Sadıqzadə Fatimə Rauf qızı

Sadıqzadə Fatimə Rauf qızı 27 mart 2002-ci ildə dünyaya göz açıb. Fatimə Bakı şəhərində anadan olsa da, Füzuli rayonunun Çimən kəndində qeydiyyatdadır.

Bu ad ona boş yerə verilməyib. Fatimə islam təqviminə görə məhərrəm ayında anadan olub. Ona görə də adı Məhəmməd peyğəmbərin qızı Fatimənin şərəfinə qoyulub.

Fatimə körpəlikdən istedadlı uşaq olub. Onun natiqlik qabiliyyətinin şahidi olan hər kəs jurnalist olacağına inanır. Fatimə həmişə yeniliyə can atır, yeni kəşflər etməyi sevir. Uşaqlıqdan rəqsə böyük həvəsi var. Bayramlarda ailəarası tədbirlər keçirməyi çox sevir və həmişə tədbirin aparıcısı olur.

Fatimənin anası müəllimdir. Məktəbə gedənə qədər və məktəb dövrü onunla səylə məşğul olub. O da anasının və müəllimlərinin əziyyətini itirmir, hər gün bir az da səylə çalışır.

Fatimə 2008-ci ildə Binəqədi qəsəbəsindəki Rövşən İmanov adına 205 saylı tam orta məktəbin I sinfinə qədəm qoyub. Hazırda VI sinfi əla qiymətlərlə bitirib. 6 il ərzində daim dərslərini əla qiymətlərlə oxuyub. Sevimli fənləri Azərbaycan dili və riyaziyyatdır. O məktəbdə keçirilən bayram tədbirlərində də mahnı oxumaq, şeir söyləməklə fəal iştirak edir. İki dəfə fənn olimpiadalarında iştirak edib. 2012-ci ildə Azərbaycan dili və ədəbiyyat üzrə, 2013-cü ildə riyaziyyat fənni üzrə I yerə layiq görülüb.

Fatimə: “ - Ailəmlə keçirdiyim vaxtlar və iştirak etdiyim yarışmalarda uğur qazandığım günləri həyatımın ən önəmli anları hesab edirəm. İbtidai sinifdə məktəbin ictimai işlərində fəal iştirakıma və təhsildə fərqləndiyimə görə tərifnamə ilə təltif olunmuşam.

Əldə etdiyim uğur və nailiyyətlərə görə valideynlərimə və müəllimlərimə borcluyam. Məktəbi uğurlu bitirməyi və universtetə daxil olmağı hədəfləmişəm. Gələcəkdə jurnalist olmaq istəyirəm. Çünki yaxınlarım bu işdə bacarıqlı olacağımı söyləyir. Ən böyük arzum bir jurnalist kimi Qarabağda müsabiqə keçirməkdir.

Asudə vaxtlarımda kitab oxumağı, televizora baxmağı və rəqs etməyi xoşlayıram.”