Ayşən Maarif qızı Musayeva

XXI əsrin uşaqları öz dünyagörüşü ilə əvvəlki nəsillərdən fərqlənir. Belə gənclərimizdən biri də Ayşən Maarif qızı Musayevadır. Ayşən 2 fevral 1998-ci ildə Bakı şəhərində anadan olmuşdur. Valideynləri deyir ki, Ayşən körpəlikdə çox sakit diqqətli qeyri-adi bir uşaq olub. O uşaq yaşlarından rəqs mahnı və idmana maraq göstərirmiş mahnı oxuyur musiqiyə uyğun rəqs edir və çətin idman hərəkətləri edirmiş. Ayşəndə məktəbə başlamazdan əvvəl yazıb-oxumaq həvəsi yaranmışdır. Onda yazıb-oxumaq həvəsinin yaranmasında dayısı qızı Mahruqun böyük rolu olmuşdur. Onda rəsmə olan maraq hələ ibtidai siniflərdə oxuyanda bacısı rəsm çəkərkən yaranıb, dərs olmasa belə öz-özünə şəkillər çəkməyə başlayıb.

Ayşən M.X.Axundzadə adına 102 saylı orta məktəbin şagirdidir. Dərslərini yaxşı oxuyur test imtahanlarında müəllimlərini qane edəcək ballar toplayır. Ayşən bir neçə tədbir və yarışlarda iştirak edib və öz əl işlərini nümayiş elətdirib. Ayşən 2007-ci ildə Abşeron Rəsm Qaleriyası və Avropa Komissiyasının dəstəyi ilə keçirilən müsabiqədə fəxri fərman-şehadətnamə aldığı, 2007-ci ildə BMTQAK Abşeron Rəsm Qalereyasının dəstəyi ilə təşkil olunan müsabiqədə istirak etdiyi günü və 2010-2011-ci ildə məktəbdaxili yarışda fəxri fərmanla III yerin qalibi olduğu günü ən uğurlu günlər hesab edir. Ayşən uğurlarına görə Rəssamlıq Akademiyasının müəllim Gülarə Orucovaya borclu olduğunu hesab edir. O, Səttar Bəhlulzadə Toğrul Nərimanbəyov və Maral Rəhmanova kimi rəssamlara oxşamaq, “Monaliza” kimi məşhur əsərlərin müəllifləri kimi yüksəlmək istəyir.

Ayşən boş vaxtlarında kitab oxumağı seir və türk mahnılarını dinləməyi cox sevir. Onun ən böyük arzusu öz rəsmlərini ölkəmizdə xaricdə nümayiş etdirməkdironun fikrincə tarixdə qalmaq üçün bənzərsiz əsərlər yaratmalıdır. Arzuları böyük olan Ayşənə biz də uğur müvəffəqiyyətlər arzu edirik...