Aslanov Ravil Emil oğlu

 

Aslanov Ravil Emil oğlu 3 sentyabr 1999-cu ildə Bakı şəhərinin Ələt qəsəbəsində dünyaya göz açıb. Ravil ailədə tək uşaq olduğu üçün hamının sevimlisi olub. Hələ uşaqlıqdan hər şeyə maraq göstərib xüsusən də rəsm çəkməyə maraq göstərib, 5-6 yaşından şəkil çəkməyə başlayıb və uşaq vaxtından yappoz kimi quraşdırma oyunlarına böyük həvəs göstərmişdir. Cizgi filmlərə baxdığı üçün özündə maraq oyanıb və oradakı qəhrəmanların rəsmlərini çəkməyə başlayıb.

Kiçik yaşlarından Azərbaycan və dünya xəritələrinə, ölkələrin paytaxtlarını öyrənməyə maraq göstərmişdir. Məktəbə gedənə qədər anası və nənəsinin köməyilə saymağı, hərflərin hamısını öyrənmişdi.

Ravil Ələt qəsəbəsindəki Elman Rzayev adına 127 saylı orta məktəbin IX sinif şagirdidir.

Ravil: “ - Dərslərimi yaxşı oxuyuram və ən sevdiyim fənn coğrafiyadır. Məktəbdə keçirilən 20 Yanvar və Xocalı soyqırımına aid tədbirlərdə iştirak etmişəm. Tədbirə aid çəkdiyim rəsmləri nümayiş etdirmişəm. Ən uğurlu günüm şərəf lövhəsinə şəklimin qoyulduğu və III sinifdə tərifnamə aldığım gündür.

Təsviri incəsənətdə və digər sahələrdə əldə etdiyim uğurlara görə ilk növbədə Tanrıya, sonra da valideynlərimə və müəllimlərimə minnətdaram.

Peşəkar bir rəssam, yaxud memar-dizayner peşəsinə yiyələnmək istəyirəm. Boş vaxtlarımda şəkil çəkməyi, kompyüterlə oynamağı, intellektual verilişlərə baxmağı, texnologiyalarla maraqlanmağı xoşlayıram. İncəsənətin təsviri incəsənət aid mövzularla maraqlanıram. Yaxşı oxumaq, istədiyim universitetə qəbul olmaq, istədiyim sənətə yiyələnmək istəyirəm. Tarixdə əl işlərimlə yadda qalmaq istəyirəm.”