deyir. Bütün fənlər üzrə 5 qiyməti alan Ayselin ən çox sevdiyi fənn riyaziyyatdır.Bununla yanaşı

məktəbdə təşkil olunan müxtəlif  tədbirlərdə fəal iştirak edir, şeir söyləyir, müxtəlif məzmunlu mahnı oxuyur.

Təhsilə böyük marağı və həvəsi olan Aysel elə həyatının ən maraqlı, uğurlu gününü də məktəbə getdiyi gün olduğunu hesab edir.Böyüyəndə həkim olmaq istəyən qəhrəmanımız 6 yaşından bu haqda düşünmüş.O, uşaqlara yardım göstərmək üçün bu peşəyə yiyələnmək istəyir.

Asudə vaxtını səmərəli keçirməyi üstün tutan Aysel boş vaxtlarında nağıl kitabları oxumağı çox sevir. 3 yaşlı bacısı Aytac üçün nağıllar oxuyur və onda da kitaba sevgi yaratmağa çalışır.

Nəzərli İsmayıl Qüdrət oğlu

Nəzərli İsmayıl Qüdrət oğlu 23 aprel 1999-cu ildə Abşeron rayonunun Masazır qəsəbəsində anadan olub. İlk təhsilini Xırdalan şəhər bir saylı orta məktəbdə almış və 2016-ci ildə həmin məktəbin məzunu olmuşdur.Dərslərini əla oxuyan və daha çox təbiət elimləri ilə maraqlanan gənc həkim biologiya və coğrafiyaya daha çox ütünlük verir. Məktəbdə keçirilən tədbirlərdə  (Xocalı bizim qan yaddaşımızdır) fəal iştirak  edərək  yaşıdlarından fərqlənən İsmayıl müəllim və şagird heyyətinin həmişə hörmətini qazanmışdır. Uğurlarına görə ailəsinə və müəllimlərinə çox sağol desə də,  həyatda heç kimə oxşamaq istəmir  düşünür ki, gələcəkdə  hamıya örnək olacaq obraz yarada biləcək. Gələcəkdə cərrah olmaq istəyən İsmayıl bu peşəni seçməkdə səbəb özünün uşaq vaxtı keçirdiyi qəza ilə görür.Özünü xilas edən həkimə söz verdiyini və onun kimi savadlı həkim olacağını dediyini vurğulayır. Asudə vaxtlarını idmanla məşğul olur, televizora baxır və eyni zamanda mutaliə edir. Bədii yaradıcılıqda isə daha çox real üslubda olan əsərləri oxumağı sevir. Gələcəkdə isə Tibb Universitetini qurtardıqdan sonra rezirentura təhsilini Türkiyədə davam etdirmək və  uzmanlıq  dərəcəsi almaq istəyir.Ən büyük arzusu isə “Nobel” mükafatı almaqdır.Tarixin yaddaşında qalmaq üçün yeni-yeni ixtiralar edərək və cəmiyyətə yararlı biri olaraq qalmaq mümkün olduğunu deyir.Valideyinlərinin sözlərinə görə İsmayıl uşaq vaxtı hər şeylə maraqlanan və yaşıdlarından fərqlənən uşaq olub öyrəndiklərini başqalarına danışmaqdan çəkinməyib. Həmişə istəyirdi ki, sehirli çubuğu olsun bunun səbəbi İsmayılın çox humanist olmağı idi. Məktəbə getmədən yazıb-oxumağı bilirdi.Biz də İstedadlar Redasiyası olaraq gənc həkim İsmayıla uğurlar arzu edirik!!!

Bayramlı Zəhra Rasim qızı

 

Bayramlı Zəhra Rasim qızı 4 fevral 2006-cı ildə Bakı şəhərində dünyaya göz açmışdır. Zəhra balamız məktəbə gedənə qədər yazıb-oxumağı bacarırdı. Dərin düşüncəyə malik olan Zəhra valideynlərinin ona danışdığı nağılları uşaq dilində ətrafdakılara danışardı. Artıq 4 yaşında tevizorda cizgi filimlərinə baxa-baxa rus dilində sərbəst danışmağı bacarırdı. Musiqiyə çox həssas idi.

Zəhra 2012-ci ildə Tahir Həsənov adına 23 saylı orta məktəbin I sinfinə qəbul olundu. Müəllimi Solmaz xanım Zəhradan həmişə çox razılıq edib. Onun bildirdiyinə görə Zəhra həmişə suallara qeyri adi və özünəməxsus şəkildə cavab verir. II sinifdə oxuyarkən “Nağıllar ailəminə səyahət” adlı əbədi-bədii kompozisiya üçün hazırladığı maraqlı əl işinə görə təltifnaməylə təltif olunmuşdur.

Novruz bayramında həm aparıcı, həm də iştirakcı qismində çıxış edib. "Biz nə oxuyuruq" adlı əbədi-bədii tədbirin hesabat konsertində isə aparıcı qismində çıxış edib. Dəfələrlə fəxri fərmanlar və diplomla təltif olunub. Açıq dərslərdə fəal iştirak edib. Çox gözəl musiqi duyumu var.

Asudə vaxtlarında şeir deməyi, rəsm çəkməyi sevir. Heyvanları da çox sevir. “İctimai” televiziyanın çəkdiyi “Dərsdən sonra” adlı verilişdə rəssam Arif Məlikovla birgə rol alıb.

Əldə etdiyi naliyyətlərlə bağlı valideyilərinə və müəlliminə minətarlığımı bildirən Zəhra nəticə çıxartmağı, analiz etməyi bacarır. İnsanlarla ünsiyyətə tez girir. Rəssam və hakim olmaq isdəyir.

Zəhra balamız çox ağıllı bir uşaqdır. Ən böyük arzusu tanınmış insan olmaq və qocalar evi tikdirib onları himayəsi altına almaqdır. Hər işdə lider olmağı sevir.

Biz redaksiyamız adına sənə həyat yollarında uğurlar arzu edirik.

Qasımova Fidan Emil qızı

Qasımova Fidan Emil qızı 19 sentyabr 2004-cu il tarixində Bakıda anadan olmuşdur. 2011-ci ildə Bakı şəhərinin Tahir Həsənov adına 23 saylı məktəbə getmişdir və hazırda həmin məktəbdə oxuyur.

Artıq uşaq vaxtlarından Fidanda musiqiyə, incəsənətə və idmana maraq özünü göstərməyə başlayıb. Ona görə də o, hələ məktəbdən qabaq musiqi dərslərinə gedirdi, pianoda ifa etməyi öyrənmişdi. Burada qeyd etmək lazımdır ki, onun babası Yusif Qasımov milli rəqs üzrə Azərbaycan Respublikasının xalq artisti, nənəsi Səbinə Qasımova əməkdar artistdir və hazırda onlar Bakı Xoreoqrafiya Akademiyasının müəllimləridir. Akademiyada keçirilmiş bir neçə tədbirə Fidan da dəvət olunmuşdur və ilk tədbirdən sonra milli rəqs öyrənmək istəmişdir. I  və IV siniflərin başa çatması münasibətilə məktəbdə təşkil olunmuş konsertlərdə Fidan solo rəqsi ilə çıxış etmişdir və onun rəqs ifası qurultulu alqışlara səbəb olub. Ümumiyyətlə demək olar ki, Fidanın rəqsə marağı onun babası və nənəsi tərəfindən oyadılmışdır.

Qeyd etmək lazımdır ki, Fidanın uşaqlığı Azərbaycanda yox xaricdə keçmişdir. Üç yaşına qədər o valideynlərilə birlikdə İsveçrədə yaşamışdır. Daha sonra yeddi yaşına qədər Misirdə olmuşdur. Misirdə olarkən irland məktəbinə hazırlıq dərslərinə gedirdi və orada ingilis dilini öyrənmişdir.

Bakıya qayıtdıqdan sonra 23 saylı məktəbə getməyə başlamışdır. Və orada da əla qiymətlərlə oxumaqla bərabər təşkil olunan müxtəlif tədbirlərdə və müsabiqələrdə fəal iştirak edir. Fidanın ən sevimli fənləri ədəbiyyat, ingilis və alman dilləri, musiqi, riyaziyyət və rəsmdir.

Onun sözlərinə görə, gələcək planları barədə hələlik düşünmür, çünki istəkləri çoxdur. O bildirmişdir ki, hansısa qərar qəbul etmək üçün, bu barədə ciddi düşünmək lazımdır. Hələlik dərslərlə məşğuldur və gələcək planları ilə bağlı hər hansı bir qərar qəbul etmək üçün xeyli vaxt var.

Babayev Fərat Fərhad oğlu

Babayev Fərat Fərhad oğlu 2 fevral 2007-ci ildə Bakı şəhərində anadan olub. Hazırda 6 saylı məktəb-liseydə təhsil alır. Dərs əlaçısıdır, ən sevdiyi fənnləri riyaziyyat, ingilis-dili, informatikadır. Məktəbdə keçirilən bütün tədbirlərdə fəal iştirak edən Fəratın ən uğurlu rolu Nizami Gəncəvinin obrazı olub, bu obrazı həm böyük həvəslə ifa edib, həm də özünün peşəkarlığı sayəsində uğurlu alınıb. Fəratın uğurları bununla da bitmir şahmatdan dördüncü dərəcə qazanıb hal-hazırda üçüncülük uğrunda mübarizə aparır. Şahmat yarışlarında fəal iştirak edir, iki dəfə diplomla təltif edilib. Uğur və nəaliyyətləri çalışqanlığının nəticəsidir. Fəratın şahmatla bağlı ən böyük arzusu Bakı çempionu olmaqdır. Ancaq gələcəkdə isə tarixin yaddaşında iqtisadçı kimi qalmaq istəyir. Asudə vaxtlarını üzgüçülüklə məşğul olur və balaca qardaşı ilə vaxt keçirib, maraqlı oyunlar oynamağı çox sevir. Fərat vətənpərvərlik mözuzunda yazı yazmağı düşünür bu onun vətənini çox sevməyindən irəli gəlir. Valideynlərinin arzusu Fəratı savadlı, vətənpərvər vətəndaş kimi görməkdir. Fərat da onların bu arzusunu gərşəkləşdirmək fikrindədir. Dərslərini əla oxuyub ali məktəbə qəbul olmaq və eyni zamanda xaricdə təhsil almaq vətənini xaricdə təmsil edib xalqına layiq vətəndaş olmaq istəyir. Valideynləri Fəratın uşaq vaxtı çox sakit uşaq olduğunu deyirlər uşaqlıqdan rəsmlə məşğul olub. Rəsm müəlliməsi Xədicə xanım Əliyevadan dərs alıb. Daha sonra isə bir müddət rəqslə maraqlandı, milli rəqsləri çox gözəl ifa edir. Dörd yaşından artıq hərfləri tanıyırdı televizordan soruşa-soruşa öyrənib öz həvəsi ilə. Fəratın anası qeyd edir ki, Fəratın bu uğurlarında Bakı Avropa liseyində məktəbəqədər hazırlıq müəllimi Mehriban xanımın rolu böyükdür.

6 yaşından şahmata olan marağı onu müəllimlə hazırlaşmağa qədər apardı. Müəllimi Natəvan Yılmazova 2 saylı İxtisaslaşdırılmış Olimpiya Ehtiyatları Uşaq Gənclər Şahmat İdman Məktəbinin məşqçi-müəllimi, üçqat respublika, yeddiqat Bakı çempionudur. Müəllimi Fəratın şahmat sahəsindəki uğurlarına çox inanır.