Nuranə Əhmədova

Elçin Qaranızadə adına Hövsan qəsəbəsinin 270 saylı məktəbinin istedadlı və bacarığı ilə seçilən əlaçı şagirdlərindən Nuranə Əhmədova 26 aprel 2004-cü ildə anadan olmuşdur. O, körpəlikdə ağıllı və sakit uşaq olub. Kitab oxumaq, şəkil çəkmək və kompyüter oyunları Nuranənin sevimli məşğuliyyətləti olub. Məktəbə gedənə qədər sərbəst yazıb-oxumağı bacarır, rəngləri və həndəsi fiqurları tanıyır, müxtəlif rəsmlər çəkirdi. Sərbəst şəkildə yazıb-oxumağı ona bibisi Nazimə xanım və anası Esmira xanım öyrətmişdir. Nuranənin həyatında ən uğurlu gün məktəbə ilk addımlarını atdığı gün olub. İlk müəllimi Təyyarə Paşayeva onun həyatında mühüm rol oynamışdır. Elmin sirlərini öyrətməklə yanaşı, uşaqlarda vətənpərvərlik hisslərini gücləndirib inkişaf etdirməsi, hər bir şagirdə doğma övladı kimi yanaşması Nuranədə müəlliminə qarşı rəğbət oyatmışdır.

Hazırda dərslərini əla qiymətlərlə oxuyur. Onun sevimli fənləri riyaziyyat, Azərbaycan dili və ingilis dili fənləridir. Nuranə əlaçı olmaqla yanaşı, ictimai işlərdə də fəal iştirak edir. Müxtəlif tədbirlərdə iştirak edir, hazırlanan kompozisiyalarda şer söyləyir.

Asudə vaxtlarında şəkil çəkməyi, kitab oxumağı və kompyüter oyunları ilə məşğul olmağı xoşlayır. Nuranə təhsilini əla qiymətlərlə başa vurub, Bakı Dövlət Universiteninin Hüquq fakültəsinə daxil olmağı və hüquqşünas olmaq istəyir. Bu fikirə Raisə bacısının BDU-nun hüquq fakültəsinə qəbul oduğu vaxtdan düşdüyünü qeyd edən Nuranə onda bu sahəyə marağı bacısı Raisənin oyatdığını bildirir. Hüquqşünas olmaq istəyi ilə yanaşı Nuranə musiqi və rəsmlə də məşğul olmağı, müxtəlif elmi müsabiqə və olimpiadalarda iştirak etməyi düşünür .

Həyatda heç kimə oxşamaq istəmirəm və özüm olmaq istəyirəm, çünki heç kəsi təkrarlamaq istəmirəm - deyən Nuranə hüquqşünas olaraq vətənin hüquqlarını müdafiə edən dəyərli bir şəxsiyyətə çevrilməyi qarşısına məqsəd qoymuşdur.

Ona gələcək həyatında planlarını uğurla həyata keçirməyi arzu edirik.