Riad Ramin oğlu Hüseynzadə

Azərbaycan və bütövlükdə türk dünyası ictimai fikrinin ən böyük nümayəndəsi və ideoloqu, uzun illər filosof, alim, həkim, rəssam, şair, tənqidçi, tərcüməçi, müəllim, jurnalist kimi fəaliyyət göstərmiş və bu sahələrin hər birində özünəməxsus iz qoymuş türk yazarı, böyük mütəfəkkir Əli bəy Hüseynzadə nəslinin davamçılarından olan Riad Ramin oğlu Hüseynzadə 14 aprel 2009-cu ildə Bakı şəhərində ziyalı ailəsində anadan olmuşdur. Ailənin sonbeşiyi olan Riad böyük ürək və dərin düşüncə sahibidir. Daim gülərüz olan Riada hər kəs ilk baxışdan heyran olur. O, hər kəslə rahat ünsiyyət yaradır. Riad tir tüfəngindən sərrast atəş etməyi bacarır.

Orta təhsilə ilk qədəmlərini 6 №-li məktəb-liseydə atan Riad hazırda 164 saylı orta məktəbdə təhsilini davam etdirir. II sinif şagirdi olan Riad məktəb dərslərindən əlavə ingilis dili kurslarına gedir və bununla yanaşı kung-fu döyüş sənəti ilə məşğul olur. Riyaziyyat dərsini çox sevir. Vurma cədvəlini 6 yaşında ikən böyük qardaşı ilə bərabər öyrənib.

Gələcəkdə Böyük Britaniyada təhsil alaraq iqtisadçı olmaq istəyən balaca istedadımız qazanacağı pullarla kimsəsiz və xəstə uşaqlara yardım etmək arzusu ilə yaşayır.

Gülərüz, şirin balamıza təhsilində və gələcək işlərində davamlı uğur və nailiyyətlər, o cümlədən Hüseynzadələr nəslinə layiqli övlad olmasını arzu edirik.