Əliyev Rəsul Vüqar oğlu

Rəsul uşaqlıqdan sakit təbiətli,təmkinli,kənar insanlarla ünsiyyət qurmağı sevməyən,öz kiçik dünyasında yaşayan bir uşaq olub. 4 yaşı olanda  idmana olan xüsusi marağı və qabiliyyəti ilə artıq öz istedadını biruzə verirdi.

Əliyev Rəsul Vüqar oğlu 25.08.2000-ci ildə  Bakıda anadan olmuşdur.2007-ci ildə Nərimanov rayonu 82 nömrəli tam orta məktəbinin 1-ci sinfinə qədəm qoymuşdur.Hal-hazırda İ.Əfəndiyev adına Elitar gimnazıyada təhsil alır.Dərslərinə məsuliyyətlə yanaşan Rəsul tədris olunan bütün fənləri yaxşı oxuyur.Onun dərslərindəki nailiyyətləri və idman üzrə uğurları müxtəlif nominasiyalar üzrə qiymətləndirilmişdir.Bununla yanaşı məktəbdə keçirilən müxtəlif tədbirlərdə,idman yarışlarında fəal iştirak edir.Məktəbdaxili tədbirlərdə səhnələşdirilmiş tamaşa və səhnəciklərdə müxtəlif rolları canlandırmışdlr. 2011-ci ildə gimnaziyada keçirilən  ‘Robenzon Kruzo ’ adlı tədbirdə fəal iştirak etmiş və öz rolunu yüksək səviyyədə ifa etmişdir.

Həyatının ən maraqlı,unudulmaz anını belə ifadə edir: ‘İngiltərədə olarkən məşhur futbol meydançasını gördüyüm anı heç vaxt unutmuram.Sanki mənə özüməməxsus olan bir

həyat bağışladılar’

Rəsul 2012-ci ildə ingilis dili üzrə yaşıdlarından fərqlənən yüksək bilik və bacarığına görə,2013-cü ildə  biologiya fənni üzrə əlavə materiallar hazırladığına görə fəxri fərman və diplomlarla təltif olunmuşdur.Həmçinin riyaziyyat fənni üzrə  və rəsmdən müxtəlif uğurlarına görə sertifikat qazanmışdır.2015-ci ildə uşaqlar naminə ‘Elsa’layihəsində iştirakına görə diploma layiq görülmüşdür.2015-ci ildə Fizika,Kimya,Biologiya fənnləri üzrə keçirilən Olimpiadada V yerə layiq görülmüşdür.

İngiltərədə keçirilən ingilis dili kurslarında iştirak edərək yüksək dil biliyinə yiyələndiyinə görəyüksək dərəcəli sertifikat almışdır.

 Yaşı az olmasına baxmayaraq ,Rəsul kifayət qədər dünya görüşünə malikdir.O,artıq məqsədlərini müəyyənləşdirib və məqsədinə doğru inamla addımlayır.Rəsul düşünür ki , hər bir insanın gələcəyi öz əlindədir.İnsan yaşadıqca daima yaratmalıdır ki, onun gələcəyi parlaq və işıqlı olsu əgər insan həyatda yaşayırsa ,bunun üçün daima işləməli,yaratmalı,nailiyyətlər əldə etməlidir. Hiss edir ki, onda yüksək idarəetmə qabiliyyəti vardır.İnanır ki, hansı peşəyə

yiyələnməsindən asılı olmayaraq ən yüksək zirvəyə çatmağı bacaracaq..O özünü daha çox xalqına xidmət sahəsində görmək istəyir və buna görə də hələ 8-ci sinifdə oxuyarkən  gələcəkdə millət vəkili olmaq istəyi yaranıb

 Rəsul tarixi filmlərə baxmağı sevir. 6-cı sinifdə oxuduğu müddətdən etibarən musiqi ilə (fortapiano) məşğul olur.Düşünür ki, musiqi onun həyatında maraqlı,yadda qalan izlər buraxır.

Həmçinin musiqi ədəbiyyatı ilə bağlı kitablar oxuyur.

Musiqiçilərin əsərlərini böyük maraqla öyrənməyə çalışır.Hal-hazırda 8-N.li Qara Qarayev adına 11 illik musiqi məktəbində dərs alır.

Onun nailiyyətlərinin səbəbi ona dəstək olan təhsil aldığı məktəb və ailəsidir.