Əliyeva Fatimə Nurlan qızı 6 iyul 2007-ci ildə Bakı şəhərində dünyaya göz açıb. Biləcəri qəsəbəsindəki E. Əliyev adına 297 saylı orta məktəbin II sinif şagirdidir.

Fatimə ağıllı, hər şeylə maraqlanan, ünsiyyətcil bir uşaq olub. Rəsm çəkməyi, musiqiyə marağı, şəkilli kitablara baxıb hekayə qoşmağı və bütün uşaqlar kimi oyuncaqlarla oynamağı sevib. Məktəbə gedənə qədər hərfləri və rəqəmləri, 100-ə qədər say­mağı Arif babası öyrədib. Bir yaşından etibarən kitab, jurnal vərəqləməyi sevirdi. Çox vaxt yalandan da olsa, krossvord yazmağı sevib. 

Fatimə: “ - Dərslərimi əla oxuyuram. Sevdiyim fənn rəsm, riyaziyyat və infor­matikadır. Yeni il şənliyində, məktəb və sinifdə bayram tədbirlərində fəal iştirak edirəm. Məsuliyyətli olduğuma görə Sitarə müəllim mənə ən ciddi işləri etibar edir. Ən xoşladığım gün 10 May Gül Bayramıdır. Atam məni həmin gün gəzməyə aparır. Bir də əkiz qardaşlarımın ad gününü çox gözləyirəm. 

Qazandığım uğurlara görə valideynlərimə, Arif və Məhərrəm babalarıma, bir də sevimli müəllimim Sitarə xanıma borcluyam. İstəyirəm görkəmli həkim, ya da diplomat olum. 

Asudə vaxtlarımda şəkil çəkməyi, nağıl oxumağı, əkiz qar­daşlarıma şeir öyrətməyi və onlarla oynamağı xoşlayıram. Və­tən, ana haqqında şeirləri sevirəm və əzbərləyirəm. Gözəl tə­biətimizin şəkillərini çəkməkdən zövq alıram. 

Ən azı 3 dildə danışmaq, valideynlərimə, vətənimə layiqli övlad olmaq istəyirəm. Bunun üçün də dərslərimi əla oxu­ma­lıyam və hər zaman öz elmimi artırmalıyam ki, tarixdə iz qoyam.”