Əzimova Zivər İnam qızı

Hər bir insan istedadı və qabiliyyətlə doğulur. Bu, Allahın insanlara hədiyyəsidir. Belə istedadlı uşaqlardan biri də haqqında söhbət açmaq istədiyimiz Zivər İnam qızı Əzimovadır.

Zivər 2000-ci il dekabrın 29-da Qax şəhərində anadan olub. Adınını atası qoyub, ata nənəsinin şərəfinə. Zivər Qaxda doğulsa da ailəsi ilə birlikdə Abşeron rayonunun Xırdalan şəhərində yaşayır. Xırdalan çəhər 1 saylı orta məktəbin IV sinfində oxuyur, dərs əlaçısıdır. Zivər uşaq yaşlarından rəsmə, applikasiya işlərinə maraq göstərib. Rəngli muncuqlardan bəzək əşyaları, parça qırıqlarından gəlinciklərinə paltar tikirdi.

Anası Bahar xanım xatırlayır: “ - Zivər hələ balaca ikən müxtəlif saç düzümləri edir. Gəlinciklərini bəzəyirdi. Uşaq bağçasında rəfiqələrinin saçını formaya salır, onlara müxtəlif lentlər bağlayırdı. 2 yaşında onun saçlarını qısaltdıq. Zivər hönkür-hönkür ağlayır ki, indi mən saçlarımı necə düzəldəcəm?”

Zivərin rəsmə marağı olduğunu görən valideynləri onu Abşeron rayon Mədəniyyət Evinin nəzdində fəaliyyət göstərən rəssamlıq kursuna qoyublar. Dərnəkdəki fəaliyyət Zivərin incəsənətə marağını daha da artırır o rəssamlıqla daha peşəkar məşğul olmağa başlayır. Zivər adətən təbiət mənzərələrini, ilin müxtəlif fəsillərini kağıza köçürür. Əsasən rəngli karandaşlarla işləyir. Müəllimi Mehriban xanım, sinif yoldaşları Zivərdən çox razıdırlar.

Boş vaxtlarında musiqi dinləməyi, gəlinciklərə paltar tikməyi xoşlayır. Zivərin müxtəlif əl işləri, müxtəlif applikasiyaları, muncuqlardan düzəltdiyi bəzək əşyaları məktəb, rayon tədbirlərində sərgilənir.

Zivər gələcəkdə modelyer-dizayner olmaq istəyir. Zivər 2011-ci ilin yay aylarında ABŞ-ın Kaliforniya ştatının “Sülh korpusunun” nümayəndəsi Lori Dannın verdiyi usta dəsərində iştirakşı olub. Qabiliyyəti və bacarığı ilə həmyaşlarını təəccübləndirib. Zivər gələcəkdə respublikamızı müxtəlik beynəlxalq tədbirlərdə təmsil etmək, xalqımız, vətənimiz üçün yararlı vətəndaş olmaq istəyir. Uğurlu olsun Zivər! Qoy səsin həmişə yüksək zirvələrdən gəlsin!