Niftaliyev Rəvan Surxay oğlu

 

Niftaliyev Rəvan Surxay oğlu  31 yanvar  2004-cü ildə  Bakı şəhərində dünyaya gözlərini açıb. Gülərüz, səmim, sakit və mehriban uşaq olub. İstedadlı uşaq olması hər zaman ətrafdakıların  diqqətini çəkib. Xoşladığı məşğuliyyət badminton idman növü olub. Bundan başqa futbolla maraqlanıb.

Məktəbə qədər dövrdə hazırlıq kursuna getmişdir. Orada olan müəllimi tərəfindən yazıb-oxumağı öyrənmişdi. İdamana olan marağı 10 yaşında yaranıb. Dostları onda badmintonla məşğul olmaq həvəsini yaradıb.

Təhsilə  Xətai rayonu Zaur Məmmədov adına 171 saylı tam orta məktəbdə başlamışdır.  Hal-hazırda Xətai rayonu İlqar Cəfərov adına 260 saylı tam orta məktəbdə təhsilini davam etdirir. Dərslərini yaxşı oxuyur. Azərbaycan dili və tarix fənlərini xoşlayır.

Keçirilən bayram və tədbirlərdə  yaxından iştirak edir.  Məktəbdə olan “Yeni il” şənliklərində,”Novruz” bayramı şənliyində,  “20 Yanvar faciəsi ilə bağlı tədbirlərdə çıxış etmişdir. Şeirlər söyləmiş, müxtəlif rollarda çıxış etmişdir.  Həyatının ən uğurlu və maraqlı günü isə bu ilin idmançısı seçildiyi gündür.  Bundan başqa o bir çox yarışlarda iştirak etmişdir. 82 diplom əldə etmiş və fəxri fərmanla təltif olunmuşdur.

Əldə etdikləri uğur və nailiyyətlərə görə müəllimlərinə və valideynlərinə özünü borclu bilir.  Oxşamaq istədiyim insan yoxdur, o öz dəsti xəttinin yaratmaq istəyir.

Avropa çempionu olmaq ən böyük arzularındandır.

Asudə vaxtlarında maraqlı kino filmlərə və  futbol oyunlarına baxır.  Həmçinin yoldaşları ilə birgə  futbol oynamağıda çox sevir.

Hələ gələcək planları barədə qərar verməmsədə, vətənimizə layiqili övlad olmaq istəyir.

Tarixdə iz qoymaq üçün daha səylə çalışmalı, öz

üzərimdə daha çox işləməli olduğunu bildirir. İstedadlı müsahibimiz olan  Rəvana yolun hər zaman işıqlı və aydın, uğurların daim olsun olsun deyirik.

 Sənin hər zaman zirvələrdən gəlsin!