Elçin Rafael oğlu Zalıyev

Azərbaycan daim seçilən insanları ilə məşhur olmuşdur. Belə gənc istedadlarımızdan biri də Elçin Rafael oğlu Zalıyevdir. Elçin 3 avqust 2002-ci ildə Lənkəran şəhərində anadan olmuşdur. Valideynləri deyir ki, Elçin körpəlikdən cox aktiv uşaq olub. Bir yaşında həm danışır, həm də sərbəst qaçırdı. O, oyuncaqlarla oynamağı sevmirdi, kiminsə onunla söhbət etməsini, nələrisə öyrətməsini cox xoşlayırdı. Elçin məktəbə gedənə qədər yazıb-oxumağı valideynlərinin köməyi ilə öyrənib. 102 saylı məktəbin VII sinfində təhsil alan Elçin dərslərini əla qiymətlərlə oxuyur, heç bir məşğələlərə getmədən dərslərinə özü evdə hazırlaşır. Onun ən sevdiyi fənlər riyaziyyat, ədəbiyyat, ingilis dili və informatikadır. Elçin sinfin hazırladığı tədbirlərdə fəal iştirak edir, sinifdə hazırlanan səhnələrin ikisində ailənin başcısı - qoca rolunu oynayıb.

Asudə vaxtlarında o, kitablar oxuyur, kompyuterdə maraqlı nələrisə duzəldir və oyunlar oynuyur. Elçin məktəbə getdiyi günü və ibtidai sinfi bitirdikdə müəllimin ona diplomu təqdim etdiyi günü ən uğurlu gün hesab edir. Əldə etdiyi nailiyyətlərinə görə valideynlərinə borclu olduğunu düşünür. O, dayısına oxşamaq, onun kimi böyük uğurlar qazanmaq istəyir. Elçinin fikrincə insan çatacağı zirvə ilə kifayətlənməməlidir, ondan da yüksəklərə qalxmaq üçün daim çalışmalıdır. O, gələcəkdə savadlı bir rejissor olmaq istəyir, əsas məqsədi məktəbi müvəffəqiyyətlə bitirib yüksək balla universitetə daxil olmaqdır. Onun fikrincə tarixin yaddaşında yaşamaq üçün vətənin uğrunda nələrsə etməlisən. Arzuları, məqsədi böyük olan Elçinə biz də uğur və müvəffəqiyyətlər diləyirik...