Mustafayev Elçin Şahin oğlu 9 aprel 2005-ci ildə Bakı şəhərində anadan olub. Uşaqlıqda hər bir şeyə böyük maraq göstərirdi. Musiqini və rəqs etməyi çox sevirdi. Həmin maraqları bu gün də davam edir. Məktəbəqədər hazırlıq kursu keçib. Oxuyub-yazmağı orada mükəmməl öyrənib. 2012-ci ildən 23 №li orta məktəbdə təhsil alır. Hazırda VI sinif şagirdidir. Dərslərdə çox fəaldır. Ən çox fizika və coğrafiya fənlərini sevir. Olimpiadalarda iştirak etməyi xoşlayır. İnformatika fənni üzrə iştirak etdiyi olimpiadada I yer tutub. 2016-cı ilin avqust ayında Zirvə Ziyalılar Təşkilatının dəstəyi ilə keçirilən “Mr & Mrs Stars of Baku” moda və istedad layihəsinin 4 nominasiyası üzrə qalib olub. Həmin ilin dekabr ayında isə Zirvə Ziyalılar Təşkilatının 25 illiyi münasibəti ilə “Azerbaijan’s Best Awards 2016” mükafatına layiq görülüb. 2016-cı ildə keçirilmiş bu müsabiqə ilə əlaqədar televiziya proqramlarının birində iştirak edib.
Əldə etdiyi nailiyyətlərə görə valideynlərinə çox minnətdardır. Elçin hər zaman onların dəstəyi sayəsində irəlilədiyini deyir.
Ən böyük arzusu məktəbi əla qiymətlərlə bitirib universitetə daxil olmaq, arzuladığı peşəyə yiyələnməkdir. Seçdiyi peşə isə İT sahəsinə aiddir. Gələcəkdə proqramçı olmaq niyyətindədir.
Asudə vaxtlarında seçdiyi peşəyə aid videolara baxmağı xoşlayır. Həmçinin videooperatorluğa da böyük həvəsi var.
İncəsənət sahəsində ən çox musiqini, əsasən də xalq mahnılarını sevir. Milli və müasir rəqslərə də marağı var. Hazırda idmanın kikboksinq növü ilə məşğuldur.
Tarixin yaddaşında qalmaq üçün öncə vətənə layiq övlad olmaq lazım olduğunu düşünür. Elçinin fikrincə, hər bir qeyrətli oğul vətəni qorumağa hazır olmalıdır, bu tarixə düşmək üçün ən gözəl və layiqli bir səbəbdir.
Biz Elçinin adını gələcəkdə tez-tez eşidəcəyimizə inanır və balaca müsahibimizə gələcək addımlarında uğurlar arzu edirik!
Комментариев нет:
Отправить комментарий