elan

1. Elan-Elan-Elan:Redaksiyamıza Bakı, Sumqayıt və digər bölgələrdə çalışacaq ştatdankənar müxbirlər tələb olunur. Bir ay sınaq müddəti olacaq. Maraqlananlar aşağıdakı nömrələr və e-maillə əlaqə saxlaya bilərlər.
2. “İstedadlar.biz” redaksiyası və www.istedadlarla.blogspot.com saytı yeniyetmə və gənclər arasında “Vətənimi tərənnüm edirəm” başlıqlı müsabiqə keçirir. Müsabiqə bir neçə yaş qrupunda və bir neçə nominasiyada keçiriləcək. Müsabiqədə xarici ölkələrdə təhsil alan azərbaycanlılar da iştirak edə bilərlər.
Yaş qrupu.
6-9 yaş qrupu
10-13 yaş qrupu
14-17 yaş qrupu
18-24 yaş qrupu
25-29 yaş qrupu
Nominasiyalar
Nəzm və nəsr əsərləri
Rəsm və təsviri incəsənət
İnşalar
Dekorativ tətbiqi sənət
Müsabiqədə iştirak etmək istəyən şəxslər işlərini müsabiqəyə bir neçə üsulla təqdim edə bilərlər.
Bakı şəhəri. Mətbuat pr. 529-cu məhəllə. “Azərbaycan” nəşriyyatı, III mərtəbə , 98-ci otaq. Bu ünvana bilavasitə gətirməklə.
Yuxarıda göstərilmiş ünvana poçt vasitəsilə göndərməklə. “Müsabiqə üçün” qeydi olmalıdır.
guneshjurnali@mail.ru elektron ünvanına göndərməklə.
Müsabiqəyə təqdim edilən işlərdə aşağıdakı məlumatlar mütləq öz əksini tapmalıdır:
İştirakçının soyadı, adı, atasının adı.
Doğum tarixi (gün, ay, il)
Təhsil ocağı və sinfi
Dəqiq yaşayış ünvanı
Ev və mobil telefonu
1 ədəd fotoşəkil
Bakı. Mətbuat pr. 529-cu məhəllə. "Azərbaycan" nəşriyyatı. III mərtəbə. 98-ci otaq.
əlaqə nömrələri: 5382322, 4086820, 4082954 e-mail: guneshjurnali@mail.ru

14 декабря 2016 г.

Məhruzə Azər qızı Hacızadə

Məhruzə Azər qızı Hacızadə 31 mart 2003-cü ildə Bakı şəhərində anadan olub. Məhruzə körpəlikdə sakit qız olub. Anası onun körpəliyini belə xatırlayır: “Ağlı kəsər-kəsməz oynadığı gəlinciklərə bəzək verməyindən onun maraq dünyasını müəyyənləşdirmişdik. Biz ona rəngli karandaşlar alıb verdik. O, ilk dəfə gül və sərçə şəkli çəkib rəngləmişdi. 5 yaşında məktəb proqramını bildiyi üçün o, məktəbə qəbul oldu. Məhruzənin 3-4 yaşından rəssamlığa bağlılığı var idi. Məhruzənin 5 yaşı olanda Sara Əfəndiyevanın yanına məşğələlərə qoydum. O gündən indiyə qədər Məhruzə Sara müəllimin yanına məşğələlərə gedir”.
Məktəbə gedənə qədər yazıb-oxumağı bilirdi. İlk təhsilini 176 №-li məktəbdə alıb. Hazırda isə 173 №-li məktəbin IX sinif şagirdidir. Dərslərini yaxşı oxuyur. Ən çox sevdiyi fənlər Azərbaycan dili, ingilis dili, ədəbiyyat, təsviri incəsənətdir. Məktəbdə keçirlən tədbirlərdə fəal iştirak edir. Hazırda Vaqif Mustafazadə adına 2 №-li musiqi məktəbinə daxil olub. Bu məktəbdə də bir çox nailiyyətlərə imza atıb. Diplomları, sertifikatları var. 2014-ci ildə təsviri-tətbiqi sənət sahəsində qazandığı uğurlara, tədris ilində nümunəvi təlim və tərbiyəsinə görə təltif olunub. 30 may 2014-cü ildə Azərbaycan Respublikası Vergilər Nazirliyinin 1 İyun Uşaqların Beynəlxalq Müdafiəsi Gününə həsr olunmuş “Vergi uşaqların gözü ilə” adlı rəsm müsabiqəsində III yerin qalibi olub, diplomla təltif olunub. 2016-ci ildə kimya-biologiya gecəsində “Xlor” adlı təqdimatına görə diplom qazanıb. Xocalı soyqırımı faciəsinin ildönümünə həsr olunmuş sərgidə sertfikatla mükafatlandırııb. Hollandiya kralının doğum gününə həsr olunmuş sərgidə diplom alıb. Əldə etdiyi nailiyyətlərə görə müəllimlərə və valideynlərinə minnətdardır.
Faliyətindən dolayı Sakit Məmmədov və Akşin Kazımova oxşamaq istəyir. Ən yüksək zirvələrdə olmağı azrulayır. Gələcəkdə Əzim Əzimzadə adına kollecdə oxumaq və akademiyaya qəbul olmaq istəyir. Gələcəkdə tanımış rəssamlardan olmaq istəyir.
Asudə vaxtlarında kitab oxuyur, musiqiyə qulaq asaraq rəsmlər çəkir.

Biz də Məhruzəyə həyat yollarında uğurlar arzu edirik. 
Автор: на

Комментариев нет:

Отправить комментарий

Подписаться на: Комментарии к сообщению (Atom)