Məhərrəm Elçin oğlu Əlizadə 17 fevral 1998-ci ildə
Bakı şəhərində dünyaya göz açıb. Biləcəri qəsəbəsindəki 298 saylı orta məktəbin
şagirdidir.
Məhərrəm uşaq vaxtı sakit, ağıllı və tərbiyəli idi.
Uşaq bağçasında keçirilən tədbirlərdə şeir deyib, mahnı oxuyardı. Elə burada da
təhsil yollarında ilk addımını atıb, yazıb-oxumağı öyrənmişdi. Orta məktəbə qədəm
qoyandan sonra onun təhsilə, elmə marağı daha da artdı. İndi o, məktəbin əlaçı
şagirdlərindən biridir.
Məhərrəm: “ - Ən sevimli fənlərim Azərbaycan dili, ədəbiyyat,
insan və cəmiyyət, hərbi hazırlıq, informatikadır.
Hər il məktəbdə keçirilən tədbirlərdə iştirak edirəm.
Yeni il şənliyi, 20 Yanvar faciəsi, Novruz bayramı, Xocalı faciəsi kimi tədbirlərin
bəzilərində təşkilatçı, bəzilərində aparıcı, bəzilərində şeir deyib, rəsm çəkməklə
iştirak etmişəm.
Təhsilə marağamın artmasına yardımçı olduqlarına
görə 298 saylı məktəbin direktoru Şaiqə xanıma və müəllim kollektivinə minnətdaram.
Mənim bu sahəni seçməyimdə anamın böyük rolu olub.
IV sinifdə oxuyanda məktəbdə keçirilən şeir müsabiqəsində
II yerə seçildiyim gün heç zaman unutmayacağım günlərdəndir. Çünki valideynlərimin
sevincinə səbəb olmuşdum. Hiss edirdim ki, böyüyəndə də tədbirlərdə iştirak
edib uğur qazanacağam. İstərdim ki, ali məktəbdə də və ali təhsili bitirib iş fəaliyyətinə
başladıqdan sonra da daim dövlət tədbirlərində iştirak edim.
Gələcəkdə dövlət məmuru olmaq istərdim. IX sinifdən
bu fikrə düşmüşəm.
Asudə vaxtlarımı dünya və Azərbaycan xəbərlərinə
baxmaqla, xarici siyasi liderləri izləməklə keçirirəm və idmanla məşğul oluram.
Qiraətlə məşğul oluram. Ən çox oxuduğum mövzular vətənpərvərliklə bağlı ədəbiyyatdır.
Bu gün üçün əsas məqsədim
ali təhsil almaq, əsgər kimi vətənə borcumu verdikdən sonra dövlət qulluqçusu vəzifəsində
işləməkdir.”
Комментариев нет:
Отправить комментарий