VALİDEYNLƏRİNİN BAŞINI UCA EDƏCƏK

2006-cı il martın 13-ü günəşli bir bahar günü idi. Həmin gün Tanrı İbrahim Zalovun evinə xoşbəxtlik bəxş etmişdi. Çünki onların evinə, həyatına sevinc gətirən balaca bir oğlan övladları dünyaya gəlmişdi. Vali­deynlərin sevincinin həd­di-hüdudu yox idi. Bu balaca oğlanın adını Bəy­lər qoydular. Günlər keç­dikcə bu oğlan yavaş-ya­vaş böyüyür, ailəyə şənlik və yenilik gətirir.

Bəylər İbrahim oğlu Zalov Bakı şəhərində ana­dan olub. İlyas Əfəndiyev adına “Elitar” Gimna­zi­ya­nın II sinif şagirdidir. Körpəlikdə çox həssas və çılğın bir uşaq olub. hələ körpə ikən Bəylər yaşına uyğun olmayan maraq dairəsinə malik imiş. O, 3-4 yaşından şeirlər öyrənir, atası ilə dama və domino oynamağı xoşlayırdı. Rəsm çəkməyi isə xüsusilə sevirdi. O hələ məktəbə getməmişdən üzgüçülüklə məşğul olub. Ha­zır­da da bu fəaliyyətlərini davam etdirir. Eyni zamanda rəqs dər­­nəyinin də üzvüdür.

Məktəbə gedənə qədər Bəylər bütün hərfləri tanıyır, bir çox­larını isə yaza bilirdi. Riyazi misalları isə özü sərbəst həll edirdi.

Yazıb-oxumağa və şəkil çəkməyə maraq 4 yaşından yaran­mışdır. Bu onda daxildən gələn bir həvəs idi. 

Hazırda Bəylər dərs əlaçısıdır. Azərbaycan dili, riyaziyyat, ingilis dili və rəsm onun ən çox sevdiyi fənlərdir. 

Bəylər oxuduğu müddət ərzində məktəbdə keçirilən bütün tədbirlərdə fəal iştirak edir. Özünün dediyinə görə həyatında ən maraqlı və uğurlu günü məktəbə getdiyi gün olmuşdur. Ona görə ki, məktəbdə bilik və bacarığını daha da dərinləşdirir.

Gələcəkdə polis olmaq istəyir Bəylər. Ona görə ki, Bəylər in­sanların hüquqlarını qorumağı və onlara xidmət etməyi ən müqəddəs peşələrdən biri hesab edir.

Boş vaxtlarında şəkil çəkməyi və mütaliə etməyi çox sevir. Bəy­lər digər maraqları bunları danışdı: “ - Ədəbi əsərlərlə xü­susi maraq göstərirəm. Şeirlərə daha çox üstün­lük verirəm. Çox­lu şeir­lər əz­bərlə­mi­şəm. Gələcəkdə xal­qıma, və­tənimə la­yiq bir və­tən­daş, işini sevən, ona canla-başla qulluq edən bir şəx­siy­yət olmaq is­təyirəm. Bunun üçün mə­nə əllə­rin­dən gələn kö­məyi edən valideynlərimə, müəl­lim­lərimə də­rin tə­şəkkür və minnət­dar­lığı­mı bil­diri­rəm. Onların ba­şını sava­dımla, baca­rı­ğımla hər za­man uca edə­cəyimə söz ve­ri­rəm.”

Bəylər haqqında müəl­lim­lərinin də fikrini öy­rən­mək istədik. Müəllim­lərinin Bəylər haqqında fikirlərini belə ümumiləş­dir­mək olar: “ - Bəylər oxuduğu sinifdə seçilən şagirdlərdəndir. İti yaddaşı, tez qavraması, dərs metodlarında düşündürücü sual­lar­la müraciəti, ümumiyyətlə dərs yükünün öhdəsindən asan­lıqla gələ bilməsi onun gələcəkdə savadlı bir mütəxəssis ola­ca­ğına zəmin verir. Hansı sənəti seçirsə-seçsin, hansı işin ardınca gedirsə-getsin, inanırıq ki, o bu sənətin əsl bilicisi olacaqdır. Ona bu yolda uğurlar arzulayırıq.”