Novruzova Adilə Adil qızı

Novruzova Adilə Adil qızı 17 yanvar  2005-ci ildə Lerik rayonunun Kəkonu  kəndində dünyaya gəlib. Atasının işiylə əlaqədar hələ körpəlikdən Bakı şəhərinə  köçüblər.

Adilə körpəlikdən ağıllı olmağıyla yaşıdlarından fərqlənirdi. Gördüyü hər bir şey haqqında suallar verir, ətraflı cavab almayana qədər sualları bitmirdi. Hələ 3-4 yaşı olarkən valideynlərinin onunçün aldığı rəngli qələmlərlə şəkillər çəkir, çəkdiyi şəkillərin nəyə bənzədiyini valideynlərindən soruşardı. Adilə bağçaya getməsə də anası ona məktəbə gedənə qədər yazıb- oxumağı öyrətmişdi. Anası müəllim olduğu üçün öz övladına elmi sevə-sevə öyrədib. 

Adilə hazırda Xəzər rayonu 322 saylı tam orta məktəbin şagirdidir. Hələ ibtidai sinifdə oxuyarkən müəllimi Nuranə xanım həmişə ondan razılıq edib.  Sinfi idarə etmək bacarığı olduğu üçün müəllimi onu sinif nümayəndəsi təyin edib. İbtidai sinfi bitirdikdən sonra da sinif rəhbəri Aysel xanımın sevimli şagirdinə çevrilib. Dərslərini əla oxuduğu üçün əlaçı seçilib. Ən sevdiyi fənnlər: Azərbaycan dili, ingilis dili və tarixdir. Bu fənnləri ona sevdirənlər həmin fənnlərdən dərs keçən müəllimləri olub. Məktəbdə xüsusi günlərdə keçirilən tədbirlərdə, mərasimlərdə, bayramlarda fəal iştirak edir.  Əksər tədbirlərdə şeirlə çıxış edib.  Onun dediyi şeirlər maraqla dinlənilib.

Adilə üçün ən yaddaqalan gün ilk dəfə məktəbə qədəm qoyduğu gündür. O, həmin günü heç vaxt unutmayacaq. Adilə dərin biliyə yiyələnməklə bərabər,  həm də dərsdən sonra  rəsm dərnəyinə də gedir. Eyni zamanda məktəbdəki “Əl işləri” dərnəyinin üzvüdür. Dərnəyin təşkil etdiyi müxtəlif tədbirlərdə fəal iştirak edir və diplomlara layiq görülüb.

Əhməd Baxşıyev adına 38 saylı Texniki Yaradıcılıq mərkəzinin diplomu əl işlərinə görə Adiləyə verilib.

Adilə əldə etdiyi uğurlara görə valideynlərinə və müəllimlərinə minnətdardı. O, gələcəkdə savadlı bir hüquqşünas olmaq istəyir.

Asudə vaxtlarında milli müsiqilərə qulaq asır, televiziya  ekranlarındakı bilik yarışmalarını izləyir. Çalışır ki, bilmədiklərini oradan öyrənib daha da bilikli olsun.

Adilə, uğurların bol olsun!