Şahgəldiyeva Roza Nəsimi qızı 6 aprel 2004-cü ildə
Naxçıvan Muxtar Respublikasında dünyaya göz açıb. Abşeron rayon Saray
qəsəbəsindəki 3 saylı orta məktəbdə təhsil alır.
Roza dərslərini əla oxuyur. Ən çox sevdiyi fənlər
Azərbaycan dili, ingilis dili, rus dili və riyaziyyatdır. Sinif rəhbəri Zümrüd
xanım Rozanın məktəbdəki fəaliyyətindən, həm təhsildə, həm də davranışda
nümunəvi şagirdlərdən olmasından ağızdolusu danışdı.
Roza məktəbin ictimai həyatında da fəal iştirak
edir. Yeni il, Novruz bayramına həsr olunmuş tədbirlərdə, Rus dili gecəsində
və sinifdə təşkil olunan digər tədbirlərdə şeir söyləmək, mahnı oxumaqla öz
töhfəsini verib. Roza təhsildə və ictimai fəaliyyətində əldə etdiyi uğurlara
görə kitablara, müəllimlərinə və ailə üzvlərinə borclu olduğunu bildirdi.
O, babasına oxşamaq istəyir. Babası kimi həkim
olmaq arzusundadır. Savadlı həkim kimi xalqına xidmət etməyi qarşısına məqsəd
qoyub. I sinifdə oxuyarkən babasının tibb sahəsinə aid kitabları ilə tanış
olduqdan sonra bu fikrə gəldiyini bildirir.
Roza asudə vaxtlarında bədii kitab oxumağı, rəsm
çəkməyi, piano çalmağı xoşlayır. O, Sumqayıt şəhərindəki Uşaq və Yeniyetmələrin
Yaradıcılıq Mərkəzində Rəna xanımın rəhbərlik etdiyi rəsm dərnəyinin üzvüdür.
Rəna xanım da öz növbəsində Rozanın təsviri incəsənət sahəsində istedadı ilə
seçilən yeniyetmə olduğunu xüsusi vurğuladı.
Bu gün üçün qəhrəmanımızın əsas hədəfi orta məktəbi
əla qiymətlərlə bitirib, Tibb Universtetinə daxil olmaqdır. Tibb sahəsində elmi
kəşflər etmək və sağalmaz dərdlərin dərmanını tapmaq isə gələcək
planlarındandır.
Roza televiziyada “Çoxbilmişlərdənsinizmi?”
verilişinin də qalibi olub.
Комментариев нет:
Отправить комментарий