Emin Ələkbər oğlu Qasımov 13 noyabr 2002-ci il Rusiya Federasiyası Stavropol bölgəsi Zelyonokumsk şəhərindә dünyaya göz açıb. Emin körpәlikdәn çox çevik və bacarıqlı uşaq olub. Uşaqlıqdan şeirləri, maraqlı hekayələri yadında saxlayıb, dəqiqliklə danışırdı. Qayğıkeşliyi balaca qardaşlarına olan münasibətində özünü göstərir. Məqsədyönlüdür. Ən çox sevdiyi məşğuliyyət futbol və əyləncəli estafetlər olub. Bütün idman yarışlarına üstünlük verir. Şəhərdaxili idman yarışlarına izləyici kimi qatılmağı çox sevir. Futbol istedadı öncə televiziyadan izlədiyi oyunlar və məşhur futbolçulardan qaynaqlanıb, daha sonra məhəllə futbolunda yaşıdları arasında öz bacarığı ilə seçilib.
Mәktәbә gedәnә qәdәr oxumağı-yazmağı bacarırdı. İlk təhsili 1 №-li gimnaziyada alıb. Hazırda isә İdrak liseyindә təhsilini davam etdirir. Dərslərini yaxşı oxuyur. Bütün fənləri eyni səviyyədə oxumağa çalışır, çünki hərtərəfli inkişaf etmək istəyir. Təhsil aldıqca özünü təkmilləşdirməyə çalışır. Müxtəlif yarışlarda fəal iştirakçı olub. Maraqlı yarışmalar, olimpiadalar yeni nailiyyətlər qazanmasına, istedadının hərtərəfli üzə çıxmasına və özünü sınamağa kömək etdiyini deyir. Təsviri incəsənət üzrə, təhsildə qazandığı uğurlara və nümunəvi tərbiyəyə görə, idman nailiyyətlərinə görə diplomlarla təltif olunub. Qazandığı bütün nailiyyətlərə görə özünü valideynlərinə və müəllimlərinə borclu bilir.
Futbol fəaliyyətində Messiyə oxşamaq istəyir, onun kimi texnikaya malik olub güclü oyun göstərmək arzusundadır. Adlı-sanlı klublarda oynamaq istəyir.
Biz dә redaksiyamız adından qәhrəmanımız Emin balamıza nailiyyәtlәr arzu edirik. Uğurların bol, yolun açıq olsun, Emin.
Комментариев нет:
Отправить комментарий