BƏYLƏR MUSİQİ İLƏ NƏFƏS ALIR

İnam hissi insanların məqsədə çatmalarına kömək edir, bu yolda bütün çətinliklərin aradan qaldırılmasına, öz qüv­vəsi və bacarığı sayəsində qarşısına qoyduğu məqsədə çata­ca­ğına stimul yaradır. Bəy­lər də öz qüvvə və baca­rığına ina­nır. Məhz özünə olan inamı onun gö­zəl ka­mança ifaçısı ki­mi yetiş­mə­sində, neçə-ne­çə kon­ser­tin iştirakçısı ol­ma­sın­da böyük rol oyna­mışdır.

Bəylər Zeynal oğlu Ab­dullayev 28 fevral 2001-ci ildə Bakı şəhərində dün­ya­ya göz açıb. Bakının Əmircan qəsəbəsindəki Albert Aqarunov adına 154 saylı məktəbin VII sinif şagirdidir. Eyni za­manda 3 saylı Uşaq İncə­sənət Məktəbinin IV sin­fində musiqi təhsili alır.

Qəhrəmanımızın uşaq­lıqdan musiqiyə böyuk həvəsi olub, yaşıdlarından musiqi duyumunun güclü olması ilə fərqlənib. Hələ balaca vaxtından ka­man­ça alətindən xoşu gəlirdi. Bunu təbii qəbul etmək olar. Axı Bəylər Azərbaycanın tanınmış xanən­dəsi, xalq artisti Ağaxan Abdul­la­yevin qardaşı oğludur. 

Bəylər məktəbdə də dərslərini yaxşı oxuyur. Azərbaycan dili, ədəbiyyat, musiqi fənlərini çox sevir. İstər orta məktəbdə, istərsə də incəsənət məktəbində keçirilən bütün şənliklərində sevimli kamancası ilə iştirak edir. 

Bəylər: “ - Həyatımda ən sevimli günüm əlimə ilk dəfə ka­man­ça alətini aldığım gündür. Musiqi sahəsində uğur qazan­ma­ğımda atama və kamança müəllimimə borcluyam. Habil Əliyev mənim idealımdır. Gələcəkdə onun kimi böyük sənətkar olmaq istəyirəm.”