Bədəlova Aytəkin Mürşüd
Azərbaycan
Müəllimlər İnstitutu Ağcabədi filialı. 2-ci kurs tələbəsi
Azərbaycan dili etnik mənşəyinə görə türk dilləri
ailəsinin oğuz qrupuna daxildir.Azərbaycan dilinin türk mənşəliliyi Azərbaycan
xalqının etnogenezisi məsələsi ilə bağlıdır.Etnogenez və dilimizin mənşəyi məsələsi
hazırki dövrdə mürtəce konsepsiyanın üstün mövqeyi, həqiqi elmi konsepsiyanın
küncə qısılmış vəziyyəti ilə son dərəcə mürəkkəbləşdirilmişdir. Azərbaycan
xalqının etnogenezisi haqqında iki baxış vardır. Baxışlardan birinə görə azərbaycanlıların
etnik kökündə türk başlanğıcı yoxdur.Bu fikrin tərəfdarlarına görə azərbaycanlıların
etnik təşəkkülündə müxtəlif mənşəli tayfalar iştirak edir,buraya türk etnosları eramızın I minilliyindən
qoşulurlar.Əslində həmin fikir türk etnik fenomeninin calaşması zamanı artıq
formalaşmış, Azərbaycan xalqının və deməli onun xalq dilinin də mövcudluğunu təsdiqləyir.Guya
türk toxumunun azərbaycanlıların etnik yenidən qurulmasına müdaxiləsi ilə türkcənin
hansı mənşədənsə olan Azərbaycan dilinin assimilyasiyası başlayır və XIII əsrdən sonra başa çatır.Digər elmi
baxışa görə azərbaycanlıların etnik kökündə yaradılışından türk başlanğıcı
durur və təbii ki,bu fikrin tərəfdarları Azərbaycan dilinin mənşəyində nə assimilyasiya etmiş,nə
də assimilyasiya olunmuş yox,birbaşa təmiz türk dili görürlər.
III-V əsrlərdə Azərbaycan dili formalaşır,bu proses türk tayfa dillərinin mərkəzləşməsi hesabına gedir. VII-XI əsrlərdə
Azərbaycana gələn türk tayfaları artıq müxtəlif tayfalarla deyil,müəyyənləşmiş
xalq mövcudluğu və onun dili ilə qarşılaşır-gəlmə mədəniyyətin qohum yerli mədəniyyətlə
ehtivası tədricən gedir.Buradan belə aydın olur ki,XI-XIII əsrlərdə gələn səlcuq
oğuzları Azərbaycanda Azərbaycan dili formalaşdırmayıb.Onlar gələndə artıq bu
xalq və onun dili vardı.Bir qədər də uzağa gedən dilçilərimiz Azərbaycanda
türklərin görünməsini Hunlarla I-V əsrlərdə hunların gəlişi ilə əlaqələndirir və
III-V əsrlərdə türk mənşəli ümumxalq dilinin təşəkkülünü qeyd edirlər.Təşəkkül
dövrü doğrudur,lakin təbii ki,iki-üç əsrin müddətində gəlmə türklər aborigenləri
türkləşdirib yeni dil yarada bilməzdilər.Əgər hun-qıpçaqların gəlişini I əsrdən
deyil,lap e.ə.III-II əsrlərdən götürsək belə,bu mümkün deyildi.Bu bir də onunla
ağla batmır ki,dilimizdə substrat əlamətləri də yoxdur.Bütün bunlar məntiqi şəkildə
göstərir ki,türk mənşəli Azərbaycan dili gəlmə hun qıpçaqların məhsulu
deyil,çox qədimdən bu ərazidə sakin olan yerli türk tayfalarının hesabınadır.Bəzi
tədqiqatlarda hunları türk dilli ilk etnoslar kimi görürük.Ancaq bu fikirlərlə
tanış olduqda bu fikri irəli sürən tədqiqatçının öz xalqının tarixinə nə qədər
bəsit yanaşdığına,faktları təhrif edərək düşmən dəyirmanını nə qədər sürətlə
işlətdiyinə təəccüb etməmək olmur.Biz köklü qədim tayfaların yəni,kimmer,skif,sakların e.ə.VIII-VII əsrlərdə Azərbaycanda olduğunu
qeyd etməliyik.
Azərbaycan
xalqının və onun dilinin təşəkkülünün V əsrdə başa çatdığını şərtləndirən bir
sıra amillər olmuşdur.Ən mühüm dəlil V əsrdə vahid alban yazısının olması və həmin yazının yenidən təkmilləşdirilməsidir.”Albaniya
tarixi”nin XVI fəslinin başlığında deyilən “Mesrobun Albaniya çarı Arsvagenin
yanına gəlməsi və burada əlifbanı təkmil etməsi,məktəbləri yenidən açması”sözləri
göstərir ki,Mesrob yeni əlifba düzəltməyib,mövcud əlifbanı təkmilləşdirib yeni
məktəb açmayıb,köhnə məktəblər bərpa olunub. Eramızın başlanğıcından sonra
dilində türkizm ən çox işlənən əsər də “Alban tarixi”dir. Əsərin dilində xeyli türkizm var.Bu sözlər
Qafqaz ərazisindəki bulqar,xəzər,hun tayfaları ilə bağlı olduğundan bəzi
tarixçilər bunları Azərbaycan dili ilə bağlamır və laqeyidlik göstərirlər.Halbuki
həmin tayfalar Azərbaycan xalqının etnik və dil mənşəyində bilavasitə və fəal
iştirak etmişlər.
Azərbaycan
dilinin təşəkkülünü e.ə.II,eramızın VI əsrlərində təşəkkül tapmış,VI-VIII əsrlərdə
cilalanmış “Kitabi-Dədə Qorqud”dastanları və bu dastanların misilsiz dil
materialı təsdiq edir. Bizə XV əsrdə yazıya alınmış nüsxə şəklində
çatmışdır. H.Araslı yazırdı:oğuz qəbilələrinin
Azərbaycana gəldiyi əsrlərin tarixi hadisələri ilə səsləşən müxtəlif dastanlar
XI əsrdə bizə məlum olmayan bir şəxs tərəfindən yazıya köçürülmüşdür
ki,indi”Kitabi-Dədə Qorqud”adı ilə məşhurdur”. Dədə Qorqud dilinin əsas lüğət
fondu Azərbaycan milli dilinin əsas lüğət fondu ilə əsasən uyğundur. Hətta bu
günkü Azərbaycan dilində də eynən qalır.
Türk
dilləri ailəsi dünyada mövcud olan ən qədim dil ailələrindəndir.Türkün türk
dilində müasir dünya mədəniyyətinə məlum ilk yazılı nümunəsi Orxon və Yenisey
çayları hövsəsində tapılmış qəbirüstü
yazılardır(VI-VIII əsrlər).Həm də bu yazılar başqa bir dildə yox,məhz türkün öz
əlifbası ilədir.XIX əsrin 90-cı illərində Danimarka alimi V.Tomsen tərəfindən
deşifrə edilmiş,bir az sonra rus alimi Radlov tərəfindən təkrar oxunmuşdur.
Başqa bir tarixi mədəniyyət faktı: tarixi e.ə. X minilliyə və daha qədimə aid
edilən “Qobustan rəsm yazıları”
bilavasitə türk mədəniyyəti ilə
bağlıdır.Ən aydın əlamətlərdən biri budur ki,Qobustan rəsmlərinin içərisində
Orxon runik yazısının işarələrinə təsadüf olunur.Məsələn,Qobustan qayalarındakı
ZZ işarələri Orxon yazısında z hərfidir.
Azərbaycanın
öz fəlsəfi abidəsi olan “Avesta”da türkizmlər diqqəti çəkir.Abidədə işlənən
tura//tur etnonimi “Türklər ölkəsi”demək olan Turanın əhalisinə işarə edir.Abidənin
dilində meşa (meşə) sözü var.Maraqlıdır ki,başqa türk oğuz dillərində həmin mənada
orman sözü işlənir.Deməli,”Avesta”dakı meşa bilavasitə Azərbaycan türkcəsinindir. “Qutadqu-bilik”
Orxon kitabələri,“Kitabi-Dədə Qorqud”kimi ulu türk abidələrindən biridir.Əsər
Orxon kitabələrindən sonra Türkün özü haqqında öz dilində ikinci sözü və ikinci
şah əsəridir (1069-1070).Orxon Yenisey kitabələrindən və”Qutadqu-bilik”dən
sonra Kaşğarlı Divanı türkün özü haqqında öz dilində üçüncü sözüdür,ancaq
tarixi dəyərinə görə məhz Orxon-Yenisey abidələri səviyyəsindədir.Divani-Lüğəti’t
Türk,Kaşğarlı Mahmud tərəfindən Bağdadda 1072-1074-cü illər arasında yazılan
türkcə-ərəbcə lüğətdir.Türkcənin bilinənə ən köhnə lüğətdir.Əlyazma nüsxəsi 638
səhifədir və təxminən 9 min Türkcə sözcüyün və cümlənin şərhini ehtiva edir.
(Azərbaycan tarixi .EA-nın nəşri,I cild,”Elm”,1998. Azərbaycan tarixi.Azərbaycan
Dövlət Nəşriyyatı,Bakı,1994)
Комментариев нет:
Отправить комментарий