Əkbərov Həsən Asif oğlu 2008-ci il sentyabırın 17-də Bakı şəhərində dünyaya göz açıb. Suraxanı rayon Hövsan qəsəbəsi 270 saylı məktəbdə təhsil alır. Orta məktəbdə əlaçıdır. Ən sevimli fənni riyaziyyatdır.

 Körpəliyində çox sakit uşaq olub. Artıq iki yaşından əlifbanı, rəngləri bilirdi. Xoşladığı məşğuliyyət çizqi filmlərinə baxmaqdır. Məktəbə gedənə qədər artıq yazıb-oxumağı bacarırdı. Bunu ona anası öyrətmişdi. Altı yaşında olanda valideynləri onun şəkil çəkməyə həvəsini görürdülər. Tez-tez şəkillər çəkirdi. Çəkdiyi şəkillər elə birinci dəfədən yaxşı alınırdı. Bu istedadı Həsəndə görən valideynləri onu rəssam Gilan müəlimənin yanına apardılar. Müəllimə onun əl işlərini çox bəyəndi və onunla məşğul olmağa razılıq verdi. Bir çox sərgilərdə iştirak edib. Tarix muzeyində təşkil edilən güllərə aid sərgidə II yer tutub. Tarix muzeyində 20 Yanvar faciəsinə aid sərgidə iştirak edib. Meqafonda “Rəngbərəng” adlı sərgidə iştirak edib. Oradakı sərgidə onun cəkdiyi “Kulon” şəkli hamının diqqətini çəlb edib. Həmin şəkli Meqafona hədiyyə istədilər. Oxuduğu məktəbin özündə də dəfələrlə sərgidə iştirak edib. Diplomu, sertifikatı var. Əldə etdiyi nailiyyətlərə görə anasına minnətdar olduğunu bildirir. Rəssamlıq sənətində Leanardo Da Vinçiyə oxşamaq istəyir. Həyatda daim zirvələrə yüksəlmək barədə düşünür. Uşaqlıqdan polis olmaq istəyirdi. İndi isə böyük rəssam olmaq arzusu ilə yaşayır.

Asudə vaxtlarında şəkil çəkməklə məşğul olur. Portret çəkməyi çox sevir. Gələcəkdə portretlər, mənzərələr çəkmək istəyir. Düşünür ki, tarixin yaddaşında yaşamaq üçün ancaq gözəl və qiymətli şəkillər çəkməlidir. Həsən Tarix muzeyində keçirilən sərgidə iştirakı zamanı 20 Yanvar faciəsi ilə bağlı CBC kanalına müsahibə verib.