Ziyalılar arasında onun öz yeri olacaq (Rəşad İlham oğlu Qurbanov)

Rəşad İlham oğlu Qurbanov 1997-ci il mayın 20-də Bakı şəhərində dünyaya göz açıb. Rəşad adını ona atası qoyub. Körpəlikdə olduqca dəcəl və cəld uşaq olub. Hətta o qədər dəcəl idi ki, 5 dəqiqə sakit olanda valideynləri təəccüblənərdi. Çünki onun sakit olduğunu heç vaxt görən yox idi. O, hər gün yeni macəraları ilə yaxınlarını təəccübləndirərdi.

Məktəbə gedənə kimi hərfləri, az da olsa toplamanı və çıxmanı bilirdi. O, çoxlu nağıllar, şeirlər, təmsillər, hətta yanıltmaclar da bilirdi.

Rəşad hazırda T. Bağırov adına 59 saylı orta məktəbin şagirdidir. Təhsildən əlavə şahmatla məşğul olan Rəşadın ən sevimli fənləri ədəbiyyat, riyaziyyat və tarixdir. Məktəbdə təşkil olunan səhnəciklərdə öz məharətini sınayır. 2005-ci ildə “Həftə” qəzetinin “Düyməcik” rublikasında “Dahi rəhbər”, elə həmin ildə “Həftə” qəzetinin “Düyməcik” rublikasında “İlk müəlliməm”, 2006-cı ildə “Savalan” qəzetində “İlk müəlliməm” adlı şeirləri, 2007-ci ildə “Savalan” qəzetində “Ördək balası” adlı rəsm əsəri, 2009-cu ildə “Elli” jurnalında “Şəhidlər xiyabanı” adlı rəsm əsəri işıq üzü görmüşdür. 2005-ci ildə “Cırtdan” jurnalında çap olunmuş suallara doğru cavab vermiş və A. Şaiq adına Dövlət Kukla Teatrına bilet qazanmışdır.

Rəşad 2006-cı ilin avqust və oktyabr aylarında “İctimai” TV-də “Uşaqdan xəbər al” verilişində qardaşı Eltonla birgə iştirak edib.

İbtidai sinif müəllimi Vəsilə Əhmədova Rəşadın gələcəkdə vətən, xalq üçün gərəkli vətəndaş, vətənpərvər oğul olacağına ümid bəsləyir və ona uğurlar diləyir.

Riyaziyyat müəllimi Şəhla Məmmədova Rəşadı digər şagirdlərdən dürüstlüyü, çevikliyi və cəldliyi ilə fərqləndirir. Gələcəkdə respublikanın qabacıl ziyalıları arasında Rəşadın da xüsusi yeri olacağına ümid bəsləyir.

Rəşadın rəsmlərində qış fəsli daha çox əksini tapır. O, yazdığı şeirlərdən və çəkdiyi rəsmlərdən böyük zövq alır.

“Əlifba” bayramında uşaqlar arasında keçirilən şeir yarışında qalib olduğu günü həyatının ən yaddaqalan və unudulmaz günlərindən biri kimi dəyərləndirən Rəşad ilk növbədə gözəl bir insan kimi yetişmək istəyir.

Orta məktəbi əla qiymətlərlə bitirib Tibb Universititinə daxil olmaq Rəşadın ən ümdə istəklərindən biridir. Bunun üçün Rəşad gecə-gündüz yorulmadan çalışır və istədiyi planları reallaşdırmağa səy göstərir.

Tarixin səhifələrində qalmaq hər bir şəxs kimi Rəşadın da arzusudur. O, tibb sahəsinin ən güclü mütəxxəssisi kimi tarixin yaddaşında yaşayacağına əmindir.