Həsənli Bəxtiyar Lətif oğlu Bakı şəhərində dünyaya göz açmışdır. 15 sentyabr 2003-cü ildə Xətai rayonu NZS qəsəbəsində yerləşən 194 saylı orta məktəbin I sinfinə daxil olmuşdur. O, yaşıdlarından güclü yaddaşı, hazırcavablığı, çalışqanlığı ilə seçilir. Dərslərində olduqca çox çalışqan, gündəlik tam hazır olan şagird, məktəbin fəallarından biri olmağı da bacarmışdır. İlk dəfə qələm tutmağı Validə müəllimin sayəsində öyrənən Bəxtiyar bu gün oxuduğu məktəbin əlaçı və qabaqcıl şagirdlərindən olmağı bacarmışdır. O, məktəbdə nümunəvi şagird olaraq müəllim kollektivinin sevgisini qazanmışdır.

 Xarici dillərə marağı olan istedadlımız gələcəkdə ingilis, rus dillərini mükəmməl öyrənmək arzusundadır.

 “Validə müəllimə, mən bu iki il ərzində sizdən çox böyük dəyərli və qiymətli biliklər öyrəndim. Mən əminəm ki, hələ gələcək illərdə də sizdən çox dəyərli biliklər öyrənəcəm. Yiyələndiyim biliklər üçün sizə minnətdaram” fikirlərini söyləyən istedadlımız müəlliminə təşəkkkür hissi duyduğunu vurğulayır.

 Bəxtiyar böyüyəndə asayişi qoruyan, ədalətli polislərdən olmaq istəyir.