Mirizadə Elmir Zaur oğlu

Elmirə adını ata babası anasının adına uyğun olduğu üçün qoyub. Elmir körpəlikdə çox maraqlı uşaq olub. Dolabda olan qabları sındırırdı, amma sakit oturmağı başa salanda qulaq asırdı. Cizgi filimlərini xoşlayırdı. Bağçaya gedərkən əl çantasını ancaq özü hazırlayardı. Əks halda çantasız gedərdi. Məktəbə gedənə qədər oxuyub-yazmağı bilirdi. Bunu atasından öyrənmişdi. Bir gün Elmir həyətdə oynayarkən qonşuları Sevda xanım ona pul verib çörək və su almağı tapşırır. Elmir bunları alıb Sevda xanıma verir və pulun qalığını ona qaytarır. Sevda xanım Elmirin getmədiyni görüb nə istədiyini soruşur. Elmir ona zəhmət haqqının verilməsini istəyir. Bu əhvalat Elmirin 4 yaşı olanda baş verib.

Elmirin idmana marağı çox böyükdür. Bu maraq onda idman çantası ilə gedib gələn uşaqlar gördükdən sonra yaranıb. Elmir Zaur oğlu Mirizadə 27 dekabr 1997-ci ildə Bakıda anadan olmuşdur. Xirdalan şəhər 1 saylı orta məktəbdə oxuyur. İdmanın kinqboksinq növü ilə məşğul olur.

Elmir: “ - Dərslərimi yaxşı oxuyuram. Ən sevdiyim fənlər riyaziyyat, tarix və ana dilidir. Məktəbdə keçirilən bütün tədbirlərdə iştirak etmişəm. Xocalıya aid mərasimdə şeir söyləmişəm. Novruz bayramında keçirilən mərasimdə idman fəndləri göstərmişəm. Məktəbdə hər il əlaçı olmaq mənim arzumdur. Novruz bayramına həsr olunmuş kinqboksinq üzrə açıq birincilikdə Qazağıstan idmançısını məşğul edərək III yerə layiq görülmüşəm. Karate-do Federasiyaları Assosiasiyasının imtahanlarında 7 kyü sarı kəmər, 6 kyü narıncı kəmər və 5 kyü yaşıl kəmərlə təltif olunmuşam. 2009-cu ildə Azərbaycan Respublikası Syuri Şotakan karate-do klubunun təşkil etdiyi etdiyi turnirdə III yerə layiq görülmüşəm. Abşeiron Bilgisayar Texnologiyaları Mərkəzinin bilgisayar proqramları üzrə hazırlıq kursunu bitirmişəm.

İdman sahəsində uğur qazanmağımda ilk növbədə məni həvəsləndirdiyinə görə atama, sonra idman müəllimim Vüqar Aslanova borcluyam. Gələcəkdə polis orqanlarında işləmək istəyirəm. Bu fikrə uşaqlıqdan gəlmişəm. Çünki babam Xudaş Miriyev nümunəvi polis işçisi olub, indi isə təqaüddədir.

Asudə vaxtlarımda kitab oxuyur, musiqi dinləyir və bacardığım qədər musiqi alətlərilə ifa edirəm. 29 dekabr 2005-ci ildə “Olaylar” qazetində sinfimiz və o cümlədən mənim haqqımda məqalə dərc olunmuşdur. Rəqs etməyi çox xoşlayıram, çünki rəqs edəndə dincəlirəm. Xoşbəxtliyi can sağlığında, sağlam bədəndə və uğurlu ailədə görürəm. Əgər polis orqanlarında işləsəm, nümunəvi polis işçisi olsam və mənim əməlimdən xalqım razı qalsa özumu xoşbəxt sayaram. 2007-ci ildə Novruz şənliyində maraqlı rəqs etdiyimə görə Abşeiron rayon icra hakimiyyətinin başçısı mənə təşəkkürünü bildirdi.

Məktəbi əla qiymətlərlə bitirib Polis Akademiyasına daxil olmaq istəyirəm. İdmandakı uğurlarımı davam etdirəcəm. Uşaq olanda babam məni Lənkəranda general Həzi Aslanovun ev muzeyinə aparmışdı. Orada Həzi Aslanovun hərbi geyimini orden və medallarla gördüm və böyüyəndə tarixə düşmək arzusu ürəyimdən keçdi. Mənim fikrimcə insan oz xalqını sevərsə və xalqının rifahı üçün vicdanla işləyərsə o xalqının yaddaşında qalacaqdır. Mən bu yolda addımlamaq istəyirəm”.