İsmayılzadə Əli Zamin oğlu

İsmayılzadə Əli Zamin oğlu 28 iyul 2011-ci ildə Bakı şəhərində anadan olub. Əli körpəlikdə sakit, ağıllı, təmkinli və sözə qulaq asan uşaq olub. Oyuncaq maşınlar və topla oynamaq onun ən sevimli məşğuliyyətləri idi. Məktəbə gedənə gedər yazmağı-oxumağı, hesablamağı Həcər müəllim tərəfindən öyrənib.  İsmayılzadə Əli Binəqədi rayonu, Biləcəri qəsəbəsində yerləşən Vüqar Əvəzov adına 300 saylı tam orta məktəbdə təhsil alır. Dərslərini əla qiymətlərlə oxuyur. Onun ən sevimli fənləri Azərbaycan dili, riyaziyyat və informatikadır. Məktəblərində keçirilən bütün tədbir və bayram şənliklərində fəal iştirak edib. Beləki o, Əlifba bayramında “Tülkü” obrazını böyük məharət ilə bayram iştirakçılarına nümayiş etdirib. Eyni zamanda  Novruz bayramına  həsr olunmuş tədbirdə  şeir söyləyib. Onun həyatında ən maraqlı və yadda qalan günü məktəbə ilk qədəm qoyub, sinif rəhbəri Məhəbbət müəllimi gördüyü gündür. Əli birinci sinfi əlaçılıqla bitirdiyi üçün diplomla təltif olunub. O, bu günə qədər əldə etdiyi uğur və nailiyyətlərə görə Məhəbbət müəlliminə borclu olduğunu bildirir. Gələcək hədəflərindən biri də polis peşəsinə sahib olmaqdır. Bu həvəs onda televizorda polislərin nümayişini izlədikdən sonra yaranıb. Əli işini vicdanla yerinə yetirən, şərəfli polis işçisi olmağı hədəfləyib.  Fəaliyyətindən dolayı atasına oxşamaq istəyir. Asudə vaxtlarında riyazi testlər həll etməyi, həmyaşıdları ilə oynamağı və ailəsi ilə zaman keçirməyi sevir. Əli rəsm çəkməyi çox sevir. O, canlandırdığı rəsm əsərlərində daha çox ailə mövzusuna üstünlük verir. Əli bilik, bacarıqlarını təkminləşdirib, Vətəninə və ailəsinə layiqli övlad olmaq istəyir.