Əziz oxucularımıza təqdim edəcəyimiz Azərbaycanın fəxr olunası övladlarından biri Abduləliyev Rüfət Rəmzi oğlu 11 dekabr 2006-cı ildə Zərdab rayonunun Şah Sünnü kəndində doğulub. Rüfət çox ağıllı, eyni zamanda dəcəl olmuşdur. Körpəlikdən çevik və hər şeyə maraq göstərən olub. Rüfət hərtərəfli uşaqdır və bir çox məşğuliyyətləri vardır. O, ilk dəfə Bakı şəhərinin 153 saylı məktəbində oxumuşdur. Hazırda isə Mingəçevir şəhər 16 saylı məktəbdə təhsilini davam etdirir. III sinifdə oxuyan Rüfət məktəbin çalışqan və fəal şagirdidir. Hər bir şagirdin daha çox maraq göstərdiyi fənn olduğu kimi Rüfətin də ən sevimli fənni riyaziyyatdır. Tədbirlərə maraq göstərir və daha çox şeir deməyə üstünlük verir.

 Bütün uşaqların irəliləməsində valideynlərin rolu olduqca böyük olduğu kimi Rüfət də əldə etdiyi bütün uğurlara görə anasına borcludur. Həmçinin Rüfətin fəaliyyətində xalası qızı Abdulxalıqova Səbinədən aldığı stimul onun kimi savadlı olmaq istəyidir.

 Uşaqlar lap kiçik yaşlardan bir peşəyə maraq göstərir. Rüfətin də istəyi böyüyəndə polis olmaqdır. Bu da onun qanunu pozanların əleyhinə olmasından, belə insanları qanuna təslim etmə istəyindən irəli gəlir. Rüfət asudə vaxtlarını da dəyərləndirə bilir. Dərslərini vaxtında həll etdikdən sonra boş vaxtlarında maraqlı kitablar oxuyur, sağlamlığının qeydinə qalaraq idmanla məşğul olur, gəzintiyə çıxır.

Bədii yaradıcılda şeirə üstünlük verir. Onun gələcək istəyi Polis Akademiyasına qəbul olmaq, qanunun keşiyində durmaqdır. Arzusuna çatmaq üçün dərslərində müvəffəqiyyətli olmağa səylə çalışır.

 Gələcəyinə ümid bəslədiyimiz yeniyetmələrdən biri də Rüfətdir. Ağıllı işlər görərək insanların yaddaşında qalmaq istəyi onun saf niyyətli, xeyirxah olmasından xəbər verir. Arzu edirik ki, Rüfətin gələcəkdə valideynlərinin ümidlərini doğrultsun.

 Bu yolda hər maneəni aşaraq irəliləməkdə Allah yar və yardımçın olsun.