Sizi Əli Şahin oğlu Əliyevlə tanış edək. Əli 16 iyun 2005-ci ildə Bakıda ziyalı bir ailədə dünyaya göz açıb. O, 2011-ci ildə 132-134 saylı Təhsil Kompleksinə gedib. Hazırda da həmin məktəbin VI sinif şagirdidir.
Əli dərslərində yüksək fəallıq göstərir və əlaçı adını ciddi məsuliyyətinə, əməyinə və əziyyətinə görə qazanmışdır. O, həmişə özünəməxsus təfəkkür tərzi ilə seçilib. Geniş dünyagörüşünə malik olduğundan çox maraqlı həmsöhbətdir.
Əli öz həmyaşıdları arasında çox böyük hörmət qazanmışdır. O, çox etibarlı və səmimi dostdur. Balaca qəhrəmanımız hər zaman öz üzərində işləyir və biliyini artırmaq üçün mental arifmetika ilə məşğul olur. Eyni zamanda ingilis dili biliyini zənginləşdirmək üçün kursa gedir. Kompüterə marağı böyük olduğuna görə müxtəlif proqramlar yazır və onlar üzərində işləyir. O, Leopold və Mstislav Rostropoviçlər adına Uşaq Musiqi Məktəbində gitara ixtisası üzrə təhsil alır. Sağlam həyat tərzi sürən Əli bir çoxlarına örnəkdir. Belə ki o, üzgüçülük və kikboksinqlə məşğul olur.
Hər bir insan dünyaya gəldiyi zaman ona ilahi tərəfindən dəyərli və lazımlı nemətlər bəxş olunur. Ancaq bu keyfiyyətləri vaxtında üzə çıxarmaq, cəmiyyətimiz üçün yararlı şəxsiyyətlər yetişdirmək valideynlərin öhdəsinə düşür. Böyük istedada malik olan uşaqları erkən yaşından düzgün istiqamətləndirmək və onlara hərtərəfli kömək göstərmək lazımdır. Əlinin mənəvi inkişafı və yaradıcılığının tənzimlənməsi üçün istər cəmiyyətdə, istərsə də ailəsində münbit şərait yaradılıb. Biz də öz növbəmizdə gənc dostumuza uğur və müvəffəqiyyət arzu edirik. Uğurların bol, yolun açıq olsun!
Комментариев нет:
Отправить комментарий