Ağıllı, savadlı, sözəbaxan (Tamilla Ramiz qızı Əzizova)

Tamilla Ramiz qızı Əzizova 1997-ci il yaz fəslinin ən gözəl çağında - Bahar bayramında, martın 20-də Bakı şəhərində dünyaya göz açıb.

Yaxınları və valideynləri söyləyir ki, Tamilla körpəlikdə ağıllı, sözə baxan, ağlağan uşaq olub. Kiçik yaşlarında məktəbəqədər hazırlıq kurslarına, ingilis dili, rəssamlıq dərnəklərinə gedib.

Məktəbə qədər nəinki yazıb-oxumağı, hətta M. Ə. Sabirin “Ağacların bəhsi”, Çukovskinin “Milçək-Vizilçək” kimi bir çox şeirləri rus və Azərbaycan dilində əzbər bilirdi.

Tamilla 2006-cı ildə Xətai rayonunda yerləşən 86 saylı məktəbin I sinfinə qədəm qoyub. Əlavə olaraq “Zabitlər Evi”nə ingilis dili kurslarına da gedirdi.

Orta məktəbdə dərslərini əla qiymətlərlə oxuyan Tamillanın sevimli fənləri rəsm, Azərbaycan dili və ədəbiyyatıdır. Məktəbdə keçirilən bayram tədbirlərində, səhnəciklərdə şeirlər söyləyir və rəqs nömrələri ilə çıxış edir.

Tamillanın həyatında ən maraqlı və uğurlu günlər çoxdur. “Əlifba bayramı”, qəzetlərdə ilk dəfə şeirlərinin çap olunduğu günlər həyatının ən unudulmaz günləri sırasındadır.

O, şeir yazmaqda Zeynəb müəlliminə, rəsm çəkməkdə isə Arzu müəlliminə bənzəmək istəyir. İnsanlarla ünsiyyət yaratmaqda və dərslərdə fəal iştirak etməkdə isə atasına və qohumu Sürəyya xanıma oxşamaq istəyir.

Sinif rəhbəri Sədaqət xanım, ingilis dili müəllimi Nahidə xanım, Azərbaycan dili müəllimi Zeynəb xanım, rəsm müəllimi Arzu xanım Tamillanın gələcəkdə nüfuzlu şəxsiyyət, perspektivli kadr kimi tanınacağına inanırlar.

Bədii yaradıcılıqda daha çox şeir və rəsmə üstünlük verən Tamilla asudə vaxtlarında bədii kitablar oxuyur, rəsm çəkir və toxuyur.

Xoşbəxt olmaq hər bir insanın ən ümdə arzularından biridir. Tamilla da xoşbəxtliyi orta məktəbi uğurla başa vurub tələbə adını qazanmaqda görür. Valideynləri onu gələcəkdə rəssam, dilçi, tərcüməçi kimi görmək istəyirlər.

Şəxsiyyət kimi tarixin yaddaşında yaşamağı hər kəs kimi Tamilla da arzulayır. Görkəmli, nüfuzlu şəxsiyyət kimi həyatda özünə layiqli yer tutub tarixin səhifələrində yaşamaq Tamillanın ən ümdə istəklərindəndir.

  Alma

Ağacda dolu alma,

Yetişib sarı alma.

Axşam üstü yığaram,

Axşam yeyib doyaram.

Ana

Anamı çox sevirəm,

Onu çox istəyirəm.

Mehriban, əziz anam,

Mənim sevimli anam.

Gecələr də yatmayır,

Mənim qayğıma qalır.

Mehriban, əziz anam,

Mənim mehriban anam.

Mənim üçün çalışır,

Mənim qayğıma qalır.

Müharibə günləri

Hər tərəfi od basır,

Alov alışıb yanır.

İnsanlara baxaraq

Gülümsəyir, həzz alır.

Körpələrə qıymadı

Tanklar altında qoydu!

İnsanları ağlatdı,

İnsan cildində şeytan.

Günəş qana boyanır,

Buludlara sığınır.

Gözündən qan axıdır,

Ağlayır o hey, ağlayır.