XXI əsr yeniyetmələri öz dünyagörüşü ilə əvvəlki nəsillərdən
əsaslı dərəcədə fərqlənir. Belə gənclərimizdən biri də Murad Xəyyam oğlu
Niftiyevdir. Murad 2003-cü il dekabrın 20-də Bakı şəhərində anadan olmuşdur. Valideynləri
deyir ki, Murad körpəlikdə dəcəl, amma ağıllı uşaq olub. Məktəbə gedənə qədər
yazıb-oxumağı artıq bacarırdı, 3-4 yaşlarında xeyli şeir əzbər bilirdi. Ağıllı
davranışları, tez qavraması ilə Murad yaşıdlarından seçilib və müəllimlərinin
sevimlisinə çevrilmişdir. O, məktəbə gedənə qədər yazıb-oxumağı valideynlərinin
köməyi ilə öyrənmişdir.
Murad 2009-cu ildə Nərimanov rayonu 258 saylı orta
məktəbin I sinfinə daxil olub, hazırda həmin məktəbin VI sinfində təhsil alır. O,
dərslərini cox yaxşı oxuyur, müəllimlərinin etibarını hər zaman doğruldur. Bütün
fənləri eyni dərəcədə sevir.
Murad məktəbdə keçirilən bütün tədbirlərdə fəal
iştirak edir, gözəl səhnəciklər, mahnılar və şeirlər təqdim edir. Onun üçün ən
maraqlı gün məktəbə və musiqi məktəbinə başladığı gündür. Murad olimpiadada I
yeri tutduğu günü ən uğurlu gün hesab edir.
Murad əldə etdiyi uğurlarına görə valideynlərinə və
müəllimlərinə borclu olduğunu hesab edir. Ən böyük arzusu yaxşı qiymətlərlə məktəbi
bitirib mühəndis olmaq, atası və babasının davamçısı olmaqdır.
Murad asudə vaxtlarında şahmat oynayır, tar çalır və
bədii əsərlər oxuyur. O, eyni zamanda musiqi məktəbinin tar sinfində oxuyur, mütəmadi
olaraq şahmatla məşğul olur.
Arzuları, məqsədi
böyük olan Murada biz də uğur arzu edir, dərslərində müvəffəqiyyətlər diləyirik.
Комментариев нет:
Отправить комментарий